¹ Mago te vei vaka nima (5) re engelio vai a biugeli teta ra. Te Eau ino a tsimugo oio a mautu ra maroka ra paru sotaro a tabu. Gitou abia re a tsimugo a ki ra pupoa ari gotaro vau a pepera ouka. ² Te a tsimugo kope ta pupa o, a u-ura avi gogara oio a pupao tau pipi mae a avi kirira vau o. Te aro me a ba oata bunau ei gari masori ira tau tutuvu ra avi oio a pupa o. ³ Oroio a tutuvura avi o, a karikobu nau ma e a koa ra vau ta gogara gotaro vaore oio a tabu, E gitou abia a vagagari ra ma e a vanaina oio a tabu ari rovia ri kiki e vararua o. ⁴ Gitou gamma ga igo bunua atotsibo nau ari oio a vauta me a tabu ei, e gitou ga igo bunu more vara rua ari a tabai ra te Pago gamma oata pepera auto gitou ei. ⁵ Gitou gamma ga birie vararua nau are re, gitou ga abia gitou a mausaka ra goio kara oio a tai o (5) inimata a. Tsivura ra are gitou ga abia o ga mae a vanaina kikie vara ru o. ⁶ Oiro a rogo nau aro e vararua ga a gavi vau peo ge aramori e gitou gamma ga peo. Gitou ga agavi vau ga peo, aramori a pireo ga ere taro e gitou. ⁷ Gitou a karikobu mae a koa ra vau-uta o ai noino gitou tsi mae e osi raragi ra ri goio avaikue ra. Oio a auto gitou a tsibo mae a goulu ra kraoni, a nounagu gitou mae a nunagure tau aro. ⁸ Aivu gitou a ai vure tasema o, ge a togo gitou mae te laionio. ⁹ A gari au te gitou mae a kapa o, a papa ra ra gariau te gitou o tari papaga mae a karisi me e osi nau ari aiaasi goio ra vaikue ra o. ¹⁰ A koa ra vauta aro a kiu gitou mae a vanaina o; A posini oio a kiu gitou tera ri ga tuba e vararua ge gitou ga abia mausakara ga pou kara oio a taio (5) inimata. ¹¹ E gitou, e-engeli ari oroio a pupao ari kerira vau a karuvura ouka o te Kingi te gitou. E gitou e Ibru teia ire Abadon, ge gitou e Griki teia ire Apolion (Apolluon). ¹² Mago a mausaka ra ari kerira gari soko-o karuvu etsi. Ino! vamuria arei a mausaka ra irua gari tara rou. ¹³ E engeli ari sagaporo ita (6) o vai a biugeli teta ra, te Eau no a taro ita pepere kaviri oio a mai-iru ra alta ra goulu iva oio a nagure Pago oroio a komu ra goldeni ra alta o, ¹⁴ veivei are en geli ari sagaporo ita ari vaia biugeli o vera, "robe gitou e en geli ari iva oio pou oio a kapi robo ra oio a nanu kerira e Iufretisi so gara." ¹⁵ Te gitou en geli ari iva raragi ra rogo are, ataio are re, a revara are re e gitou go gara atsi tera ri ga viria gare ra ba ra ita re vararua. ¹⁶ Eau noa mapa re tau aro ra vaikue ra ari pou oata e eosio a detsi ra taoseni irua (200,000,000). ¹⁷ Eau ino e eosi nau oio a aino ino teaku te tau aro ari pou oata e eosi ga vasi nau a o: A gariau tegitou, mae a singirisi magegese, blu-u pakakea, kekeo. Autore eosi nau o mae a autore laioni o, ge oroioa are gitou a tutuvu ra avi tsi goga ra o. ¹⁸ A garere vararu a ra mautu itoru peo tsira atotsibo ari bunu itoru o: Mae a ave, au-u, me a watsi ra ari-i mae goga ra oio a are gitou. Arei ta arowa Eau inoao. ¹⁹ Ira vagagari re eosi nau o to oiro a are gitou tai oiroa kiu gitou- ira kiu gitou mae a pase o e gitou auto gitou te gitou igo bubunue vararua ira kiu gitou. ²⁰ Gitou e vararu a ari a totsibo bunu gamma biri peo e gitou, e gitou pou maurio te vararua ari gamma rimamisi, gitou gamma iri taro a tavovuro ra ti rotu tutavua karu bunu, a kanure Pago are gitou puia oio a aobu, a watsi, atotsibo nau ari gamma noino, gamma nono, gamma pepere, gamma tatuga. ²¹ Gitou e vararua arei tsi viri peo e gitou e vararu nau aro, ire gitou igo a posini, e gitou usi mua vagagari nau ari visau o, tera ri foroveri, pakaria totsibo te vararua. Ge gitou gamma vuro oio a tavaburo gitou.