¹ Na gauna kwe, sa levu cake ga no kedrai i wiliwii na sa lotu, a lia na vatutu ledra ne Jiu a tava baleti kova na Jiu, na ledra sa tam lai kauwaitaki no na yada ne ke a dau wase na kwa. ² Ru sa qei vasogoniti kova ne lotu na tiai veli me vu vecera, "Tam domi vva vatikemam me ba deinia tu na tata ni Kalou me ba qwavravia ce teveli. ³ Mo ba digia sara ga, na i tokani, me ru vitu va kem, tamata rogorogo vina kedrui tukuni, sena he yalo tabu qa ru vuku, me ru qwaravia ba bisinisi e. ⁴ O vatikemam, i ba ne tosovia ga no na mesu qa na kea vadewataki lai tukutuku." ⁵ Re taliitaki nia la tamata coko ledru numia. Re se qei digi sitivemi, tamata sinai ne vabautia qa ne Yalo Tabu, o Filipi, o Pirokoro, o Nikanovi, o Taimoni, o Parimina, o Nikola na tamata lotu vaka -Jiu nia. Anitioki. ⁶ Ru sa qei lai mei mai vuaru a avositolo, ru biutia dru lima medru dela qa ra lai masulaki ⁷ Sa qei tete ya ne tata ni Kalou, qa tuba muni ne tamata lotu mai Jerusalemi, q lia muni na i tatu ni bete levu a ra sa talei rewarewa na bavautia kwe. ⁸ O sitivemi kwe a sinai na loloma qa ne qwaqwa, a tara cakacaka mana yalevu qa nai vatakilakia vuara na tamata. ⁹ A ra tu mai a sewa na tamata lotu medra yaca o kore ne sereki, ne koi Kiriyi a sewa, a sewa mai Alekisadria, a sewa mai Silisia qa Esia. A re sa viba qa Sitiveni. ¹⁰ A ra tam rewatia ne vaku qa na Yalo a tau tu va Sitiveni. ¹¹ Re sa qei lei vaqumi sewa na tamata me ra kwaya, "Mau rogoi Sitiveni na lea tata vaka ca taki Mosese qa na Kalou." ¹² Re se vagatoni kora ne tamata na tuqwaqwa, la vanivola, re sa qei laka va Sitiveni re sobetia qa ra mea na Matavilewai. ¹³ Re mera mai na dauvibeitaki, me re kwaya, "Na tamata kwe i tam agu ai, tata vakacataki nia ao na vanua tabu qa aa lawa. ¹⁴ Mau rogo i kwaya no o Jisu na koi Nasarai kwe i na vacacania ne vanua kwe qa visautaki nia na i tovo ko a solia civo mai vaketa o Mosese." ¹⁵ O kora coko na nodoki no na mata vilewai sokwe a ra sa tolavi koya vadodonu no ni ne sa dania no e mata sa wetai mai e matga i lia na agilosi.