¹ Oio are Rature Sipsipi rube a kisitora are gitou kisitora irea tava ra peperera ari sagaporo irua (7) o, atsibo ita gamma oio o, a pepere ra ita tai gamma oroio gomai oio a mautu ra maroka ra, goio taba vau. ² Mate Eau ino te gitou e engeli ari sagaporo irua ari magiri muga te Pago, tomia biugeli ini mata sagaporo irua oio a ruma gitou. ³ Te engeli ari ita gomai, magiri agavi oio a alta o, Eia sautorea perete ra goulu terari ga vaigoio tomia kiraka te vararua te Pago oio a alta ari makaro a oio a purourou ra maroka ra o. ⁴ A turuvu ra perete ra goutuo -- Me a turuvura kiraka te vararu a te Pago -- ga tutuvu oio a rimare engeliso ata te Pago. ⁵ Te engeli abia avi ari oata alta o tsi tovoa soiroa perete ari a mari ara turuvu ta neneki. Te eia pigia avi o sotaro a tabuei, ta meimasi geigame, tari papaga, me a mau-utu rurugu to. ⁶ Mate gitou engeli ari sagaporo irua (7) sautore a biugeli ari sagaporo--irua o raragi tera ri vai a. ⁷ Engeli ari soko raragi vai a biugeli tetara, ta aiwa mae a aesi me a avi oiro a kasoso garitara. Ta avio paru sotaro a tabuei tsi turu gogo a ba ra ta buei a garera itoru, mea vau-uta nau ari kesai gogo tai tomia garera aowobu itoru gogo. ⁸ Te engeli ari vei vaka rua ra o, vaia biugeli teta ra, ta atsibo mae a mapaitsi kerira avi ao vora o gogara, tsi goio paru oio a mago_o. Ta gare ra ba ra mago itoru gari mae a kasoso, ⁹ te a gare ra atotsibo ari mauri oio a mago itoru peo, egitou e sipsipi tai a garera itoru pe o. ¹⁰ Mago engeli ari vei vaka toru ra o vai a biugeli teta ra, ta tsimugo kerira vau paru oroi oa nagi sotaro a, ka vau mae a mira ga ra totsio, o ata oio a gare ra ba ra nanu ita me a airopu nau o. ¹¹ Aisara tsimugo e Mamasi (Wormwood). Tsi paru o ata gare ra ba ra nanu ita, te vararua komuko peo ira mamu ari gari mamasi vau o. ¹² Tsio engeli ari vei vaka va ra o vaia biugeli teta ra, te eia surupepe a aro goio gari mae a vou voru ra itoru, mae tai a ataio ma tsimugo. Te gotou ga gari masori; A rogo ga masori, a rarogo ga masori, a a ro, a taio mea tsimugo gamma ga mamaga ea ga masori vau. ¹³ Eau ino, mago te Eau no e marusa veve oata ba ra nagi tatora veivei maei, go, go, go matomo ire vararua ari popou oio a tabu ei, oio arige gitou e engeli ari itoru sosoku o. Arige gitou ga vai a biugeli tegitou a mausaka ra ga gari oio te vararua."