1 Mate Eau ino rou e en geli ita tomia vagagari ra oroio a mautu ra maroka ra go mai goraro. Eia gomai oio a karu, ta gaunea oata oio a autora. A nagu ra mae a a-aro ge a va ara mae a vouvoru ra mae a vai o. 2 Eia sautore a tavara kirikesi ita bai gagano kope etsi oio a rima ra. Eia tau a vara are pirigata oio a mago ge a va ra are mauri o eia tau a oata tabu. 3 Mago te eia tara kerira kerira vau mae e laioni tatora o. Oio are eia tora o, gitou e karu ari sagaporo irua (7) pepere tomia tsirari gitou. 4 Oio are gitou a karu sagaporo irua pepere o, Eau vera ga keikesi, Aramari Eau no a pepere ra ita oro ata mautu ra Marokara veivei vera, "Tau a pepere ra te karu ari sagaporo irua veivei are oio a gabutara mu. Gamma kikesia sotaro." 5 Mago te Eau ino te engeli ari magiri a va ra ita oio a mago ita oata tabu ei tau a rimara so ata MAutu ra Marokara. 6 Eia vei sesere sesere matomo oio a aisare eari poumauri a karuvu ra ouka, me eari tau a Mautu ra Maro kara ma atotsibo kaka ra ari oio vora, a tabu ma totsibo kakara ari oio vora, mea mago o ma totsiboari oio vora, te en geli vei maei, "Tatou gamma gapou u-utu rou. 7 Aramori oio a togo are engeli ari sagaporo irua (7) vai a biugeli tetara, Ea ga vaigari parae a arowae Pago vera ga igo a tai a Pepere ra te PAgo ari taukovu ga gari sesere, mae are eia veivei a peperera ari neneki soio te taro ra aigogoru tetara e tau aro ra navo para ra o." 8 A goru are Eau no a oio a mautu ra Marokara pepere rou a gaku maei" "Goio abia tavara kirikesi ari kope oio a rimare engeli ari magiri oio a mago me a tavu." 9 Te Eau goio te engeli o tsi veia areia ge eia ga abia gaku a tavara kirikesi bai ari gagana o. Eia vei a gaku vera, "Abia tava ra kirikesi ei aria. Eia ga igo mamasi a tamusimu, aramori oio a aremu ea ga mamina emi vau mae a hanio." 10 Mate Eau abia tava ra kirikesi o oio a rimare engeli o te eau aria o. Ea mamina emi vau mae a hani o oioa are gu, aramori vamuria re eau ari a o, a tamusigu mama si. 11 Mago te eita vei a gaku, "Eme ga vano parara ea pepere ra soio te vararua komuko, maututu ra ba kakara, vararua ari a pepe rera abisau me Kingi nau o."