^{3 1} Ia niru si tata tu vuara na tamata o Pita ga Joni, na bete na ka vetani ni wera ni lotu qoi kora na Setoki are sa lakha taviru mai. ² Are sa borisi nivu sa vavulici kora na tamata o Pita ga Joni, qavu vunautakhi na dure leqwa mai na mate lei Jisu. v 3 Are sa tabakia medru lima qaru biu i were ni vivesu me gapo via na qwataqesata, ni si yaviyavi no. ⁴ Ia a levu vuara na tamata are rogo naitukutuku gare vabautia, na i wiliwili ni tagwane koya re vabautia a lima na u dolu. ⁵ Ia na siga taravia are sa qei soqani vata yati i Jerusalemi, o kora na ledra momo, kora na tuqwaqwa, dau ni lawa. ⁶ O Anasa na betelevu, o Kaiava, qai Joni, kei Alekisada qai kora cokho na vuniwere ni bete levu. ⁷ Are sa qei va drue ni Pita qa Joni ino kedra maliwa, qave tarogivu, "Ina qwaqwa yava, se ina yaco yava, oru tara kha na kwa kwe?" ⁸ Ia o Pita, sa vasinaiti ina Yabo Tabu, qa sa vecera, "O kem nai liuliu ni tamata, qana tuqwaqwa, ⁹ maga iri sa lai vatarogi ni kua me baletia na tamata tauvi mate, se na yava nai balebale ni vivacolai kwe, ¹⁰ mom kilatia cokho no qai kora kece na tamata i Isireli ni tagwane kwe ei dure tu mem mata ina cola vina ei yaca ni Jisu Karisito na koi Nasareci, o koya kom vakotia, ia a va dure nia leqwa mai na mate na Kalou. ¹¹ O Jisu Karisito na vatu are duarakhi nia na matai ia sa yaco me tia i vakhadei ni tutu ni were. ¹² Ei lala na cola mai vua leqwa na tamata, ni sa lala lia leqwa na yaca ina ruku ni, lomalagi sa soli vuara na tamata me rewatia kha na cola." ¹³ Ia nive sa ligocio na ledru tata doudou o Pita qa Joni are sa kilatia miru tam be tamata vukhu, se tamata vuli vina, are sa durkha, qare kasamitia ga ni no qai Pita tu qa Joni o Jisu. ¹⁴ Baletia nire ligocia na tagwane koya va colai ni dure qai doru vali, sa lala na kwa mere kwaya rewa. ¹⁵ Ia ni oti na ledra lai vakhatala dei mai ina were no bose nai apotitolo, are sa qei vose vatakhi niro. ¹⁶ A re sa kwaya, "Na yewa mete tara vuaru na tamata ruarua kwe? Nire sa kilatio cokho na tamata nai vakhatakilakila arusa tara, sa nia sava ga kwe nai vadudu va kora taucokho na no vali Jerusalemi, sana tam rewa mete sakhisakhi kha. ¹⁷ Ia melai tarovi mekua ni tete vuara na tamata, me vu lai borisi meru kwa ni tata leqwa i vuara ina yaca kwe." ¹⁸ Are sa qei coviru qare kwaya vuaru meru kua ni tatatakhi se vavuvulitakhi leqwa e yaca ni Jisu. ¹⁹ Aru sa qei saumia vuara p Pita qa Joni niru vecera, "Mom lewa re se ivei i dodonu ina mata ni Kalou me varorogo va kem se vua, mom vatu lewa kha. ²⁰ Ei tam vatarai meka galutakhi na vikwa aba ligocia qaba rogo." ²¹ Are sa qei borisi ti Pita leqwa qa Joni vakaikai, qaru vakhadei meru lakha. Are sa tam ligocia rewa me lia na cala meru totogitakhi kha, baletia ni tamata taucokho are sa valagilagi na Kalou ina vukhu ni kwa sa yaco. ²² Na tagwane koya tara vua na cakhacakha ni vivacolai kwe sa yabaki va sagavulu vakhacaca. ²³ Niru sa vagwa lalatakhi mai, aru sa lakha p Pita qa Joni va kora na lea tamata qaru sa lai vatotokanitakhi cokho na kwa aru kwaya na bete levu qai kora na tuqwaqwa ni Isireli ²⁴ Nire sa rogo kha, are sa lavetia cakhe modra domo ina ledra loma vata vua na Kalou qare kwaya, "Momo, o kem o bulia na lomalagi na vuravura na ruwai qana vi kwa cokho ga ei sinai tu kha. ²⁵ Om tata ina Yalo Tabu mai medra gusu na dauni viqwaravi, o tamai keta o Tevita, "Na yava ere borisitakhi na koi matamitu teni, na yava ere vanumia kha na kwa ei lala bete?" ²⁶ Om sa kwaya, "Na tui ni vuravura ere sa vakhau vakharau vata, na dau ni lewa ere sa tutu vato mere vala qana Momo qana lea Karisito." ²⁷ Ia kokwe, o Eroti qai Ponitio Pailato, qai kora na koi teni qai kora na koi Isireli, are sa mai tu rava cokho ina koro kwe mere vala qaya na lem dauniviqwarau tabu o Jisu, o koya om lumitia. ²⁸ Are sa soqoni vata mai mere tara na vikwa om sa tuvaruva tu mai kha i mata ina lem kaikai qana i nekhi mena yaco. ²⁹ Ko kwo, Momo, mom ligacia re na ledra vamata matakhu qom solia va kemam na lem dauniviqwaravi me mam tatatakhi ina doudou na lem tata. ³⁰ Mdodonia ga no mlima me vivacolai qa na vivatakilakila isewa qana kwa i vivadrukhai ina yaca ni lem dauniviqwaravi o Jisu." ³¹ Ni oti na ledra masu, ina vanua are soqoni vata cokho no kha asa sakure, qare sa vasinaiti ina Yalo Tabu qare sa tatatakhi na tata ni Kalou ina doudou. ³² Nai wiliwili levu ivo kora na vabautia are sa lia vata boto na uto gana yalo. A lala lia mekhe kwaya ni lea talia na kwa ei nakhi tu vua, are sa taukenitia vata cokho. ³³ Sa levu na ledra kaikai na apositolo nira sa kwaya na lea dure leqwa mai na mate na Momo o Jisu, are sa vinatia vakhalau o kora cokho. ³⁴ Sa lala lia vuara meke leqa ina lia na kwa, o kora kece na vaka qwele se were are sa volivolitakhi qare kau mai na kea i lavo vuara. ³⁵ qare mai biutia medru la na apositolo, qare sa wase vatautau vata me wetai na ledra gogadre. ³⁶ O Joseva, o koya are vayaeania nai apotitolo meni Panapasa (na kea i balebale vaunivivayalaqwaqwatakhi), na Livai, qa koi Saipurusi, ³⁷ a volitakhi nia na kea qwele qa kau mai na kea i lavo qa mai biutia medru la na apositolo.