¹ Sa qei kwaya ne bete levu, "E i du na kwa raki kwe?" ² A qe kwaya muni o Sitivevu, "Taci au qa, vava qa, ba rogo i au re: Na lea lagilagi na Kalou a tase tamai keta o Eparayama ne lea nodoki mai Mesapotemia, sa beve lea laka i Arana; ³ A kwaya vua, 'dei nia ne vavua kwe qa na, ne lem vinewere, qo laka ne vanua qa na vatakeya va iko.' ⁴ "A deinia tu ne ledra vanua na koi Kalitia qa lai no doki i Arana; mai sokem, na lea mate o ti o tamaya, a mea mai na Kalou na vanua kwe, ko ba nodoki ka kwe. ⁵ A tam vagania me ke tankenitia, a lala, tam yaga boto re me butukia e la. Ia a yalataki ma - a du si tamvaluveni o Eparayame - i ne qei solia ga na vanua me tankenitia o kora lea kawa re taku nai vua. ⁶ A wetai tata no kwe ne Kalou ma, o kora ne lea kawa e re ne no vasewasewa boto i na ila vanua i volagi, o kora ga na koi ne vanua sokwe e ra na vabobula qa ra tam maroroi kora me va na daru na yabaki, ⁷ Ia, qi na lewai kora ge na vanue sokwe, 'a ksaya na Kalou,' oti sokwe e re na laka mai me re qwaravi au na vanua kwe..' ⁸ Sa qei vagani Epawayama na Kalou na viyalayalati ni vicilivi, a qei alivi Aisake o Eparayame ne tamaya nai ka walu ni siga; o Aisake a tanai Jekope, o Jekope a tamadru na tinikarua na petaviaki. ⁹ Na ledru vuvutaki ni Josefa na petariaki, a ru volitaki ni koya i Igipita; ia a no qai koya ga na Kalou. ¹⁰ qa vacola ni koya me na lea rarawa yalavu coko. A vagani ni Josefa kilatia qa ne vuka e mata sava ga ni Fevo, na tui Ijipita, ko a digi koya me Kovana i Igipita coko qa na lea i nono. ¹¹ A qei yacovi Ijiputa qa Kenani coko a lia na dausija qa na gauna dredre, a lala ne megiti me re dania na tama. ¹² Na lea rogo o Jekope ni tau no na megiti mai Igipita, a qei vatalavu mai leda vava na metai ni lakalaka. ¹³ Na kea i kavua ni lakalaka sa qei vatakei koya o Josefa vuaru lea vita ani, a vavunia ne lea kilatia lea vuvuv were lei Josefa o Faro. ¹⁴ Se qei vatalavu lesa lea vitacini o Josefa me lai mei Jekope mai lea vava me laka mai Igipita, o kora coko na wekaya, a ree vitusagevulu ne linia coko na kedra i wiliwili. ¹⁵ Sa qei laka a vo i Igipita o Jekope, qa qei lai mate, o koya qai kora leda vava. ¹⁶ A ra qei lai mei i Sikemi me re bulu lia nai bulubulu a volia o Eparayane i na tiki ni siliva na kea i sau wai mara na leveu Amori mai Sikemi. ¹⁷ Sa cakolo tovo mai na gauna ni viyalayalati, na viyalayalati a tara na Kalou va Eparayame, sa tubu qa lia ne kwa ne leva ni tamata i Igipita, ¹⁸ me yacovia a tase a lia leqwa na tui ni Igipita, a tani kilatia lia na kwa baleti Josefe na tui kwe? ¹⁹ A covilaki ni kora qa tam maroroi kova leda tuqwaqwa, qa vavunia me ledra lai kilati na driadria yasewa si qei sinau me ve kua ni vacolai. ²⁰ "Na gauna muni sokwe a sua no ka o Mosese; a sa lia ne kwa kea raivai vina vua na Kalou qa susu ga vali lea weve tameya me tolu