¹ Ia sa qei yaco mai na siga ni Penitiko, avo sa no vata kece no ina lia boto na vanua. ² Vasauri a lia na rorogo wetai no cagi covulaca ei lakaha mai lomalagi, qa sa tawa me sinai na buto ni were taucokho koya re no vali kha. ³ Sa tase vira ei wetai na bati ni mama udre ei visebayakhi, qa sa lai dukhu no i vuara yalia. ⁴ Ave sa vasinaiti kece ina Yalo Tabu qa sa tekhivu muni mere tata takhi na tata ni vi matomitu teni, koya sa solia vuara na Yalo Tabu mere kwaya. ⁵ Ave no vali muni Jerusalemi asewa na Jiu, qare tamata lotu du, qa re lakha mai na vivanua cokho ina rukhu i lomalagi. ⁶ Ia nisa rogo vaki yati na keai rogovogo, are sa soqani vata yati na tamata cokho qare sa drukha baletia nire sa rogai kora nire sa tata takhi tu na ledra dukhu tata. ⁷ Are sa drukha qare qoroqoro; qare kwaya, "Ei du, tam ni koro cokho na koi Kaleli kore tata no kwe? ⁸ Se baletia na yava tema ragora kha, ni re tatatakhi vuwara ya lia na tata kote sucu qaya mai? ⁹ O Paricia qa Mitia qa o Ilama, qai kora na no mai Mesopotemia, i Jutia qa Kapatosia, i Panitio qa Esia, ¹⁰ p Fivijia qa Pamifilia, o Ijipito qana yasayasa vaka Libiya vdokho i Kirini, kora no vulagi mai Roma, ¹¹ Jiu qa o kora na vukhi mai na latu valena Jiu, koi Kiriti qai Arapea - aba varogo cira no nire kwaya ina lemam tata na qwaqwa ni cakhacakha ni Kalou." ¹² Are sa drukha qare galu; ave sa vivece vatakhi nira, "Na yava nai balebale ni kwa kwe?" ¹³ A re sa qei varivariva, cira are sewa qare kwaya, "Ere sa mateni ina waini vou." ¹⁴ Sa qei dure o Pita, qara na tini kha dua, qa gisa cakhe i yata, qa kwaya vuara, "O kem na tagwane ni Jutia qai kem na no vali Jerusalemi, na kwa kwe i dodonu moba kilatia no, ba varogo vina sara na lequ tata. ¹⁵ Nio kora kwe ere tam mateni me wetai na lem numia, ni si qei katalu boto ni aua ni siga nikua. ¹⁶ Ia ko kwe na kwa sa kwaya eti tu na parofita Joeli; ¹⁷ "Ina yaco mai na gauna i taku, "So kwaya na Kalou, "Qi na sovarakhi ina yati qu Yalo vuwara na tamata taucokho. O luvem tagwane qa levem yalewa ere na parofisai, ere na ligocia ei wewa na raivotu ei sewa na vatilem saravou, ia okora na lem tuqwaqwa ere na tadra takhi ei sewa na tadra. ¹⁸ Ia vakora muni na lequ tamata qai kora lequ vada ina gauna muni so kwe gina savarakhi ma muni qu yalo vawara, qare na parogisai. ¹⁹ Qi na vatakea isewa na kwa iviva kusari mai lomalagi qa na vakhataki lakila ino vuravura ira, na dra, na bula, na o kobulu. ²⁰ Na mata ni siga ina vukhi me gigilo qana vula me dra ina qei yaco i taku na siga ni lea lesu mai na Mamo. ²¹ Ia inayaco vakora yalia ere covia e yaca na Momo ere na cola." ²² O kem na tagwane ni Isireli, togo na tata kwe; O Jisu na koi Nasareci na tagwane sa vadudutakhinia na Kalou va kem ina cakhacakha mana qa vivadrukai ina vivatakhilakila koya solia na Kalou me vatakea ina kem maliwa, me wetai oba sa kilatia no. ²³ Na tagwane kwe a soli koya mai na Kalou me wetai ga asa nakitia se kilatia tu na kea i nakhi; ia o ikho, oba saqei soli koya medra lima na tamata cakhaca, qoba lewa me mate ina lea vakoti ina kaivelatai. ²⁴ Ia na Kalou sa va