¹ Kha sa gei uvia na lea tavui na lea tavui na i kha lima ni agilosi. Qi gei tolavia Kha tlia na khalokhalo mei lomalagi o khoya sa lutu tu i varavura. Sa soli vua na khalokhalo na i dola khi na gusu ni givara tamu vakhaiyalayala. ² A sa dolavia na givara tamu vakhaiyalayala, ga sa la cakhe na khobulu ni tlia na lovo levu. A ru sa vukhici me gigilo na siga ga na macawa i na vukhu ni khobulu mei na gusu ni qwara. ³ A ra sa la mei na kobulu kho khora na vodre khi vuravura, ga sa soli vuara na gwagwa me odakhi na ledra na batibasaga i vuravura. ⁴ A ru sa laivece me ru khua ni vakhacakha. cania na o i vuravura se khei tlia na khai drokhodrokho se vunikhai, ia kho khora ga na tamata khei tikhai vuara na drego ni khalou i dra ra. ⁵ Khei tamu soli vuara ni vivakhadonui me ra vakhamateni khora, ia me ra laivakhatotogani me vula lima. No ledra rarawa me odakhi na mosi ni khata ni batibasaga ni sa khatia na tamata. ⁶ I na gauna gima kheri na vakhatolavia na tamata me ra mate ga na tamu sotavia. Kheri sa na vinatia vakhalevu me ra mate, ia kho mate khie sa na tubarakhini khora. ⁷ Ia kho khora na vodre sa na odakhitakhi tu na kedra i rairai na ose kheri sa vakha-vakharau tu khi na i valu. Sa tau tu i dra ulu na kwa sa odakhi na i sala khoula, ia dra mata sa odakhi na mata ni tamata. ⁸ Sa odakhi na ulu ni yalewa dra rau ni ulu, ia dra bati sa odakhi no bati ni laione. ⁹ Ia na i sasbai ni dra sara khei odakhi na i sasabai ni saro khaukhamea, ia na rorogo ni dra khakhava sa odakhi na votuvotukhu ni gigi ni valu khei wara ga na edra ose wara kheri sa khivi tu khi na i valu. ¹⁰ Ia dra laulau khei odakhi na lautau ni batibasaga, i dra laulau khei tau tu khe na gwagwa me ra vakhararawatakhini khora no na tamata me vula lima. ¹¹ A sa ledra tui na agilosi ni qwara tamu vakhaiyalayala. E yaca i na tata vakha Iperiu kho Apatoni, i na tata vakhirikhi, e yaca kho Apolioni. Na i matai ni kwa cakha ca sa sivi. Tolavia! Devu kwe sa vo legwa khei rua na kwa eakha ca yalevu me na la mai. ¹² Na i matai ni kwa cakha ca sa sivi. Tolavia! Devukwe sa vo legwa khei rua na kiwa cakha ca yalevu me na la mai. ¹³ Kha sa uvia na lea tavui na i kha ono ni agilosi, ga gu sa varogocia khei tlia na tata khei la no mai na tutu gare ni cabocabo ni soro khoula kwa tau tu i e mata na khalou. ¹⁴ ni sa kwaya khi vua na i kha ono ni agilosi kwa gulumia tu na tavui, "serkhi khoru na le v na agilosi kharu vesu tu mei na tuba ni wai levu na Uferetisi." ¹⁵ Ia kho khoru na le va na agilosi kwa ru sa vakharautakhini khoru tu mai me baletia na auwa gima, na siga gima, na vula gima, ga na yabakhi gima, a ru sa serekhi mai me ru vakhamatenia khei tlia na i khatolu ni wase tamata.. ¹⁶ Ia na kedra i wiliwili na sotia vodo ose, sa rua na drau na milioni. Qu varogocia na kedra i wiliwili. ¹⁷ Sa odakhi kwe na lequ tolavi khora na ose i na lequ tola vakhayalo, gei khora na vodocia tu. Na ledra i sasabai khei driu ni quto makha, kharakharawa gigilo ga yagoyago me odakhi na sulifure. Dra ulu na ase khei odakhi dra ulu na laione, ia mei dra gusu sa la mai khe na mamaudre, na khobulu ga na sulifure. ¹⁸ A ra sa laivakhamate khei tlia na i kha tolu ni wase tamata; na kwa cakha ca khei tolu : na mamaudre, na khovulu qa na sulifure kwa la mei dra gusu. ¹⁹ Ni sa tau tu i dra gusu na ose ga dra laulau na ledra gwagwa_ ni sa odakhi na gwata dra laulau, sa vakhaulu, a khoya kheri vakhamavoatakhini khora no khe na tamata. ²⁰ Ia kho khora na vo ni tamata kwa ra tamu laivakhamate rewa mai na kwa cakha ca gima, khere tamu vivutunitakhi na cakhacakla ni ara lima, se me ra tinia na ledra gwariavi tevoro ga na matakhau khoula, siliva, varasa, vatu se khai- a khora kheri tamu tola, cam se yali. ²¹ Kheri tamu vivutunitakhi na ledra daulaba, ledra vakharaurau, na ledra vidavidauci ga na ledra vevenakha.