na vula. ²¹ Na lea biu mei tevai, a meya sawaga o luvei Fevo yalewa me sugia me ni luvea. ²² A lei vakavuli o Mosese vuara na vuku coko ni Igipita, a qwaqwa na tata a kwaya qa na lea cakacaka a tava. ²³ Rautia ni se yabaki vasagavulu lea cola no, a tubu mai e yalo me sa lai sikovi kovu na lea vitacini, kora na kawa lei Isireli. ²⁴ Na lea tolavia no lea ttam lai lomani no a lia na koi Isireli, a qei totaki ni koya o Mosese ni tam vina vua a qei rubicia na koi Ijipita sokwe: ²⁵ A numia re ru ke kilatia no lea vitacimni ni Kalou, e lima ga, a vivacolai no, ia a ru tani kilatia no. ²⁶ Na siga taravia leqwa a cedrevi koru ne, ledru maci vala no, a vasagatia me tavovi ti kovu, qa kwaya, 'Vatikem, o ba vitacini; na ava oba vivala taki no ka?' ²⁷ "A qei bili koya dei a lia vuara ne vivala no kwe, qa kwaya, 'O ei a digiko mo vatulewa qa mo lewai kemam? ²⁸ E vinatia mo vamate ni ayu, me wetai na lem vamate na koi Igipita a ni avi?' ²⁹ A tuba dei savaga o Mosese na lea rogo na i tukutuuk so kwe; a lai no vulagi vali i ledra vauna na koi Mitiani, yacovia ga lai rua ka o oavia tagwane. ³⁰ "Sa oti a vasagavulu ne yabaki, a qei tasevi koya a lia na agilosi i buto ni vi kaikai mai na uluni vauna o Saineai, a udre tu a lea na vunikai. ³¹ Na lea dania o Mosese na ndre, a drukataki nia ne kia i rairai, ne lea vakolotia me dania vina, a qei tata mai na momo levu, me kwaya, ³² "O au na Kalou lei tamam, na Kalou lei Eparayama, qa lei Jekope.' A metaku o Mosese qa tam mata tolavia. ³³ "Sa qei vece mai ne momo levu, " Liratia dei na lem vava mai ula, na vanua e dure tu ka e ei qwale tabu. ³⁴ Qi sa dania no ledra rarawa na legian tamata re nodoki Igipita; qasa rogo no muni ledra tagi, qi sa laka oino mai kwe me qu vvacole ni kora; mo laka mai , qi na vatala ti iko i Igipita." ³⁵ Ko ne Mosese a ra tani vinatia, qa ra kwaya, 'O ei a digi iko mo vatulewa qa mo lewai kemani? '- o koya sara ga a vatala na Kalou me lewa qa me ra dei mai. A vatala nea Kalou i elima na agilosi ko a dania o Mosese na vunikai sokwe. ³⁶ A mera dei mai o Mosese mai IGipita, ni oti na lea tara na cakacaka mana a sewa qa nai vakarakilakila mai Igipita, na wase daudam, qa i vakaikai me vasage vulu na yabaki. ³⁷ "Ko na Mosese cvata ga no sokwe ko a vecera na Isireli, 'Na Kalou i na digia lia na parofita mai va kem, e lia me wetai o au.' ³⁸ Ko na tamata ge kwe ko a yato ta nai vikaikai qa tata mai vua na agilosi mai na wuivauna o Saineai, ko a no qai kova leda vava, ko i tau no vua na tata cola me vagania va keta. ³⁹ "A ra tam rogoi koya leda vava; a re bili koya dei mai vuara, qa lesu leqwa ga i Igipita me dra yalo. ⁴⁰ A va qei kwaya va Eroni, 'Yava lia ne Kalou ko i rewa hi liutaki ni keta. Ko na Mosese kwe, ko a mei keta dei mai Igipita, te tam kilatia na ava sa yacovi koya tu.' ⁴¹ Re sa qei bulva a lia na luwe ni bulu nakau na gauna sokwe me ne vacabo vina he Kalou, a re sa marau baletia ne cakacaka ni medra lima. ⁴² Sa qei vuki leqwa na Kalou qa vatava me re qwaravia, na kalokalo ni lomalagi, me wetai re vola na parofita. 