¹ Qu gei tolavia tlia legwa na i vakhatakhei mei lomalagi, khei levu ga vivakhurabuitakhi: Kharu vitu na agilosi Kheri gulumia tu khei vitu na mate cakha ca, Kha sa khea i devudevu ni mate cakha ca, me vakhadevucia vina khe na wakharakhara ni Khalou. ² Qu sa gei tolavia khei tlia na kwa khei odakhi na wasawasa iliolo wakhi vata na mamaudre. Kha ra dure tu i bati ni wasawasa kho khora kheri sa gumatua mei vua na manumanu vakhamatakhu qa na lea matakhau ga na i wiliwili ni e yaca. A ra gulumia tu na api kha solia vuara na Khalou. ³ A ru sa lagatia na lea sere li Mosese, na i talatala ni Khalou, g na lea sere na Lami: "Sa kwa levu ga vivakhurabuitakhi na lemu cakhacakha, Turaga na Khalou Owagwa. Sa dodonu ga du na lemu calevu, na Tui ni vimatanitu. ⁴ Kho cei khei na tamu matakhuci mu, Turaga ga vakharokhorakhotakhinia mu yaca? Do kho mu tatlia sa yalosavasava. Kheri na la khece mai na vimatanitu me mai vakharokhorokho i mu mata ni sa laitolavi na leme cakhacakha dedonu. ⁵ ni sa devu na kwa kwe gu sa tolavia ni sa dola tu mai lomalagi na sue ni lotu, na sue ni viyalayalati. ⁶ A ru sa rusu mei na sue ni lotu na le vitu na agilosi kharu gulumia no na mate ca khei vitu. Kharu sa vakhaisulu i na lineni savasava sara, kha sa vauci i dru saro na wa khoula. ⁷ Sa tlia vuara na kwa cola sa solia vuaru na le vitu na agilosi khei vitu na bilo khoula khei sinai tu khe na wakharakhara ni khalou, o khoya khei cola ga tamu mudu. ⁸ Sa sinai na sue ni lotu i na khobulu mei na lea i ukhuukhu na Khalou ga na lea gwagwa. Sa tikhai tlia me rewa ni rusuvia me devu rewa ro na ledru mate cakha ca khei vitu na agilosi le vitu