¹ Ni ba dei nira tu mai sa mai vakharuw sara na sokho, a ba sokho vadodonu tia sara ga na kora o Kosa, na siga raravia ina koro o Roti, mai so kha kwe ina koro o Patara. ² Ni ba sa ligocia na waqa ei sokho takosa i Fini sia, aba sa vodo sara kha qa ba sokho yati. ³ Niva sa ligoci Saivurusi, sa dei no inai mawi ni sakhesakhe ni waqa, ba sa sokho sara i Siria qa ba kele sara i Taia, ni lai sovutaki kaka kha na waqa. ⁴ Ni oti na vatilemam ligocira na tisaipeli, aba no tu sokheni me vitu na siga. Mai na vivauqeti ni yalotabu are sa gusavi Paida me kua ni lakha i Jerusalemi. ⁵ Ni sa lai cava na siga ni vatilemam no, aba sa deidei meba sa lakha yati, o kora cokho, na vivilewe na driadria, are sa taku ci vatikemam mai ina tau dakhu ni koro. A ba sa qei tikhi turu civo i mata cawa, meba masu, ⁶ aba sa mai vitatau rauni vuara yalia. Qa ba sa vodo sara yati waga, qara sa lesulesu leqwa i ledra vi werewere. ⁷ Ni sa oit mai na sokho i Taiq, a ba sa yaco i Toleme. So kheni aba sa kidavakhi nira muni na tokani qa ba no qara vali me lia cokho na siga. ⁸ Ina siga taravia aba sa deidei mai me ba lakha i Sisaria. A ba sa lakha sara i were va Filipe, na dauvivakhalotutakhi, o koya a lia vuaru na vitu, qa ba lai no qaya vali. ⁹ Na tagwane kwe a va vali o luvea yalewa si tam mei tagwane aru dau parofisai. ¹⁰ Ia nisa lai vica na siga vali na no, a sa lakha civo mai Jiutia a lia na parofita e yaca o Akapusi. ¹¹ Asa lakha mai va vatikemam qa qareatia na beleti lei Paula. Asa vesukia kha a la qa e lima qa kwaya, "Ko kwe na kwa ei kwaya na Yalo Tabu, "Ko kwe na kwa ere na tara na Jiu mai Jerusalemi vua na tamata nai taukei ni beleti kwe, qara na soli koya medra lima na koi matanitu teni." ¹² Niba sa togo na kwa cokho kwe, o vati kemam qai kora muni na tamata are no tu sokheni mam sa va bole i Paula me kua ni lakha cakhe i Jerusalemi. ¹³ Sa qei saumia vuara o Paula, "Na yava o ba tara, oba tagi mo ba mata va vayalo sewasewa taki ni au? Niqu sa vakarau tu, ni tamnia boto na vasulakhi, i amequ mate muni i Jerusalemi ie yaca na Momo o Jisu." ¹⁴ Ni sa tam bau visau e lomani Paula, mam sa no boto vailo qa mam sa kwaya, "Me yaco ga e loma na Momo vua.." ¹⁵ Sa oti visiga kwe, aba sa vatakhitia na vatilemam yaya qa ba sa lakha cakhe i Jeruisalemi. ¹⁶ So kheni are sa lakho qai vatikemam muni are sewa na tisaipeli mai Sisaria. Are lakha vata munmi qa lia na tagwane e yaca o Nasoni, na momo ni Saipurusi, sa bau lotu balavu, aro lai no vata vali. ¹⁷ Ni ba sa yaco i Jeruisalemi, are sa kidavakhi ni vatikemam mai nai tokani ina marau. ¹⁸ Na siga tavavia aba sa lakha qa Paula va Jemesa, qai kora cokho muni na tuqwaqwa ni lotu are no muni. ¹⁹ Nisa kidavaki mira oti, sa qei telilakhinia alia mai na vikwa kece sa tara na Kalou vuara na koi matanitu teni ina gauna ni lea kau lotu vali mai. ²⁰ Ina gauna are sa rogo kha, are sa valagilagia na Kalou, qare sa kwaya vua, "Osa ligocia, wekai au, a vica leqwa na udolu are sa vabutia mai vuara na Jiu. Ei taucokho na maroroi ni lawa. ²¹ A sewa are sa vatakei iko vu ara, mo vavulicira cokho na Jiu ko re no vimaliwai tu qai kora na vimatanitu teni meve dei ni Mosese, sqa mere kua ni niti vira na luvedra, qare kua ni takhuicia