¹ Sa vatolavira va dodonu na lewe ni bose o Paula qa sa kwaya, "Taci au qa, qisa tkhui cia no na vikwa koqi numia ei ss dodo nu ina mata ni Kalou me yacovia na siga kwe." ² Asa kwaya o Ananaisasa na bete levu va kora na no valeke tu sokeni ba voca e gusu. ³ Sa qei kwaya vua o Paula, "Na Kalou ina socalakhi ni iko, nio ikho na lalaga ni were boro sevusevu. O sa no dokhi no mo lewai au mai na lawa, qo sa kwaya mequ lai vocalakhi, ia qa tam wetai na lawa?" ⁴ O kora na dure tu sokeni are sa kwaya, "Sa wetai tu ei nai tautau ni tem tata vua na bete levu?" ⁵ Sa kwaya o Paula, "Qu tamvakawa metia bete levu, taciay qa. Ni sa volai, "Mo kua ni tatat vacacania ilia na ledra i liuliu na koi lem." ⁶ Ia ni sa ligocia o Paula lia nai wase na Setoki qa sewa na Farisi, sa tata yati vakha domo levu va kora na lewe ni bose: "Taci au qa na Farisi, na luveni Farisi tagwane. Ei baletia ni qu sa valudutakhi nia na dure leqwa mai na mate niqu na lai cacani kha." ⁷ Nisa kwaya oti na kwa kwe, sa yaco na viba vuara ma Farisi qai kora na Setokhi, sa yaco mere sa vidai vua na tamata taucokho. ⁸ Ni o kora na setokhi are kwaya ni lala na dure leqwa mai na mate, e lala na agiloci, na yaco, are sa kwaya na Farisi ni du vuavua. ⁹ Sa qei toso cake ga na vigigisa, qa sewa vuara ledra vunivola na Farisiti are sa dure cakhe gare kwaya, "Mam tam tolavia lia na cala vua na tagwane kwe. Dania re magame tata vua na yalo agilosi?" ¹⁰ Sa qei tubu alia na viba levu, nai liuliy levu ni matavalu sa matakhu sara ga vakalevu nire na basulakhi ni Paula me tikhitilahi ya sewa, ia sa kwaya vuara na sotia mere lakha civo qare lai yarakia mai vaqwaqwa mai vakora na matabose, mere mea civo ina barekhi ni sotia. ¹¹ Na bogi ga no so kwe sa mai dure tu e tikhi na Momo qa kwaya, "Mo vakacegu, mo sa kwai au mai Jerusalemi, ia mo kwai au muni mai Roma." ¹² Ia nisa lai siga, sa sewa vuara na Jiu are sa vitanakhi vai lo qare sa nakhi nakhi mera bubului, nire na tam kani se Somia ilialia na kwa me yacovia na mate lei Paula. ¹³ A ra va saga vulu vaka caca na tagwane kware tuvania na nakhinakhi ca kwe. ¹⁴ A ve sa lakha vua na bete levu qai kora na tuqwaqwa qare kwaya, "Mam sa vivonovonoti qam sa bubului takhi me mam kua ni kani me yacovia ni mam sa vamatei Paula. ¹⁵ Ia, ko kwe, o vatikem muni na matavilewai mo ba kwaya ya vua na kavetavu ni matai valu me mea civo mai ra iva iko, me wetai nio ba mata vaqaqai koya vina no. Me wetai o vatike mam i basa vakharau tu meba vamate nia nina tase mai kakwe." ¹⁶ Ia ni sa rogo na nakhinakhi ca kwe o luvei qwanei Paula tagwane, sa lakha vadodonu ina keba ni sotia qa kwaya va Paula. ¹⁷ Sa qei covia a lia turaga ni valu qa kwaya vua, "Mea re na driadria tagwane kwe vua na kavetani ni valu, ni lia na kwa imata rivote taki nia." ¹⁸ Sa qei mea na saravou kwe na turaga ni valu vua na cavetani ni valu qa kwaya, "A covi au o Paula na koivesu vua, qa kere vi au mequ mea mai na savavau sewa kwe va ikho I lia na kwa imata kwaya va ikho ¹⁹ A sa qulu e lima na kevetoni ni valu qa mea vatikhitikhi ino lia na vanua gwalala qa lai tarogia. "Na yava sokwe e mai kwaya va au?" ²⁰ Sa kwaya na savavou sewa kwe, "O kora na Jiu ere sa lomavata no mere mai kere vi iko i qwata me lakha civo o Paula ina mata vilewai, me wetai ga nio mata tarogi koya vadodonu no i sewa na kwa baleti koya. ²¹ Ia mo kua sara ni rogo na ledra i le, beltia ni va sagavulu vakha caca na tagwane koi re cu tu mai sala mere warakhi ni koya. A re sa vinakhi taki vatakhi nira qare bubului mere kua ni kani se som me yacovia mere vamate nia. Ina gauna sara ga kwe ere sa tu vokarau sara tu ga, qare warakhi ni iko tu boto na lem lewa." ²² Sa qei deinia na driadria tagwane na kavetani ni matai valu me lakha, ni oti na lea vakhasalatakhi mia, "Kua ni kwaya sara vua i lia nio mai vatukhitukhu va au." ²³ Sa qei coviru aru rua na momonivalu qa kwaya, "Varautakhi wa ei rua na drau na sotia, qana tamata ei vitu sagavulu ere vodo ose, me rua na drau koi qulu sa. O iko ena deidei i nai katolu ni yauwa ni bogi." ²⁴ Asa kwaya muni vuara mere varau takhi nia muni ilia na manumanu me vodo kha o Paula me lakha vina kha va Filikesa na Kovana. ²⁵ Sa qei vola a lia nai vola wetai kwe: ²⁶ "Kilotiu Laisiasa, ²⁷ Na tagwane kwe are sobe lakhi nia mai na Jiu qare vavakolo saraga mere vakha mate qa qu qei mera na sotia, me qu vacola ma, qu sa qei mai kilatia ni lewe ni vanua tu dei i Roma. ²⁸ Qi mata kilatia se na yava re ere tavuitia no kha, qu sa qei mea civo ina matavilewai. ²⁹ Ia qu sa qei ligocia ni lai tavui no ina vica na taro mai na ledra lawa, ia ei lala na kwa me laitavui kha me rewa ni mate se vesu kha. ³⁰ Ia nisa laikwai mai va au nire na lawa nia na tagwane kwe, qu sa vigugutakhi nia na lea lai vakhatala mai va iko qa qu sa vono tira muni na tavuitikoya mere mai kwaya mmata na kwa ere tavuitia kha. ³¹ Are sa vavogocia na Sotia. Are sa mei Paula ina bogi i Adipatiri. ³² Ina siga taravia, a levu vuara na sotia are sa vadeinia mere lakha qai kora na vodo ose qare sa lesu leqwa ina keba na kea vo. ³³ Niva sa yaco na dauvodo ose i Sisaria, are sa solia nai vola vua na kovana, are sa soli Paula muni vua. ³⁴ Nisa wilikia kha nai vola na kovana, asa tarogia o ei lem yasana a lakha mai kha o Paula. Nisu kilatia ni lakha mai Silisia, ³⁵ A sa kwaya, "Qina qei rogo i iko na gauna re yaco mai kha na tavuitikho." Qa sa kwaya vuara me laiyadravi no ina coere ni vilewai lei Eroti.