¹ Kha tlia vuaru na vitu na agilosi kho khoya kha gulumi tu na vitu na bilo kha la mai ga gwaya ve khe au, "La mai, ga gu na vakhatakhe ve khe ikho na leya lei yalo ca na yalewa dau tagwane kho khoya khei gatule no bati ni wai, ² Kho khoya kha dau vidauci ti khora na tui khi vuravura, ga va mateni na khoi vuravura i na leya waini ni vidavidauca." ³ Kha sa gei meya gu yalo na agilosi i na vikhaikhai, ga qu tolavia kha tlia na yalewa kha vodo no i na tlia no manumanu driu, vakhamatakhu, kha sa levu tu e yaca khadau le tata vakhacacatakhi khe na khalou. Ia na manumanu driu vakhamatakhu kha vitu e ulu ga tini na leya. laso. ⁴ Kha sa vakhaisulu na yalewa i na i sulu lokhaokha ga na driu ga sa ukhutakhi ina khoula, na vatu talei, ga na mataniciva. Kha sa gulumia tu e lima kha tlia na bilo khoula, sa sinai khe na cakhaca ga na dukha ni leya dau vidavidauca. ⁵ Kha volai no i e ra kha tlia na yoca, kha tamu lei vakhamocalatakhi rewa: "Kho Papiloru na kwa levu, na tinadra na dautagware go na vikwa cakhaca ni vuravura." ⁶ Qu gei tolavia na yalewa kha sa mateni tu i na ledra dro na tamata yalo savasava ni khalou ga na ledra dra na mate, na vukhui Jisu. Kha sa Khusari au na legu tolavia. ⁷ Ia, kha sa kwaya vakhe au na agilosi, "Ma khuca ma khusarikha Qi na vakhamacalatakhinia ve khe ikhe na vikwa khei tamu vakhamacalatakhi rewa me baletia na yaleno ga na manumanu vakharratakhu leve kha vodocia tu, na manumanu vakhamatakhu levu khei vitu e ulu ga tini na leya i laso. ⁸ Na manumanu vakhamatakhu levu kha cola tu mai mata, si tamu cedre no kwe, khei sa varau me mata legwa mai ina gwara tamu vakhayalayala. Sa na gei tekhivu me vakhacaca. Kho khora sa nokhoto tu i vuravura, kho khora khei si tamu volai no dra yaca ina i vola ni cola mai nai buli ni vuravura- khei na khusari khora na ledra na tolavia ra monumaru vakhamatakhue levu, baletia kha cola was tu, si reva no na ganna lewe ga na cedre legwa mai. ⁹ A kwe khei vinatia na vakhasama khei vukhu. Na vitu e ulu sa nia na vitu e dela khei gatulecia tu na yalewa. ¹⁰ A gima muni na vitu na tui. Kha lima kha sa dara, tlia sa nokhoto no kwe, ga tlia khei sibere ni cedre no mai, ia na gauna khei cedre mai khe, khei na mai no vakhalekhelekhe. ¹¹ Na manumanu vakhamatakhu levu kha cola mai matoi, ga si reva no kwe, khei na te i kha walu ni tui. khei wili muni gei khoni na vitu ga sa yamatavia no munio na leya mate. ¹² Na tini na i laso kho tolavia sa ni khoru na tini na tui khei si tikhai no na ledra matanitu, ia khei na soli vuaru na lewa me ra tui vata gaya na manumanu vakhamatakhu levu me tlia na yauwa. ¹³ Khei tlia ga na ledra vakhasama, ga ra solia khece na ledra gwagwa ga na ledra lewa i vua na manumanu vakhamatakhu levu. ¹⁴ Khei ri na valu ga na Lami. La na lami khei rewati khora baletia kho khoya khei Turaga ni vi Turag, ga tui ni vi Tui- kho khora khei to vata gai khoya e ri te tamata digitakhi, ga ra tamata du." ¹⁵ Kha sa kwaya vakhe au na agilosi, "Na wai kho tolavia, kha gatule no khe na dau tagwane, a gi khe na dau tagwane, a gi khe khora na tamata, le wara, vimatanitu, ga na dukhu tata. ¹⁶ Na tini na i lasa kho tolavia - kho khoru ga na manumanu vakhamatakhu levu khei vi na cakhatia na dau tagwane. Khei ri na vageyavurua ga ru vakhalivawaletakhinia, ga ru khania e vicikha, ga ru na bulania vakha tlia i na mamaudre. ¹⁷ Na Khalou sa nakhia i dra yalo me ra tara na leya i nakhi i na leya vivakhadonui me ra solia ledra dodonu ni vitiutakhi i vua na manumanu vakhamatakhu levu me yacovia ni yaia khece na leya tata. ¹⁸ Na yalewa kho tolavia sa nia na khoro levu khei nakhi tu vua na gwagwa me viliutakhi i vuara na tui ni vuravura."