¹ "Va kem na taciau qa i kem na tamai au, mrogo re mequ kwalekwale takhi ni au re yati iva kem." ² Nire sa rogai Paula ni sa tata va Iperiu yati vuara, are sa no vailo . Asa vecera, ³ "O au na Jiu, qu sucu mai Tarisu mai Silisia, las qu susugi ga ina koro kwe ina lea vivakha vuli ga lei Kameelieli, qaqu tuberi va dodonu sara ga ina ledra lawa na leda tuqwaqwa. Qisa dau qwaravia vina na Kalou, me wetai ga muni o kem ina gauna kwe. ⁴ Qu va sarurara nira na lotu wetai kwe mere mate sara, qu vesu lakhi nira na tagwane na yalewa qare biu i were ni vi vesu, ⁵ a re sa lequ i vadudu vali okora na bete yalevu qai kora na tuqwaqwa. Qu ciqomia nai vola mai vuara baletira na viwekani mai Tamasiko, qaqu lakha so keni mequ lai mera mai na vasu tu mere mai tau na kedra i totogi i Jerusalemi. ⁶ Ia niqu sa lakha volekhe tovo i Tamakiko, ina siga levu tutu na vanua qa vasauri alia na cina cecetavatava sa sinavi au mai lomalagi. ⁷ Qu dravocakhi vasauri i qwele qaqu varogo a lia na demo sa kwaya va au, "Saula, Saula, na yava e va caca ni autaki?" ⁸ Qu saumia, "E ei kem, Momo?" Asa kwaya mai va au, "O au o Jisu na koi Nasareci, o koya e vacacania no." ⁹ O kora kece na lakha qai au tovo are ligocia na cece, ia are tam qulumia ga na kwa a lai vece tu va au. ¹⁰ Qu sa kwaya, na yava i dodonu mequ tara, Momo?" Sa kwaya va au no Momo, "Mo dure qo lakha i tamasiko. Sa kheni ina qei lai vece yati na kwa kece baleti iko mo tara." ¹¹ Qu sa tam tola rewa saraga baletia na cece ni cina, qare sa qei tuberi au o kora na lakha qai au vali, me yaco i Tamasiko. ¹² So kheni aur sa lai sota kha a lia na tagwane e yaca o Ananaisa, na tamata lotu du ina vuku ni lawa qa dau tata vina vuara na Jiu kore no vodi sokeni. ¹³ Asa lakha mai va au, qa mai dure qu tikhi, qa kwaya, "Wekai au Saula, ino tola rewa mai," Ina tiki ni gauna sokwe qusa tola vi koya rewa. ¹⁴ Sa qei vecei au "Na Kalou ni leda tuqwaqwa sa digitakhi nikho mo kilatia e loma, mo ligo cira na yalododonu rakhi, qa mo rogo na tata kece ei lakha mai e gusu. ¹⁵ Mo na dau veceva tovo na tamata na vi kwa kece o sa ligocia qo rogo. ¹⁶ Ia kokwe na yava e warakhi nia no? Mo dure mai mo papitaisotakhi, me vasavasavatakhi na lem valavalaca, nio sa masutia e yaca." ¹⁷ Ia ni qu sa lesu leqwa mai Jeruisalemi, qa qu sa lai masu no i were ni lotu, qu sa ligocia na raivotu. ¹⁸ Qu ligoci koya ni kwaya va yau, "Vigugu mo lakha dei varewarewa mai Jerusalemi, nire na tam vabautia na lem i tukhutukhu baleti au." ¹⁹ Qa sa kwaya, "Kem na Momo, O kora vatakhi nira ere sa kilatia tu na lequ biutira i were ni vivesu qa re rubicakhi o kora kece are vabauti kem. ²⁰ Ia sa tasova yati na dra kei Sitiveni okoya a dau kwai kem vali, o au qu dure qara vali qaqu liavata tu muni qai kora ina lea mate, qoqu yadravia tu na ledra i sulu na vivakhamate." ²¹ Ia sa vecei au, "Mo lakha, niqu na vatalai iko vakayawa sara va kora na vimatanitu teni." ²² Are sa varogoci koya no me yacovia ni sa oti na vikwa a mata kwaya. Are sa qei vigigisa leqwa qare kwaya, "Me kau dei i vuravara na mataqali tamata kwe, ni tam dodonu mere lai vakha cola no." ²³ Nive si gigisa tu, re viriviritakhi ledra i sulu, re ceburakhi nia na kavukavu ni qwele ina maliwa lala, ²⁴ sa kwaya na momolevu ni valu mere mei Paula ina barekhi ni sotia. A sa kwaya me lai vata rogi qa kavokavo cakhi, me rewa ni kilatia kha se na yava ere gisati koya tu kha wetai kwe. ²⁵ Nive sa vasulakhi ni koya ina wa, sa tarogia a lia na momo adure valekhe tia tu, "Ei vatarai va kam mom rubi lakhi nia i lia na koi Roma qa tam vilewai sila re?" ²⁶ Ia ni sa rogo na momo kwe, sa lakha vua na momo velu ni valu qa vece, qa kwaya, "Na yava esa tara kwe? Na tamata kwe ei lewe ni vanua tuda i Roma." ²⁷ Asa cora via mai na momo levu ni valu kwe qa kwaya vua, "Vecei au re mai, o iko du e lewe ni vanua tu dei i Roma?" sa kwaya o Paula, "Io." ²⁸ Sa saumia na momo levu ni valu, "Sa lia nai lavo levu qu solia mequ lewe ni vanua tudei." Ia o Paula sa vece, "Aqu sucu ina buto ni kwe ni vanua tudei i Roma." ²⁹ Asa dei ni koya vasauri tu na tagwane koya dodonu me lai va tarogia. Na liuliu levu ni matai valu sa yacovi koya muni na matakhu, ni sa qei kilatia nitia koi Toma o Paula, baletia na lea vasu lakhi ni koya. ³⁰ Ina siga taravia, na momo levu ni valu asa mata kilatia na du ni vi kwa are tavuiti Paula no kha na Jiu. Sa serokia dei nai vesu qa kwaya vua na bete levu qai kora na lewe ni matavilewai mere lakha mai bose. Sa qei ma Paula civo mai ra ga vakha tu nia medra mata.