¹ Ni sa dola via na Lami na i kha vitu ni drega, a sa vakhanomadi na lomalagi me rautia vimama ni aia. ² Qu sa gei dania na i kha vitu ni Agilosi sa dure e mata ni khalou ga na vitu na davui sa soli vuara. ³ Sa gei la legwa mai tlia na Agilosi, sa gulu na miga koula, ga sa dure na i cabocabo ni soro sa soli vakhalevu wa na kwa boi vina me rewa ni vakhacaboria ga na masu vua na tamata lotu khi nai cabocabo ni soro khoula, khi ra i nono vakhaturaga. ⁴ Na khobulu ni kwa boi vina-ga na masu ni tamato yalo savasava sa lai yata vua na khalou mai na limo ni Agilosi ⁵ Na Agilosi sa khau na miga go tigonia vata na mamaudre mainai cabocabo ni soro. Qa sa gei walatakhi nia civo khi vuravura, a sa cibote na khurukhuru, kha sa lidi na yaseyase, ga na uneure. ⁶ Na kha vitu ni Agilosi khoya kha nakhi no vua na vitu na davui sa vakharau me uriya ⁷ na matai ni agilosi sa uriya na davui, kha sa la mai na mamaudre viwakhi vata ga na dra. A sa walatakhi civo khi vuravura me rewa ni bula nai kha tolu ni taba ni vuravura, na i kha tolu ni khai me bula, ga na kharasi drokhodrokho khece me bula. ⁸ Nai Kharua ni Agilosi sa unya na lea davui, ga tlia na kwa dakhi e dela levu sa mamaudre tu va na bula, sa wolotakhi khi na wasawasa sa yaco me dra. ⁹ Nai kha tolu ni vi kwa cola khece i wasawasa sa mate, na i kho tolu i waga sa vakharusai. ¹⁰ Nai kha tolu ni agilosi sa unya na lea danui, sa tlia na kholokhalo levu sa lutu mai maliwa lala, sa udre dakhi na eina lo, na i kha tolu ni bti ni voai levu ga na bati ni wai. ¹¹ Na yaca ni khalokhalo kho Gagaduvaduva Nai kha tolu ni bati ni wai sa gaga, ga sa levu na tamata ra mate mai na wai kha sa winiwini. ¹² Nai kha rani Agilosi sa uriya na lea Davui, ga na kha tolu ni mata ni siga sa bi ravu, ga nia muni na i kha tolu ni vula ga na kha tolu ni Khalokhalo. Ia na khedra, kha tolu sa vukhi me gigilo, nai kha tolu ni siga ga na kha tolu ni bogi sa tikhai na cece. ¹³ Qu sa dania, ga gu vakharogocia na Ikeli kha sa vukha tu i yata, sa tagi vakhalevu, 'wou, wou, wou vekhe mu na to khoto i vuravura, i na vukhu ni devudevu ni davui sa vakharau me na lai uri yati vuara na tolu na Agilosi"