nai valavala makawa. ²² Na yava me teva tara? Ni re na baci rogo nio sa lawha mai. ²³ Ia mo tara na kwa i ba vecekho. Iri va na tagwane aru bubului. ²⁴ Mo meru yati na tagwane qo vasavasavataki niko qai koru, qo saumia na ledru i madrali, meru tasi driwa nia medru ulu. Mere rewa ni kilatia kha na tamata ni vi kwa cokho are rago me baleti koya a lai coritakhi. Me re vulicia muni kha nio cola va vadodonu, qo takuicia na lawa. ²⁵ Ia medra vu na vimatinitu teni are sa vabautia, aba sa vola na na vatilemam vatulewa ni dodonu mere maroroi ni kora mai na vikwa a cabo vuara na matakau, mai na dra, na kwa a kuna, na vidrivati." ²⁶ Sa qei meru na tagwane o Paula, ina siga taravio sa vasavasatakhi ni koya qai koru. Aru sa qei lakhai were ni lotu, qa lai kwaya kha na siga ina oti kha na vivasavasavatakhi qana cabo ni madrali me dukha baletiru. ²⁷ Nisa vakharau yacovia no yati nai kha vitu ni siga, aru sewa na Jiu mai Esia, aru ligo ci Paula i buto ni were ni lotu, are sa qei vaso sataki niva nat tamata qare sa visobe yakhi nia. ²⁸ Are sa gigisa, "O kem na Isireli, mvivuke mai. Ko kwe na tagwane a vavuliara no na tamata ina vivanua cokho mere cakhati kora na leda, na lawa, qana vanua kwe. E tikhi, sa mera muni mai na koi matanitu teni mere mai va dukhadukha ina were ni lotu qai na vanua tabu sara." ²⁹ Nire ligocia sila re mai mata niru no vata vali qai Tirofimo na koi Efeso ina buto ni Koro, nire sa numia cokho nina mea o Paula i buto ni were ni lotu. ³⁰ Are sa qwaqwa na koro, qare sa wavu vata kece na tamata qare sobe lakhi ni Paula. Are sa yaratakhi nia dei mai were ni lotu, qa sogo vasauri mai na mata ni were. ³¹ Nira sa vasagatia vali mere va mate, sa rogovakhi yati i yata vua na kavetani ni valu nai tukhutukhu, nio Jerusalemi cokho ina vukhu ni qwaqwa ei yaco tu. ³² Vakhalia na lea mera na sotia qai kora na momo ni valu mere wavu cira yati na vanua a yaco tu kha na qwaqwa. Nire sa ligacia na kavetani ni valu qana sotia, are sa cegu ni rubi lakhi ni Paula. ³³ Sa qei taucia na lea lewa na kavetani me vesu mai a Paula, qa taucia me resu ino rua na senidodo. Qa tarogira se o ei na tamata kwe, na yava a tara. ³⁴ Are sa qei gisotakhi yati a sewa na kwa, qa sewa leqwa a lia leqwa na kwa. Ia na kavetani atam qulumia rewa na du ni sa rui sivia na qwaqwa, sa solia yati na lea lwea me yara yati ina bareki ni sotia. ³⁵ Nisa yaco yati ina kabakaba, a re sa yara kiyo rauni vali na sotia ina vukhu ni ledra i valavala qwaqwa na lewe ni vanua. ³⁶ Are sa takuicia tu na tamata cokho, qare gigisa tu yati, "Me dei yati," ³⁷ Ni sa laimei elvo tovo o Paula ina keba ni sotia, sa kwaya i vua na kavetani ui valu, "Qi rewa ni tata re va kem?" Sa kwaya vua na kavetani, "E kilatia muni na tata va Kirisi?" ³⁸ Tam niko na kai Ijipita keya a tekivutakhinia a lia nai lala qa mera a vunaudolu na tagwane dau laba i vikaikai?" ³⁹ Sa kwaya vua o Paula, "O au na Jiu, mai na koro o Tarisu ina vanua o Silisia. Qi lewe ni vanua tu dei. Qi kere vikho no, me vadonia re mequ tata re vuara na tamata." ⁴⁰ Nisa va donuya na kavetani, sa dure o Paula ina kabakaba qa dodonia yati e lima vuara na tamata. Nira sa vanomodi kece sara tu ga , a tata nira ina tata va Iperiu, qa kwaya,