¹ A sa laitolavi khei tlia na i vakhatakhei levu mei lomalagi: kha tlia na yalewa sa vakhaisulu i na matanisiga, ga tau tu i e rukhu ni la na vula ga so vakhaisala i na khalokhalo khei tinikharua. ² Sa bukhete, a sa tagi tutugolou na i na rarawa ni taratara ni vakhasucu. ³ A sa tlia legwa na i vakhatakhei sa cedre mai lomalagi: Tolavia! Kha sa tlia na gwata driu levu kha vitu e ulu ga tini na khea i laso, ga vitu na i sala vakhaturaga i dra ulu. ⁴ Kha sa yaratakhinia khei tlia na i khatolu ni khalo-khalo ni lomalogi ga viritakhini khora civo khi vuravura. A sa dure tu i e mata na yalewa kwa sa vakharau vakhasucu no gwata, me khani luvea ni sa vakhasucunia. ⁵ Kha sa vakhasucuni luvea, khei tlia na luve tagwane, kho khoya khei na lewa na vimatanitu i na i tokho khaukhamea. A sa laimei kho luvea i vua na khalou khi na lea i nono vakhaturaga, ⁶ ga sa tuba i na vikhaikhai na yalewa, khi na vanua sa vakharautakhinia na Khalou i vua, me laigwaravi khe me 1260 na siga ⁷ Kha sa tubu mei lomalagi na i valu. A ru sa vivala kho Maikheli gei khora na lea agilasi ga na gwata, kha ra sa valu muni yati na gwata gei khora na lea agilosi. ⁸ Ia sa temu viraurau na ledru i gu na gwata me ru gwagwa khe. Sa gei tikhai na vanua mei lomalagi me lea gei khora no lea agilosi. ⁹ Na gwata levu - na gwata matua - e yaca na Tevoro se kho Setani, o khoya khei sa vakhacalania tu na vuravura taucokho - sa viritakhi civo mei khi vuravura, ga ra viritakhi vata gaya mai na lea agilasi khece ga. ¹⁰ Qa qu sa varogocia khei tlia na lie levu mei lomalagi: "Sa gei yaco na cola ga na gwagwa go na tatanitu ni leda Khalou, ga na gwagwa ni lea Kharisito. Do kho khoya khei dau tavuiti khora noi wekhada sa viritakhi civo mai, o khoya kha dau tavuiti khora no i e mata na leda Khalou i no siga ga na bogi ¹¹ Kheri sa vakhamalumalumutakhini khoya i na dra ni Lami ga na tata kheri tusanakhinia, ni ra sa tamu taleitakhinia na ledra cola me yacovia sara na mate. ¹² Kwa kwe me marau khe kha lomalagi gei khora khece na nokhoto khe! Ia mu na cakha ca kho mu i vuravura gei khora mei wasawasa, baletia sa la civo mei vekhemu na tevoro! A sa sinai i na yaloca levu ni sa khilatia sa sewasewa lea gauna. ¹³ Ia ni so khilatia na gwata ni sa laiviritakhi civo khi vuravura, sa gei tucia na yalewa kha vakhasucunia na luve tagwane. ¹⁴ Ia sa soli vua na yalewa na i khakhara e rua ni tlia na i kheli levu, me tuba khe khi na vanua khei sa vakharautakhi ivua i na vanua lala. Akwe na vanua khei na maroroi na khe, i na tlia na gauna, so legwa na gauna, ga na vimama ni tlia na gauna--me reva mei e mata na gwata. ^{16 15} A sa luerakhinia mei e gusu na wai na gwata levu me adakhi na tuba ni wai khei vuto me khuitakhini khoya khe. xxxxxxxx ¹⁷ Kha sa yalocatia na yalewa na gwata levu, ga sa lakhi vivala gei khora na lea khawa, o khora kheri talairewarewa khina i vunau ni khalou ga ra gulumia khata no na i tukhutukhu khi Jisu! ¹⁸ Sa gei dure tu na gwata levu i na volivoli i na bati ni matacawa.