¹ Qu gei tolavia khei tlia legwa na agilosi gwagwa khei la civo no mai lomalagi. A sa vakhaisulu i na o qa sa tau donuya no e ulu i ata na drodrolagi. Sa okakhi na matanisiga e mata. ga sa odakhi na duru mamaudre e la. ² A sa qulumia tu khei tlia na i vola vivigi sewa i e lima, kha sa tevukhi tu. A sa dure tu e la i matau i na waidui gaya e la vokho i no vanua vocokho. ³ Sa gai tae i e lio rogo levu me okakhi na laione khei tagi. Ia ni sa tae, sa rorogo no mai na ledru tato na khurukhuru khei vitu. ⁴ Ia ni ru sa cavutia na ledru tata na khurukhuru khei vitu, qu sa vakharou vola, qu qei varogocia khei tlia na lio mei lomalagi sa kwaya mai, 'Dregatia na kwa kheri kwaya na khurukhuru khei vitu. Mo khua ga ni vola." ⁵ Qu sa gei tolavia na agilosi kwa butukhia tu e la na waidui ga na vocokho ni sa donia cakhe e lima i matau khi lomalagi. ⁶ Kha sa bubului i vua khei sa cola qa tawa mudu, o khoya kha buli lomolagi qa na vikwa khece khei tau khe, na vuravura ga na vikwa khece khei makhi e dela, ga na waidui ga na vikwa khece khei nakhi khe, ga sa kwaya na agilosi, "Sa tikhai na gauna me vo. ⁷ Ia i na siga sa no vakharau uvia khe na lea tavui na i kha vitu in agilosi, khei sa na gai vokhadevu vina na kwa vuni ni khalou, me adakhi sa kwaya devu i na lea i tukhutukhu vina vuara na lea i talatala na parofits." ⁸ Sa gei tata legiva mai vekhe au na lio qu varogocia mei lomalagi: "La, garatia na i vola vivigi tevukhi mei na lima ni agilosi khei dure tu i na waidui ga na vocokho." ⁹ Qu sa qei la i vua no agilosi, qa qu vecei khoya me solia i vekhe au na i vola vivigi go khania. Khei na gaga i mu khete, ia i mu gusu khei na khamiea me odakhi na oni." ¹⁰ Qu sa gei garatia na i vola vivigi sewa mei na lima ni agilosi ga gu khania. A sa khomica me odakhi na oni i qu gusu, ia ni qu sa khania devu, sa gaga mai qu khete. ¹¹ Sa gei vecei au kha tlia, "Mo parofisai legwa ro vuara na tamata khei waro, khina vimatanitu, khi na dukhutatata, gei khora na tui."