¹ Qu sa varogocia khei tlia na lio levu sa tae mai na sue ni lotu ga kwaya vuaru na agilosi khei vitu, "Mutu la khi vuravura go mutu sovarakhinia khe na vitu na bilo ni lea wakharakhara na Khalou." ² Kha sa la na i matai ni agilosi ga sovarakhinia yati lea bilo khi vuravura; sa yacovi khora na tamata sa tau tu vuara na i vakhatakhei ni manumanu vakhamatakhu, ga ra vakharokhorokho takhinia no na lea matakhau na quruquru rairai ca ga mosimosi. ³ A sa sovarakhinia na lea bilo khi waidui na i dharua ni agilosi.Sa vukhi me dra, me odakhi na dra ni tlia na tamata mate, ga ra sa mate khe na vikwa cola i waidu. ⁴ A sa sovarakhinia na lea bilo na i khatolu ni agilosi khi na vitubaniwai ga na vivure ni wai, ga ra sa vukhi me dra. ⁵ Qu gei varogocia na agilosi ni wai ni kwaya, "Mu sa yalododonu - o khoya khei cola no ga cola mei mata, na Yalosavasava - ni mu sa lewa na vikwa khece kwe. ⁶ Beletia ni ra vakhadavenia na ledra dra na tamata yalosavasava ni Khalou gei khora na parofita, mu sa solia vuara na dra me ra somia ni sa taralau du vuara. ⁷ Qu sa varogocia ni sa saumi mai nai cabocabo ni soro, "E, Turaga na Khalou Owagua, na lemu lewa khei du ga dodonu. ⁸ Sa gei sovarakhinia na lea bilo na i khava ni agilosi khi na matanisiga, ga sa soli khe vua na vivakhadonui me vakhabuleteni khora i na kharasa ni quto. ⁹ Kha ra sa bulete i na khatakhata levu, ga ra sa tata vakhacakhacania na yaca ni khalou, o khoya khei lewa na vi mate cakha ca kwe. A ra sa tamu vivutuni se me ra vakharokhorokhotakhini khoya. ¹⁰ Sa gei sovarakhinia na lea bile khi na lea i nono vakhaturaga na manumanu vakhamatakhu na i khalima ni agilasi, ga sa ubia na lea matanitu na gigilo. a ra sa khatia dra me i na levu ni ledra rarawa. ¹¹ Kha ra sa tata vakhacacania na Khalou ni lomalagi i na vukhu ni ledra mosi ga na mavoa, ga ra si duo ga vivutunitakhinia na ledra i valavala. ¹² Sa sovarakhinia na lea bilo khi na tuba ni wai levu na Uferetisi na i khaono ni agilosi. A sa mamaca khe me vakharautakhinia na ledra sala kho khora na Tui kheri na la mai natuicakhe. ¹³ Qu gei tolavia khei tolu na yalo velavela khei odakhi na bot na khedru i rairai, sa rusu mei dru gusu na gwata levu na manumonu vakhamatakhu, ga na parofita vikharekwa. ¹⁴ Ni ru sa te yalo ni tevoro kha ru tara no na vi cakhacakha mana khei so. Kharu sa vilayaki no khi vuara na tui ni vivanua i vuravura taucokho me ma rewa ni vakhasogoni khora vata yati khi na i valu khi na lea siga na Khalou Qwagwa. ¹⁵ ("Tolavia! Qu sa la no mai me odakhi na dauvenakho! Sa khalougata kho khoya khei vakhatawa no ga, khei taga no ga lea i sulu me ma khua ni vilayakhi vakhalobelobe gaya me ra khua ni tolavia na lea vakhomadua.") ¹⁶ A ru sa mei khora vata mai khi na vanua khei nia e yaca vakhaIperiu kho Amakhetoni. ¹⁷ Sa qei sovarakhinia na lea bilo na i khavitu ni agilosi khi na maliwa lala. Kha sa gei varogo mai na suenilotu gaya mei na i nono vakhaturaga khei tlia na lio levu ni sa kwaya, "Sa tara devu!" ¹⁸ Kha sa tibi na livaliva, khurukhuru, lutu ni yaseyase gaya khei tlia na uneune levu - na uneune khei levu cakhe mei vuara na uneune taucokho sa yaco devu me tekhivu mei na gauna khei cola khe na tamata i na vuravura, na khea levu na uneune kwe. ¹⁹ Sa tawase vakhatolu na khora levu, ga ra na bale na vikhorokhoro yalevu ni vimatanitu. A sa gei vakhanumi Papiloni na kwa levu no Khalou ga gei solia vua na khora levu gima na bilo sinai i na waini ni lea wakharakhara levu. ²⁰ So reva khece na viyanuyanu, ga sa tamu laitokivi legwa na viulunivanua. ²¹ Sa lutuci khora na tamata na uca cevata mai lomalagi, na kedra biri khei rautia no khei tlia na taledi. Kha ra sa tata vakhacacatakhinia na Khalou e na vukhu ni lega ni uca cevata ni sa bekhe vakhadocola.