¹ O koya ko kwe ba sa tatabubului, me ba vasavasava taki nia rewa vailemam cola mai na cola dukaveluvelu kecega mai na yago qa na yalo, me te ia na kwa savasava ena matau u vua na Kalou. ² Tara i lia na mataniwere qo dola via iva vaikemam! Iba sa na tam cala leqwa vakalia qa basa na tam vacacania leqwa i lia qa ba sa tam kocovia leqwa i lia na lea i yau. ³ Sa tam tia tata ni vitatavui na lequ tata kwe. Niqu sa kwaya oti nio kio i tau mu yalo metu rewa ni mate vata qa tuna rewa ni cola vata. ⁴ Sa kwa levu na lequ dau doudou tu na tata tu iva vaikem qa qu sa marautakini vaikem vacalevu sara. Qi vakasinai ina yalotabu. Qi sa marau ina tata ni Kalou qasa visau taki ni au. ⁵ Ia na gauna basa yaco mai i Masitonia, sa tam cegu na vaimemam yalo, ia basa vaka rarawataki ga ina kwa kecega, i tai ni vanua sa tara tu ka na vivaluvaiuti ia ina vaimem buto ni yaloga basa mataku. ⁶ Ia na Momo, a sa qai vakacegu ti vaikora measewa sa vakacegu ti maimam muni ina gauna asa yaco mai kina o Taito. ⁷ Asa tam ni koya talia a laka mai na Momo levu una lea vi tagomaki ni vaimam. Asa tam vivakacegui kinia ena vuku ni lea coia o Taito ena lea marorai. O koya a reve iva vaimam na lea cola na momo levu qaua lea gagadre qa na lea tagi qa sa va cola ni raimam mai Kinia. ⁸ Ia duga na lequ rarawa tasi ni vaikem, qi na dua leqwa na vakasama taki nia leqwa, baletia na gauna qina donia na lequ rarawa ni vatikem, ina gauna lekeleke boto. ⁹ Qi sa qei rekitaki nia, tam nia me baletia iko ina lem rarawa, ia baletia na ledra rarawa o kora are voli iko tu ina rarawa. ¹⁰ Ia na lea rarawa na Momo asa vayaconia vivutuni ina cola sa vivutuni taki leqwa, ia asa rarawa vaka levu o vuravura ena vuru ni mate. ¹¹ Donia na marau ni yalotabu ni lea vi kwaitaki Momo na lea sucu me baleti iko. Sa lia na kwa na lea vara marau taki ni keta nai vakamacala ni yalo tabu, kau dei vaketa na metaku na cacani, na ririko, ia na kwa kecega teva sa vadudu taki nia ni teva sa cala ina kwa so kwe. ¹² O koya ko kwe qi sa vilavola yati iva iko, ai tam volavola ina lawaki ina vuku ni cala se o koya i cala ia so kwe mo ba dolavia vaimam takiga voleke vua na momo. ¹³ O koya ko kwe te sa kauwai keceka, ina vacacegai ni momo levu ina leda cola. ¹⁴ Ia maga qi sa vakacaucau taki ni ko mai vuara leqwa iso. Ia na kwa kecega iba sa vece ina i tukutuku du baletia ina lea cola lei Taito asa visau in a du. ¹⁵ Nai tukutuku kwe i vaka yalo i rabailevu qa tera na tam numi dei nia rewa na lea yalo loloma na mo na Karisito. Me te kidavaki ni koya na leda Momo ina Marau qana Kalou gata. ¹⁶ Qi sa marau ni qusa rari taki niau iva iko ina kwa kerega.