¹ Sa oti a lima na siga, sa qei lakha civo o Ananaisasa na bete levu, kora na kea tuqwaqwa, qo lia na tamata dau kila kwa e yaca o Tevitulu. Joru na tagwane raki kwe iri na lai tavuiti Paula ina mata ni Kovana. ² Sa qei mai dure o Paula ie mata ma kovana, sa qei tekhivu me tavuiti koya o Teritulu qa kwaya vua na kovana. Baleti kem mam no vakhacegu tu kha, qa na lem lewa matau sa kau mai.na vina ina matanitu; ³ i na vavinavino levu iba sa gadretakhi nia na vikwa cokho o sa tara, ei vaciriloloma Filikesa. ⁴ Qi tam be qulu va balavu na lem gauna, qisa vamanasu no yati kha mom yalovina mom rogoi vatikemam re. ⁵ A ba tolavia na tagwane kwe ni dau vivacalai qa lia o koya a dau va tubu ca vuara kece na Jiu i vuravura. Ni tia i liuliu ni koi Nasareci. ⁶ Asa va cacania muni na vi were ni lotu, a vuni vatiliem vesu khi koya. ⁷ Ga qei lakha yati o Laisiasa na komada qau lai qarati koya vaqwaqwa mai me mam lima. ⁸ A sa kwaya vuara na beitakhi nia mere lakha mai va kem, ia maga omna vayaqai Paula ina vikwa a yaco, omna rewa ni kilatia na vikwa aba tavui ti koya kha." ⁹ Are sa vadudutakhi nia na Jiu, ni du na kwa ei lai tavui kha. ¹⁰ Sa qei solia muni na vivadonui va Paula na kovana me tata, sa saumia o Paula, "Qi kilatia no nisa balavu na gauma ni lem turaga ni lewa tu ina vanua kwe, qa yaga mequ vamacala takhi ni au re va kem. ¹¹ Om sa kilatia vina no nisi qei oti boto kwe ei tini na siga na lequ lakha cakhe i Jeruisalemi mequ lai lotu. ¹² Are tam vakhawai au re i were ni lotu, mequ viba, se mequ vatubu ca vakora na tamata, a lala i were ni lotu, se ina koro. ¹³ Ere tam rewa boto re mere vatakea na du ni vikwa ere tavuiti au tu kha. ¹⁴ Ia qisa vatutusa no kha va kem, nai valavala cokha are kwaya me tanilia nai vavuvuli, qu qwaravia na Kalou tamai meda, qu vaba utia na kwa cokho khoi okha na ina lawa qana kwa cakho are vola tu na parofita. ¹⁵ I tau no muni va au na nuitakhi nia na Kalou, koi nakhi no muni vuaru na tagwane rakhi kwe, nina yaco na dure leqwa va kora ruarua na dodonu qana tam dodonu, ¹⁶ Qisa dou tovele vaqwaqwa mequ tamata yalosavasava ina mata ni Kalou gai vuara na tamata. ¹⁷ Ko kow sa oti ei vica vata na yabakhi qu sa qei lakha mai mequ mai soli kwa ni loloma ina lequ vanua qaqu mai vacabo madrali. ¹⁸ Na gauna qu tara no kha na kwakwe, are sewa na Jiu mai Esia are sa ligoci au ina butoni were ni lotu ni cabo no nai madrali ni vasavasavatoikhi, a lala lia leqwa vuara na i korokoro ni tamata se mekhe lia na no yavayavala. ¹⁹ Ia ko kwe i dodo nu boto muni mere mai dure mmata qare tavuiti au maga ere ligocia ilia na kwa cakhaca va au. ²⁰ O ei leqwa, o kora na tagwane vata ga kwe i dodonu mere kwaya na cala ere ligocia iva au niqu sa dure medra mata na matavilewai ni Jiu, ²¹ vakhavo ga na lequ gisatakhi yati ina lequ dure vali ina kedra vibuto yakhi, "I na vuku ni ledra dure leqwa mai na mate mo ba sa mai cacani au kha ina siga nikua kwe." ²² O Filikesa, a sa bau lai kwalekwaletakhi sara vavina me baletia na calevu, sa qei ruvecia na ragaci ni vilewai. A sa lewaya, "Ina gauna i qei lakha civo mai kha o Laisiasa na komada mai Jerusalemi, qi sana qei rogoci lem kisi." ²³ Sa qei vakharotia na turaga ni valu me lai yadravi no o Paula ina lea vesu no, ia me soli no muni na gwalala vuara na wekaya ere mai visikow vua. ²⁴ Sa oti a vica na siga, aru sa qei lakho yati o Filikesa qai e lewe o Tarusila, na yalewa Jiu, a sa lai vakatala mai va Paula, qa sa varogoi koya no ni tata takhi no na vabauti ni Karisito Jisu. ²⁵ Ia ni sa lai yacovia p Paula nai vamacala ni valavola dodonu na valavala malum, qana vilewai si bere mai, sa saqa kutukutu ina levu ni lea matakhi o Filikesa qasa kwaya, "Mo lakha die kqwa re yati. Ia maga i qei lia na gauna gwalala leqwa, qina qei co vi iko yati. ²⁶ Ina gauna vata ga sokwe sa dau numia vali me soli sede muni vua o Paula, koya sara ga kwe koya dau covi koya vitaratarovi no kha meru mai vitalanoa. ²⁷ Ia ni oti a rua na yabaki, a sa lai sosomitakhi ni Filikesa ino tutu va kovana o Porisiu Vesito, ia na lea mata vayalo vina takhi niro na Jiu o Filikesa, ,koya sa vuni lea dei ni Paula tu kha i bato ni were ni vivesu.