'O ba kau mai va au na i sovo qa mom vacabo na vasagavulu na yabaki i vikaikai, kem na Isireli? ⁴³ O m sa vakaiotaki nia ne were ni lotu lei moloke na sakisaki dei Remifani va Kalou,, qa na i vatakarakave mom qwaravi koya ka; qi na qei mei vatikem kwe me sivi nai yalayala kei papilovu.' ⁴⁴ O kora leda vava a tau ne were ni qwaravi Kalou re vadudutaki wa mai vikaikai, me wetai lea kwaya na Kalou va Mosese, me vatakutakuicia nea ne kwa a dania. ⁴⁵ A oti, ko ra leda vava, gauna lei Josua, re cigonia ne were ni qwaravi Kalou qa re kau vali ne gauna sa ledra ka na qwele re vutukia. A qaratia na Kalou na qwele mai ni vimatanitu qa karavi kora dei si beve ni re sota qa leda vava.A tau tu me yacovia ne lea vi viutela o Tevita, ⁴⁶ O koya a taleitaki e mata na Kalou, qa kerevia muni me lia lea i vakavaka cegu lea were o Jekope. ⁴⁷ Ia o Solomoni ga a qei tara lea were na Kalou. ⁴⁸ "Ia sokwe, na momo teteilagi kwe i tam dau no na were koi tava na lima, a kwaya na Parofitia, ⁴⁹ 'O lomalagi na leqi au i nono, o vuravura e tea i tutu ni qu la. Na mataqali were vakaava oba rewa ni tara me leqi au? ei kwaya na Momo Levu, se na vauna ava me qu dau vakacegu ka? ⁵⁰ A tam tara squ lima na kwa raki kwe?' ⁵¹ Yavu na tamata domo qwaqwa raki, tam cilivi vina vatimem yalo qa vatimem taliga, o ba dau duwaraki nia na Yalo Tabu; qo ba tara sara ga no ledra i valavala na vatilem vava. ⁵² A bau lia na Parovita ara tam vamate kora ne vatilem vava? A ra bau vamatei kora a parofita ko ra tase mai si be re mai ko e yalododo talia; o ba sa qei cakitaki nia qo ba vamate muni, ⁵³ O ba lai vagani ne lawa ko ra vatavunia na agilosi, qo ba tam maroroya muni." ⁵⁴ Ni re sa rogo na matavilewai ne kwa kwe, a dere medra yalo qa ra vakati bati ti sitiveni. ⁵⁵ Ia o koya, a sinai vutuvutu ta na Yalo Tabu, a tola vadodonu tu i lomalagi qa dania na lea i serau na Kalou; qa dani Jisu ei dure tu e fiki ni e lima matau na Kalou. ⁵⁶ A qei kwaya o Sitiveni, "Ba dania, qi tolavi lomalagi sa dola tu, na luve ni tamata ei dure tu e tiki me lime matau na Kalou." ⁵⁷ A ra sogotia sara ga me dra taliga na lewe ni matavilewai, qa ra gisa i yata, me re wavuci koya yati i na lia na i naki. ⁵⁸ Re yarataki ni koya mai tevai qa ra taula me ra va virilaki ni koya. A re sa qei tevukia na tola tu ledra i sulu i e la a lia na momo sewa e yaca o Saula. ⁵⁹ Na ledra virilaki ai Sitiveni no, se qei kwaya ao ya vua ne Momo Levu, Jisu Momo Levu, meya yati qu yalo." ⁶⁰ A tikinia civo ira e turu qa tagi i na domo rogo levu, "Momo Levu, kua ni kauwaitaki nia ledra i valavala ca," A kwaya rewe kwe, qa sa moce yati.