dure ni koya oakhe, serekhi koya mai nai vasu ni mate, ni tam rewa ni na vasu lakhi ga no kha. ²⁵ Asa kwai koya o Tevita qa kwaya, "Aqu ligocia ga no na Momo qu mata, ni dure ga tu qu lima i matau mequ tam yavala rewa. ²⁶ Qasa gadre kha qu uto qa marau qu me. Qu yago, ei vakha cogu tu inai nuinui. ²⁷ Nio kem omna tam rewa ni biutia tu mai qu yalo i Etesi, se deinia na lem yalo savasava me vuca mai. ²⁸ Om sa vatakea va au na sala cokho ga ni cola; om na vasinaiti ni ni au ina marau mai mmata." ²⁹ Taciau qa, ina vina cakhe va au mequ kwai Tevita sila re va kem, ni okaya asa mate qa bulu, ia na kea i bulubulu isi nakhi ga tu va keto me yacovia mai kwe. ³⁰ Kaya kwe, nia lia botomuni na paragita o koyo qa sa kilatia na vikwa sa bulubui oti kha vua na Kalou ni na cedre mai vua na kawa ni tamata koi tase mai kha na Karisito. ³¹ Asa tolavia rewa tu na kwa ina yaco mai qa sa kwaya na dure leqwa mai na mate lei Karisito, ni na tam dei tu mai na vanua ni mate, se mekhe vuca e yago ina buto ni bulubulu. ³² O Jisu kwe - a va dure ni koya leqwa na Kalou, nibatia i vaidudu kha o vaikemam kwe. ³³ So kwe, asa lakha cakhe o koya ie lima matau ni Kalou qa lai sovia mai vua na Yalo Tabu koya a yalatakihi mai va Tamaya, asa so varakhi nia na vikwa kote ligocia qana kwa to rogo. ³⁴ Nia tam lakha cakhe i lomalagi o Tevita, ia a kwaya, "Na Momo sa kwaya va lequ Momo," No i qu lima i matou ³⁵ me yacovia niqu sa vamalumalum takhi nira rewa na kem meca metia tutu nim la." ³⁶ Ko kwe; mere kilatia no na vi werewere taucokho i Isireli ni Kalou sa vagania vuavua na Momo qana Karisito va Jisu o koya kom va khotia ina kaivelatai." ³⁷ Ko kwe nire sa rogo kha, are sa vakhacega medra uto, qare sa vecei Pita qai kora na kea vo ni apositolo, "Yitacini, na yava me mam tara?" ³⁸ Sa qei vecera o Pita, "Mo vivutuni qa mo ba navitaiso, vatikem vakhayalia, ei yaca ni Jisu Karisito me bokoci kha na lem valavala ca, qo sana qei sovia nai solisoli ni Yalo Tabu. ³⁹ Ni solisoli kwe i baleti ikho qai kora na lem driadria qai kora na no vakha yawa, io qai kora kece na tamata ei covira vua na Momo na leda Kalou." ⁴⁰ Ia a vica leqea na tata ni vakhoro qa vonatiro kha, qa kwaya, "Ba va cola ni vatikem mai vuara na tabaramata takelo kwe." ⁴¹ Ave sa sovia na tato qare wa yavitaiso sara, are sa qei wili vata na lotu vata na sigo sokwe ni rautia ni tolu na udalu nayalo. ⁴² Ave sa vuli vatabakhilia sara tu ga vuara na apositolo 'vuli gana Lotu, goma devi madrai qana masumasu. ⁴³ Sa lia na kwa na levu ni ledra mataku, a levu na docola ni bi nai vatakilakila are tara na apositolo. ⁴⁴ O kora cokho nava nabautia are sa no vata tu. qare sa lewa vata na ledra i yau, ⁴⁵ are volitakhi nia na ledra qwele ledra i yau qare sa viwaseitakhi, me wetai ha na ledra dukhu lega. ⁴⁶ Ina vi siga a lia are sa yalo du na lakha i were ni lotu. Are sa dau dovi madrai muni mai viwerewere, qare viwaseitakhi na magiti ina marau qana uto du, ⁴⁷ nire sa vavinavina vua na Kalou, are sa vivinati na tamata yalia, ia na vi siga cokho na Momo sa soqoni tia gana na levu ni tamata sa vacolai rewa.