¹ Sa rusu ya o Festio na yasana sokwe sa oti a tolu na siga, ka laka mai Sisaria me laka cake i Jeruisalemi. ² A ra kwaya cake mai na bete ya levu qa ra na Jiu lai kilati levu ne ledra lewa baleti Vaula, qa ra tarogi Fesito vakamatau sara - ³ Re kerevia me totaki ni kova baleti Vaula - me vadonuya me laka i Jeruisalemi, ni re sa vakarau no me re vamatemi koya vasauri boto i calevu. ⁴ A qei vecera o Fesito ni si lai qulumi vakavesu no mai Sisaria o Vaula, qa na varau laka no muni ka o koya. ⁵ "O koya sokwe, o koya i rewaia," a kwaya, "me laka qai kemam. Ma ge i tau lia no lea cala ne tamata kwe, mo ba qei tavuiti koya ga ka." ⁶ A tam saviya a tatu tini na siga na lea no doki no o Fesito qa qei laka i Sisaria, na siga taravia a no lea i nono ni vatulewa qa vavotia me laka mai o Vaula vua. ⁷ Na lea yaco mai, o kora na Jiu a re dure vakolo tu sokeni, a kau cake no mai a sewa ne vibeitaki bibita seva qa lala kea i vadudu. ⁸ Sa qei tu doudou o Vaula qa kwaya, "a lala na cala qu tara me vorokia lem lawa na Jiu se me beletia na werenilotu se o Sisa." ⁹ A vinatia ga no o Fesito me varogo ci kova na Jiu, a vuki Vaula qa kwaya, "E vinatia mo laka cake i Jeruisalemi mo lewai va au baletia na kwa kwe?" ¹⁰ A kwaya o Vaula, "Qi sa no tu kwe lea nono ni vilewai lei Sisa i vei me qu lewa ka. Qu tam cala vua lia ne Jiu, o ba kilatia vina du. ¹¹ Me wetai a lala na cala qu tara, se qu tara lia na kwa me qu mate ka, qi tam mataku na mate. Ia maga i cala ledra tavniti au, e lala lia ina soli au vua ra. Qu sae kwaya rewa va Sisa." ¹² Sa tata rewa o Fesito vuara na vatulewa no, sa qei kwaya, "E se cavuti Sisa no. E sa na laka va Sisa!" ¹³ Sa oti a vica leqa na siga, aru qei yaco yati o Akaribe na tai qa Pevinaise i Sisavia me ru lai sikwa va Fesito. ¹⁴ A se oti no a vica ne ledru nodoki so ka kwe, a qei kwaya cake mai o Fesito ne i tukutuku baleti Paula vua na tui, qa kwaya, "A lia ne momo koivesu a deima tu ka kwe o Filikesa. ¹⁵ Na leqi au nodoki mai Jeruisalemi, o kora na bete ya levu qa i vora na momo ni Jiu a ra kau mai va au a se wa na kwa a lai tavui ka na momo kwe, qa ra kwaya me tau lia kea i totogi caka ca baleti koya. ¹⁶ Qu qei vecera e i tavu leda i vakarau ne koi Roma me lai vagani dei ya e i lia ni si bere vua me davu kora se na tavuiti koya qa soli muni vua e i lia na gwalala me valataki ni koya muni. ¹⁷ O koya sowe, ne ledra laka mai keni, qu tam wacia leqwa, na siga tavavia qu sa vatulewataki sava ga me ra sa mega mai. ¹⁸ Na ledra sa dure na tavuiti koya, a lala na kwa re beitala ni koya ka qa qa vadunia ni tea i vakarau caka ca. ¹⁹ Ivei yati, a ra vibataki no a lia ne kwa ni ledra lotu baletia a lia na Jisu a sa mate rewa, ko a vadunia no o Vaula ni si cola vali. ²⁰ Sa lia ne kwa na leqi au vile ca yaki me qu na vagaga vakayava na kwa kwe, qu sa qei kerevi koya maga ei lewa ni laka i Jeruisalemi me lai lewai ka. ²¹ A vatututaki o Vaula me vasu ga no me wacia ne lea vatulewa lei Akusito, qu sa qei taunia na lewa re vasu ga no me yacovia lea vakau va Sisa." ²² Sa qei kwaya o Akavipa va Feisito: "qi vauatia me qu varogo na momo e." "I qwata, a kwaya o Feinto, "e na rogoi koya."