¹ A la na momo e yaca o Ananaiasa a vohtaki nia a lia na tiki ni qwele qa e lewe o Savaira, ² A maroroya a vica kea sede (a kilatia no muni e lewe), qa kau na kea vo me tai taunia medru qete qete ni la na tisaiveli. ³ A qei vece vina o Pita, "Ananaiasa, na ava sa ma vasinai tia ka myalo o Setani mo coritia ka na Yalo Tabu mo maroroya ka na vo ni sau ni qwele? ⁴ Na kea tam volitaki ta, a tam lem ga no, ni sa volitaki muni o tam lewa ga no? Na yava na vu ai lem tava kwe? O tam cori ti kora na tamata, na Kalou sara ga." ⁵ Na lea rogo boto ne i tukutuku kwe, a qiqi civo i va o Ananaiasa i na lea i Aioti ni cegu, sa ka na kwa na ledra mataka o kora na rogo. ⁶ A ya dure na tamata ra oloni koya, qa ra kabetia me re bulutia. ⁷ A oti boto a tolu na auwa, qa tase mai o e lewe, a tam kilatia na yava a yago? ⁸ A kwaya muni vua o Pita, "Kwa ya mai ni sau levu sa ta ga ne qwele volitaki sokwe." Qa kwaya "E riki, a bi sava ga." ⁹ A kwaya vua o Pita, "I vei a wetaki na ralem kilatia vata mo vu vatovole e yalo na Momo Levu? Dania, me dru qeteqete ni la na momo a vu bututi en tagwane mai i mata ni were wokwe, e ri na digitiko ma ya." ¹⁰ A lutu vasanti avo muni i ra qa a buta lea i cega. Na ledra lesu mai na momo sokwe, ru dama se mata tu, ru dagia yati tevai me vu bulutia e tiki vu lea tagwane. ¹¹ Na mataku levu a yaco vuara na lewe ni lotu qa i kora coko ne rogo na i talanoa kwe. ¹² A bi na i vatakilakila qa na oakacaka nana a tara vuara na tameta i medru lima na i avositolo. A va nodoki lea varada ni were lei Solomoni. ¹³ A lala lia vuara me ka yalo qwaqwa me takuia koru; ia me wetaki, a ra mataka a kora na tamata. ¹⁴ A levu ga no ra vabautia na Momo Levu, a la na momo qara na vibulou, ¹⁵ A va dagira boto re na Tauvi rara ci i calevu me ra lai vadoki tu na i dokidoki ga na i nono, me yato mai Pita, me devei kora boto re e titi yalo. ¹⁶ A ra laka muni mai a lia na i wiliwili tamata mai vikovokovo valeke ti Jemisalemi, a ra mera mai na tauvi ravaci qa i kkova na lai cirami tu na yalo velavale, qa va vacolai coko. ¹⁷ A qu duve i yata na bete levu, qai kora na no ta qai koya (ko ra ne tokani i Setoki); sa vuraki kova tu na vava. ¹⁸ Ra qulumi kovu na avositolo, qa ra binti kora a lia na were ni vivesu. ¹⁹ Ia a bogi a qei dolavia na mataniweve a lia na lea agilosi na momo levu qa me ru mai tevai, qa kwaya, ²⁰ "Ba laka ya, ba dive i were ni lotu qo ba vecera ya na tamata na i tukatuku ni cola kwe." ²¹ Na ledra sa togo kwe, re rusu i were ni lotu me vivakavuli me cece na vanua. A qei laka mai na bete levu, qa ra lei i lawalawa, qa na va yaco lia na Soqoru, o kora coko ne taqwaqwa ni vanua i Isireli, me ra vivakatala me ra laka mai na avositolo. ²² O kora na ovisa ni wereni vivesu a ru caka re tam dani koru ka, a ru lesu mai me ru mai kwaya, ²³ A ba dania ni sogo gata vina tu na were ni vivesu, qa ra duwe tu na yadra i mata ni were, la na vatilemam dolavia ya, a lala ka a no vali i buto." ²⁴ A ra sa roga na kavetavu ni were ni lotu qa ra na bete ya levu na kwa kwe, sa lia ne kwa na ledra kidrowa i na kwa a yaco kwe. ²⁵ A laka mai a lia qa vecera, "O koru na momo ko ba biutini i weve ni vivesu i ri sa duve tu mai weve ni lotu qa ru vakavalia kova tu na tamata." ²⁶ Sa qei laka na kavetani qa i kora no ovisa ni weveni vivesu me ra meru lesu leqwa mai, vakasewa re mataka ci kora na tamata, lakalaka me ra lai vakaviri ne vatu. ²⁷ Na ledra sa mera mai, ru sa lai vaka dure me dru mata na matabose. A qei vatarogi koru na bete levu, ²⁸ Me kwaya, "Mam varoti ni vatikem sava ge mo ba kna ni vakavulitaki na yaca e, ia sa roboti JErusalemi coko tu na vatilem i vavuvuli qa ua vatilem vinatua me taka vi keniam e dra na tamata e." ²⁹ Ra saumia na avositolo qa Pita, "Me ba varogo ga na Kalou me kua na tamata. ³⁰ Na ledra Kalou lemam vava a sugi Jisu mai, koru vamate qom lili ni koya a lia na vunikai. ³¹ A qei laveti koya i yata na Kalou kwe i e lima i matau me te a Ravouvou qa tea; vakacoka, me vagani kora na Isireli na vivutumi, qa me boko muni ledra i valavala caka ca. ³² A ba tea kea i vadudu ni kwa sokwe, na Yalo Tabu ga muni, ko i vagama na Kalou vuava ga re talirewarewa vina." ³³ Na ledra sa togo na metailawalawa na kwa kwe, re sa borisi ga ra vinatia me vu vakamate na avositolo. ³⁴ A lia na va visi e yaca o Kamelieli, a qasemivuli mini ni lawa qa ra dau rokovi koya na tamata coko, a tu i yata qa kwaya me ra lai mei re i tevai na tamata raki e. ³⁵ Sa qei vecevu, "Vatikem na momo ni Isireli, ba qarama vina na kwa. ba vinatia mo ba tara vuara e. ³⁶ A si beve na siga kwe, a tase mai o Anta qa kwaya me sa ka na kwa, a lia nai nono levu na momo, rautia a va na drau, ara sa takua koya. A qei vakamate, a va qei tatala na takha koya vali me lala lia du a vo vuara. ³⁷ A oit kwe, a tase mai o Jutasa na koi Kaleli na gauna ni wili lewe ni vanua qa tovoki tia a sewa na i lala tamata vua. A qei vele vasauri boto muni, o kora coko na rogoi koya vali a re qei seseya muni. ³⁸ Qi veoi vatikem no ba kha ni vasagati kova e dei ni kora tu, na ga i tea numia vatanata, i na vadru kai ga. ³⁹ Ma ga i tea lewa ni Kalou, i na tam vadrukai rewa; o ba na dania ni o ba vi vala no qa na Kalou lave." A ra sa qei lai vamosalaki. ⁴⁰ A ru se qei lai co mai ne avositolo qa ru rubicaki qa ru lai vece meru kha leqwa ni kwaya e yaca ni Jisu, qa dei mevu laka yata. ⁴¹ Ru laka dei mai vuara na i lawalawa kwe, ru marautaki ma na ledru lai vasewasewani baletia a yaca. ⁴² Na visiga cokoa si beve no mai, i weve ni lotu qa i vineveweve coko, ru tam cegu na vakavuli qa nu tukuma no nai tukutuku vina ni o Karisito o Jisu.