¹ Qu tolaria na Lami sa dure e dela i Saioni Sa dure vata ga ni khoya na le 144,000 khoya tau vua e yaca ga na yaca i tamaya sa rolai dra dra. ² Qu varogocia tlia na lio mai lomalagi sa rogo dakhi na bati ni ioai ga na khuni khuru levi. Na rorogo muni qu varogocia dakhi na lio ni lai qiriti no na Api. ³ A rasa lagatia na visere vou khi nai nono rakhaturaga dra mata na ra na rikwa cola ga na tugwagwa. Sa tikhai tlia sa vuli cia rewa na sere kho khora ga na le 144,000, kho ya khara lamai vuravura. ⁴ Khora kwe khara tamu bau cala vuara na yalewa, a khe maroroi khora me ra khua ni no vata ga tlia. Kho khora khara takhucici na Lami Khi na vanua kha la khe. Kho khora Kwe a ra sa lai vakhacola mai vuara na tamata ga ra sa tei sevu vua na Turaga ga vua na Lami. ⁵ Tikhai na redwa kha lai tolari dra gusu; tikhai na kwa me ra lai tavai khe. ⁶ Qu tolavia tlia legwa na Agilosi sa vivukha-yakhi i maliwa lala, sa vunautakhinia na i tukhutukhu vina vuara na no khoto i vuravura - khi na vimatanitu, viyanisa dukhu tata, ga na tamata. ⁷ Sa tae vakhinia vakhaleru, "matakhu cia na khalou go mu vakharokhorokho vua. Ni sa yaco na Auwa ni lea rilewai. Qwarari khoya, Kho Khoya Kha bulia na lomalagi, na vuravuwra, na wasawasa ga na bati ni wai" ⁸ Tlia leguoa na Agilosi - kharua ni Agilosi - aru sa vitakhuci, a Kwaya, "saura, sa soura na gwagwa ni Papiloni, na vakhavunia na matanitu me ra somia na waini ni gogadre ca. ⁹ Tlia gegwoi na Agilosi - khatolu ni Agilasi - a ru sa vitakhuci, sa tae vakhinia, "ma ke tlia sa vakharokhorokho va na manumanu ga na khea i vakhatakharakhara ga sovia na lea makha e ra se e lima, ¹⁰ Kho Khoya na somia muni e so na waini ni yalo ca ni khalou, na waini kha sa sovarakhi khi na bilo ni yalo ca Na tamata Khei somia e na vakhararawatakhi e na mamaudre ga na sulivure ni Agilasi Yalo savasava ni khalou gana Lami. ¹¹ Na Khabulu ni ledra vakhararawatakhi sa la va tlia i yata ga tawamudu, kha ra sa tamu vakhacegu na siga gana Bogi so ni khora na dau Qwaravia na manumanu ga na Khea vakhatakharakhara, ga ni khoru sa sovia na makha ni e yaca. ¹² Sa ria kwe na ledra cola na vasotia ni tamata yalo savasava kh ra khara maroroya na i vakharo ni khalou ga na vakhabauti Jisu" ¹³ Qu vakharogocia na Lio mai Lomalagi a kwaya, "vola kwe: sa khalovgata na tamata mate kha ra mate wa na khalou "Io," sa kwaya na yalo Tabu" Kho Khoya sa vakhacegu mai na lea cakhackha, ga na gai takhua kho ra tu na ledra i valavala." ¹⁴ Qu tolavia na O sesevu. Sa gatule ve na O sa tlia dakhi na luve ni tamata. Sa taga na lea sala vakhaturaga e ulu ga na i sele takhelo e lima. ¹⁵ Qa tlia legwa na Agilosi sa rusu mai tuba va na sue ni lotu ga sa tae vakhinia vakhaleni vua kha gatule va na o: "Khou na lemui i sele takhe lo go tatamusukhi. Ni sa yaco mai na gauna ni tatamusukhi, ni so matua na kwa cakha ca khi vuravura" ¹⁶ Kho khoya kha vodo no vana O sa gei cawiritia na lea i sele khi vuravura, Kha sa musukhia na Vuravura. ¹⁷ Tlia legwa na Agilasi sala mai sue ni lotu mai Lomalagi; sa gare na lea i sele takhela ¹⁸ Sa tlia legwa na Agilosi sa cedre mai na i cabocabo ni kwa boi vina, khoya kha tau vua na gwagwa ni mamaudre. Sa tae vakhinia mai vua kha Tau no vuara na i sele takhelo ga gare, "khau na lemu i sele takhelo gare go lai sogoni khora vatoi na raini, mai e vu mai vuravura, ni sa dreue vua. ¹⁹ Na Agilosi sa gei viritakhini mai na lea i sele takhelo khi vuravura me ra tamusukhi na vua ni vaini e vuravura. sa gei cabo i khora khi na kheli wai ni yalo ca ni khalou. ²⁰ Kha sa buturakhi nia nai kheli ni waini khi na loto ni khoro levu, kha sa tesova mai khe na dra yacoria na vuraele ni ose, rautia na 1600 na vakharoa ni tlia na rara.