¹ Maga, vaikem sa vakatakila taki vaikemam na vewekani, na loloma ni Kalou sa solia vo kora na soqosoqo ni lewe ni Masitonia. ² Ni ra sa vakatovolei taki ni ra na kwa rewarewa sora salevu sara na ledra reki, qa sa qa tani na ledra dravudravua, ia sa uasivi i yata vakalevu na ledra dau yalosoli kwa. ³ Lequ sa vakadudutaki nia ledra solia, me werei na kwa barewatia, maga sa uasivi i yata na ledra dui rewatia, qa sa yalovata sara. ⁴ A ra sa vakamamasu qa dikevi vaikem vakalevu me vaikem kau na kwa-ni-loloma, qa vetacini qa nira sa tara na loloma vo kora na lotu. ⁵ Qa sa lala me wetei na vailem vakasama, maga na cala sa soli va na momolevu, vo vaikem muni ba sa loma ni Kalou. ⁶ Maga vaikemam sa masuti Taito vali, me wetei sa tekivu taki ni a o koya i me tinia muni o koya vo vaikem na cakacaka ni loloma muni kwe. ⁷ Maga me wetei sa levu sara vo vaikem na kwa kece, na vakabautia, qa na tata, qa na vuku qa na yalomatua kece, qa na vailem loloma vo vaikemam, me levu gara vo vaikem. ⁸ Qu tam cavutia na vo koru qu tata ga ledra vu vo kora na yalomatua i yata, me tovolei muni na leda du ni vailem loloma. ⁹ Ni ba sa kilatia na laoma ni leda momolevu ko Jisu Karisito, ni sa vutuniyau o koya, maga sa yaco me dravudravua na vu vailem mo ba vutuniyau mai vana ledra dravudravua. ¹⁰ Maga qi sa vakavui ga vana kwakwe: ni sa kilikili vo vaikem na kwakwe, ba vakateki vu nia i mata, maga ba sa lala ni tara tuboto, ba yalomatua i yata muni vana otioti ni lia na yabaki. ¹¹ Maga kwe, mo ba tara sara; me wetei ba yolomatua vana kwa a tara, me ra tini wetei na kwa sa tara. ¹² Maga sa no na kwa i mata tara, me na vinati na kwa sa tara voi lia, qa lala ni wetei na kwa e lala tu vua. ¹³ I tam rewa ni vakacegu o kora na tamata tei nili a, qa vakabibitaki o vailem. ¹⁴ Me tautauvata ga, me rautia na ledra dravudravua na vailem i yau levu: me rewa muni na leda vakatautauvatataki. ¹⁵ Me wetei na kwa sa volai, O koya sa qulumia vakalevu sa lala na kwa me vo: o koya qulumia vakasewa sa lala na kwa i vele vua. ¹⁶ Maga me io na vakavinavina vua na Kalou, o koya sa vakacola na yalo o Taito na tam numi dei ni vaikem me wetei kwe. ¹⁷ E du ga o kora sa vakabautia na masu maga sa matua wetei o kora ga, sa laka vo vaikem. ¹⁸ Maga vaikem sa tala vota na leda viwekani, o koya sa rogo vina vo kora kece na soqosoqo ni lewe ni lotu vana vuku ni tukutuku vina. ¹⁹ Maga qa lala ni lei kwai na kwakwe, sa digitaki nia wetei o kora na soqosoqo ni lewe ni lotu me laka vata qa voikem na vaikem sa ia na cakacaka loloma kwe, me vakarokorokotaki na momo levu, qa me rairai muni na leda yalamatua muni. ²⁰ Maga vaikem sa ba mata torovia na kwakwe, me kua ni lia bilitaki nia vo vaikem na vuku ni yau levu kwe vaikem sa oga muni. ²¹ Vaikem ba sa numia na kwa dodonu, e tam nia boto e mata na momolevu, e ledra mata na tamata muni. ²² Vaikem sa tala viwekani muni vo koru, vo vaikem sa tolavia na kwa vina qa ba sa yalomatua na kwa kece, maga ba sa yalomatua vakalevu i yata, ni sa vakadudutaki ni a vaikem vakalevu. ²³ Me tarogi o Taito, sa lequ i lawalawa o koya. Sa vukei yau vana cakacaka vana vailem o koru muni na wekai keta, o koru sai talatala ni soqosoqo lewe ni lotu, o koru sa vakarokarokotaki nia na Karisito. ²⁴ O koya kwe mo ba qai vakatakila koyo vo kora, vana ledra mata muni na soqosoqo ni lewe ni lotu na vakadudu ni ica loloma, qa vailemam vakacaucautaki vaikem.