¹ Sa oti na Siga ni Vakacecegu, sa cedre mai na i matai ni siga lia na macawa, Meri Makitala qa lia leqwa na Meri aru mai tolavia na i bulubulu. ² Ba tolavia, sa lia na uneune sa vatala mai na agilosi ni Kalou mai lomalagi, sa laka mai sqa mai vaqiqinia vele na vatu, qa gatule cia no. ³ Na keci i rairai a wetai na livaliva, na lea i sulu a sevusevu me wetai na wai cevata. ⁴ A ru sa saqakutu kutu i na mataku qaru sa wetai na tamata mate. ⁵ A sa tataniru na vibulou na agilosi qa ve ceru, "Ba kua ni mataku, qa kilatia ni o ba vatolavi Jisu, o koya a vako i na kauveitatai. ⁶ Sa tam no keni, ia sa dure, me wetou ga na kwa a kwaya. Mai tolavia na vanua a lei vakadoki ka. ⁷ Laka varewarewa qo lai vecera lea tisaipeli, Sa dure leqwa mai na mate. Tolavia sa teiteimata mai va iko i Kalili. E na tai tolavia so keni. Na kwa kwe qu sa veceko." ⁸ A ru sa yalobotia na i bulubulu na yalewa rua i na riruko qa na gadre, qa ru wavu meru lai vecera na tisaipeli. ⁹ A sa tavaki nivu mai o Jisu qa kwaya "Cola!" A ru laka vua na lewa, rua, qaru lai dere e la qaru varokorokotakinia. ¹⁰ A sa qei vederu o Jisu, Ba kua ni mataku, "Ba lai veceru na taciqu meru laka i Kalili. E i ba na qei lai sota ka." ¹¹ Niru sa laka tovo na vibulou, tolavia, a ru sewa na dau yadra a ra lai tukunia vuara Bete levu na kwa sa yaco. ¹² A ra sa vitukutukutaki na bete qa nira na tuqwaqwa na kwa sa yaco, a ra qei solia a lia na i wase ni lavo levu vuara na sotia. ¹³ qa ra vecera, "Tukunia vuara, O Koru na tisaipeli a ra mai drivatia e yago ni Jisu i na gauna amu moce tu ka." ¹⁴ Ma ga e i sa yaco vua na kovana na i tukutuku e i sa na yalo vina qa na lala lia na kea leqa. ¹⁵ A ra sa qulu na i lavo na sotia qa ra vayaco na kwa a ra lei vece. A seseya na i tukutuku vuara na Jiu me yacovia mai nikua. ¹⁶ A ru sa qei laka na tinikadua na tisaipeli i Kalili, i na ulunivanua a varaitaki nia vuaru o Jisu. ¹⁷ A ra ro ko vi koya ni ra sa tolavia, ia a sewa a ra vatitiqa ga. ¹⁸ A sa qa laka tavira mai o Jisu qa tatanira, Sa soli kece mai va au na lewa mai lomalagi qa nia muni i vuravura. ¹⁹ "Ba laka qo ba lai valotutaki nira na vimatanitu taucoko. Ba vavitaisotaki nira i e yaca ni Tamai vatikem, o Luveya, qa na Yalo Tabu." ²⁰ Vavulicira me ra dau vabautia na vi kwa taucoko qu dau vavulici vati kem ka. Ba tolavia, Qi na no qai vatikem tu ga me yavocia na i otioti ni gauna."