¹ A sa kwaya va Paula kkho akaripa, mo vosotia ga vaka ikho "Sa dokia yati e lima o Vaula kha taqomakinia khoya." ² Qu sa numia niqu sa marau. O Akaripa na tui mequ tara va vatiketa nikua na ledra vibeitaki taucoko na Jiu. ³ Vabibita baletia ni o ba khea dau ina ledra taro kece na, Jiu, qu kerevi ikho mo rogocia ina vosotia. ⁴ E du, eru sa kilatia na Jiu, taucoko na i varau ni lequ cola mai na lequ gauna ni taba driadria ina lequ matanitu qa Jerusalemi ⁵ Aru sa kilati au mai na imatai ni gauna, khe ru sa no varau me ru vadudunia, niu a cola va-Farisi na ilawalawa bibi talia ni leda lotu. ⁶ A kwe qu sa no kwe mequ lewai ina vuku ni lequ nuinui ina yalayala a tara na Kalou va khora na leda tuqwaqwa. ⁷ A yalayala kwe ni ledra nuitaki na leda yavusa i tinikarua me ru ciqomia ka qawaravia vamatua a Kalou ina bogi qa na siga. Khao bale tia na nuinui kwe, na momo aru beitakinia au kha na Jiu. ⁸ Na yava me lia va vatikem a numia ni kwa vasakiti nia va luvi khora leqwa mai na mate. ⁹ Akwe qu numia vaidu ni qu levu na kwa me baletia na yacai Jisu na kwai Nasareci. ¹⁰ Qu tara kwe mai Jerusalemi, qu a no tu i wereni vivesu e bi na tamata tabu ni Kalou ina lewa qu cigomia mai vua na bete levu kha na gauna aru vamate kha qu laveti khora. ¹¹ Qu totogi taki koru valevu ina were ni lotu taucoko, qu a saga mequ vasauraratakhi ni khora me ra tata vacacatakhi na Kalou. Qu sa borisi valevu, qu vacacani khora kha na vikoro teni. ¹² Qu tava vali kwe, qu a lakha i Tamasiko vata kha ni khora na valesilesi qa na vakaro mai vo na bete levu. ¹³ Ia qu sa lakha mai keni, ina lomalagi ni siga, qu sa Iania e lia na rarama ma i lomalagi a sa ramase cake va au. ¹⁴ Ni ba sa ruva civo ina qwele, qu rogo e lia na domo i tata va au kha laukwai ina tata va ipiru. Saula, Saula, na yava o sa vacacania au kha? Sa dredre va ikho mo cagetia e lia na tamata tam vina. ¹⁵ Qu sa kwaya kho cei o kho na turaga Saumia mai, o Jisu okhoya a vacacani khoya. ¹⁶ Okoe mo dure kha tu, batetia na vaki qu rairai kha va ikho, me qu lesia va ikho mo lia na tamata kha vadudunia me baletia na veikwa qu na varai takinia na ikho mai taku. ¹⁷ Qu na vueti ikho mai va khora na tamata qa khora na kwai matanitu teni kha talai ikho yati va khora. ¹⁸ me ru dolavia dru mata kha vukici kora mai na gigilo ina rarama mai na veiliutaki lei nitu i na Kalou, me rewa ni ru cigomia mai vua na Kalou na vosoti ni valavala ca qa na i votavota qu sa solia va kora aia sa vatabui ina a vabau ti au. ¹⁹ O khoya, qu sa lala kha ni vucesa ina raivotu valomalagi. ²⁰ Ia, vakhora mai Tamasiko kha Jerusalemi, qa na vanua kece o Jutia , khora muni mai matanitu teni, qu solia va khora ua tata me ru vivutuni kha la lewqa vua na Kalou, kha tara na cakacaka i tam vina me ru vivutuni. ²¹ Ina vuku ni kwa kwe ara sa vesulakhini au kha na Jiu ina weretabu kha ra tovole me ru vamate i au. ²² O khoya qu sa cigomia kha na vivuke a lakha mai vua na Kalou me yacovia na siga kwe qu sa dure kha vadudunia kha na cecere me baletia e lia na kwa me wetai aru kwaya na parofita qa Mosese. ²³ A sa dodonu me vararawataki na Karisito, la sa matai ni dure leqwa mai ina vadewa na rarama va khora na leda tamata kha khora na matani tu teni. ²⁴ A sa vacavania o vaula na lea vitaqomaki ava kwaya na fetu ina domo levu. Vaula o sa riva, na lem vuli vina ina vavunia mo riva. ²⁵ Ia akwaya o vaula, qi lala ni riva qi covia na tata ni du qa na lewa vina. ²⁶ A sa ki latia ua momo na vikwa kwe, qu sa tata doudou qa fua, qu sa vaugetia ni sa lala ni lia na kwa e vunitakhi vua, ni sa lala ni vayacoria kwe ina lia na tutu. ²⁷ O vabautia na parofita momo Aripa? Qu kilatia o vabautia. ²⁸ A kwaya vei vaula o Aripa, ena lia na gauna lekeleke o na vauqetia au kha tara mequ lotu va-Karisito. ²⁹ E wwaya o vaula ni qu masu vua na Kalou me lia na gauna lekeleke si balavu, lala boto va vatikem, ia okhora muni ara togo nikua ara na wetai o au, Ia khe lala na sinucodo ni were ni veivesu kwe. ³⁰ A sa dure na momo , qa na kovana qa khora muni khora ara no khani khoya. ³¹ A ra biutia na olo ava sa vitataki va khora kha kwaya, na tamata kwe sa lala ni vina me mate se vesu. ³² Aripa va khora na Fetu a rewa ni Sereki na turaga kwe me lala ni karekere va Sisa.