¹ Qu sa tolavia tlia na manumanu vakhamataku sa cedre mai wasawosa. A sa tini ma khea : laso ga vitu e ulu. Vana khea i laso sa tini na i sala vakhaturaga vana ulu ta tlia sa tau e taca ni dau tata vakhacaca. ² Na manumanu vakhamataku qu tolavia odaki na levate. la khei odakhi na la ni vera, gania e gusu sa odakhi na gusu ni laione. Na gwata levu sa soli vua na gwagwa lea nono vakhatuvaga, ga na gwagwa levu ni viliutakhi. ³ Kha Hia vuaru na ulu ni manumanu vamataku kha odakhi me mavoa biri no, ia na lea mavoa sa mavo no. Khei sa khurabui kho vuravura taucoko i na ledra vakhatakhucia na manumanu vakamataku. ⁴ A ra sa gwaravia muni na gwata levu i na lea sa solia na gwagwa vua na manumanu vakhamataku. Kha va sa gwaravia muni na manumanu, ga ra kwaya no ga 'Kho cei sa odakhi na manumanu vakamatakhu?" gaya "Kho cei khei rewatia me ru vivala gaya?" ⁵ A sa soli vua na manumanu vakamatakhu na gusu me tata vakhadokhadokha ga tata vakhacaca. Kha sa soli na vivakhadonui me vaichatovotovotakhi na lea gwa gwa me vasagavulukharua na vula. ⁶ Sa gei dolavia e gusu na manuimanu vakhamatakhu me tata vakhacakhacania na khalou, tata vakhacakhaca nia e yaca, ga na lea sue tabu, gei khora na nokhoto no mai lomalagi. ⁷ A sa soli vua na manumanu vakhamatakhu na vivakha donui me valuti khora na tamata yalosavasava ni khalou ga vakhadrukhani khora. Sa soli muni i vua na gwagwa me turaga ni viyavusa, tamata, dukhutatatai ga na vimatanitu. ⁸ Kho mu kece mi nokhoto i vuvavuva mi na gwaravia, khora khece dra yaca kha thamu volai ma vola ni cola, khoya na lea na lami khoya kha sa lai vakhamate mai na i tauyavu ni vuravura. ⁹ Kho khoya sa tau e taliga, me varogocia. ¹⁰ Ma khei tlia mena la mei vakhavesu, kho khaya khei na lai vesu ma khei tlia me lei vakhamate i nai selewau, kho khaya e na mate ga vanai selewau. Ia. kwe so te coco ni nivosoti ga na vakhabautia ni tamata yalo-savasova nikhalou. ¹¹ Qu sa tolaria tlia legwa na manumanu vakha-matakhu sa cedre mai vuravura khei rua na khea i laso dakhi na lami, ga tata dakhi na gata levu. ¹² Khaya Kha vakhatovotovo takhi khece na gwagwa ni matai ni manumanu i vua, ga sa tara kho khi vuravura ga ni khora khece ra no khoto no khe me ra gwaravia na matai ni manumanu- gania khoya kha mavoa no khakhava sa mavo. ¹³ Kha tara na kha vivalhakhusari. Kha tara muni na mamaudre me la civo i vuravura mai lomalagi dra mata na tamata. ¹⁴ Na Vakharaitakhi ni vi kwa sa ma soli vua na gwagwa mai vana manumanu, sa vakha-takhe wara sa no khoto i vuravura, kiwaya vuara me ra tara tlia na vakhatakharakhara ni manumanu-khoya kha mavoa vana i selewau ga si cola no ga. ¹⁵ Kha sa soli vua na vivakhadonui me solia na cola khi na vakhatakharakhra ni manumanu me rewa wa na vakhatakharakhara me tata ga vakhovunia khe me ra lai vakhamate kho ra kha ra dua na gwaravia na manumanu. ¹⁶ A sa vakhasauraratakhi khora, khora na yalure gani khora a turaga, vutuni yau, ga na drawdrawa, gwalala ga na bobula, me ra sovia na makha dra lima matau se me tau dra dra. ¹⁷ Sa na dredre va na tlia me volia se me volitakhinia vakhavo me sa tau wa na makha ni manumanu, khoya gi na wiliwili me sa vakhatakhei ni e yaca. ¹⁸ Sa nia kwe na vukhu, ma khe i tlia khei tola launia, me gai vavoilia na wiliwili ni manumanu vakha vatakhu. sa nia na wiliweili ni tamata, na veiliwili na 666.