¹ Aru sa lakho cakhe i were ni lotu o Pita ga Joni ina yauwa ni masu , nai ka ciwo ni yawa. ² A lia na tagwana lakhilokhi mai e kete ni mnaya a dau lai laveti no ina matamata ni were ni lotu a lagilogi. Adau no vali sokheni ino visiga me dau kerevira no na dau lakha i were ni lotu. ³ Na gauna sa ligou Pita kha qa Joni niru sa vakharau vusu i were ni lotu, sa kere kwa ni loloma vuaru. ⁴ Avu sa vatola via vino sara o Pita qa Joni, qaru sa kwaya, "logoci vukumam mai." ⁵ Asa tolaviru vadodanu nalokilaki, ni numia mena qulu mai vuara ei lia nai kwa. ⁶ Ia sa kwaya vua o Pita, "Na siliva qana koula ei lala va ru kemam, ia na kwa ga i naki, iri na solia va iko. Ie yaca ni Jisu Karisito nakoi Nasareci, mo dure mo lakha." ⁷ Asa qei qaratia e lima matau, sa qei tuberia o Pita, vasauri sa va kai kai taki mai e maloku ni la. ⁸ Sa qei ula tubu cakhe, qa sa tekivu me yato, qa sa rusu qai Pita qa Joni i buto ni were ni lotu, sa lakho, ula, qa vavinavina vua na Kalou. ⁹ Na tamata cokho are sa ligoci koya nisa yato qa va tokotoko vua na Kalou. ¹⁰ Are sa qei kilatia nitia tagwane ga kwe koya dau no vali ma mata ni were ni lotu medau kere kwa ni loloma, qare sa qei matakhu qare drukho ina vuku ni kwa sa qei yaco vua. ¹¹ Ia sa gel qulu kata ni Pita qa Joni, are sa wavu ci koya vata cokho ina varada ni were lei Solomoni, are ea drukha vakalevu. ¹² Ni sa ligocia o Pita, sa kwaya vuara na tamata, "O kem na Isireli, na yava om sabe drukha takhi? Na yava omsage vadriu mata ni vatikemam mai kha, ni ba sa vavunia na lea yato ino vatilemam kaikai se yalo dodonu?" ¹³ Na Kalou lei Eparama, Aisake, ga Jekope, na Kalou lei tamada, sa varakorakotaki ni Jisu na lea dau viqwaravi. O koya om solia yati qam cakhitaki nia e mata ni Pailato, ni sa vakharau serekhi koya. ¹⁴ Ia o ba sa cakitaki ni koya na yalo savasava qana yalo dodonu, qo ba vainamasu me sereki yati na daulaba. ¹⁵ O ba vamata na vunicola, okoya a vakha durenia leqwa mai na mate na Kalou - qa batia i vadudu o vatikemam ni kwa kwe. ¹⁶ Nitia qwaqwa ei nakhi no ino vabauti ni e yaoa, ie yaca a bulia na tagwane kwe, okoya o ligocia no qo kilatia, na kea qwaqwa. Na vabauti Jisu koya solia vua na cola vina imedra mata. ¹⁷ Ko kwe, taciau qa, qi kilatia nio batam kilatia na kwa oba tara, me wetai ga muni okora na vatilem taqwaqwa. ¹⁸ Ia na kwa a kwaya na Kalou mai medra gusu na parofita cokho, nio lea Karisito ina mate, sa qei yaco du. ¹⁹ Ba vivutuni, qoba saumakhi mai, me bokoci kha na lem valavala ca, ²⁰ na gauna ni viacolacola takhi ina yaco mai ina lea viva rautakhi na Momo; koa vatala mai kha na Karisito me mai lem, Jisu. ²¹ O koya talia ga o loma lagi i dodonu me sovia me yacovia na gauna sa vavoutakhi kha na kwa cokho ga, okoya are kwaya no kha na lea parofita yalosavasava ina gauna makawa. ²² Asa kwaya vaidu o Mosese, "Na Momo na Kalou ina vadure nira na parofita wetai o au ino kedra maliwa na wekam. I dodonu mo varogo vino sara na kwa cokho i kwaya va iko. ²³ Ia ina yaco iva kara kece na tam varorogo va kora na parofita ere na vaqeavutakhi mai na kedra vibuto yaki na tamata. ²⁴ Io, o kem cokho na parofita mai va Samuela qa qei vitaratavavi mai, are sa kwaya oti tu na gauna kwe. ²⁵ O kem na luve ni parofita sa baleti kem na viyalayalati sa, tara na Kalou qai kora na lem tuqwaqwa, me wetai nia vecei Eparama, "Ina lem kawa ere na vakalougatatakhi na vivuniwere kece i vuravura." ²⁶ Nisa oti na lea digitakhi nia na lea dauniviqwaravi na Kalou, qasa vatala sara ga yati mata va kem, me vakalougata takhi ni kem ina lea vukhici kem vayalia mai noi valavala ca."