¹ Vamuria arei Eau ino e engeli iva a o magiriri ita ita oio mairu iva ra tabuei, sautora vavagarivua rorovi ra mairu iva ra tabuei ge a rorovi ita gammaga vai oto a tabuei, aata mago, mea aowobu. ² Eau ino roue engeli ita oroio gomai oio a ba ra aro gigari vara, eari sautorea tava ra kirikesite Pago ari mauri ariogo kakara, Eia tara kerira tomia tsirari soio te engeli ari iva (4) abia vagagarira tera ri ga igo bunu o tabuei ma mago: Eia vei a gitou vera, ³ " Gamma igo bubunua tabuei, me a magoi, tomia aowobu nau ei kara oio a rige tatou ga tau a vurabo ra oio a autore tau aro ia aigogoru te PAgo. ⁴ Eau no ta mapare gitari ga vuroboe gitou o: ataoseni ra a aetsi ita varara irua-gegera iva (144,000) tsi ga vuroboe gitou oio te vararuara maratatsira kaka ra re Israeli: ⁵ A taoseni ita savuru gotaro irua (12,000) oroio a mara tatsira re Juda ge gitou vurovo tsia, a taosen ita savuru gotaro irua ga oroio a maratatsira ari te Rubeni, a taoseni ita savuru gotaro irua ga oroio a maratatsira ari te Gadi. ⁶ a taoseni ita savuru gotaro irua (12,000) ga oroio a mara tatsira te Aser, a taoseni ita savuru gotaro irua (12,000) ga oroio a maratatsina te Naftali, a taoseni ita savuru gotaro irua (12,000) ga oroio te Manase. ⁷ a taoseni ita savuru gotaro irua (12,000) ga oroio amara tatsira te Simioni, a taoseni ita savuru gotaro-irua ga oroio a maratatsira te Livai, a taoseni ita savuru gotaro irua ga oroio a maratatsira te Isikari, ⁸ a taoseni ita gotaro irua (12,000) ga orio a maratatsira te Sebuloni, a taoseni ita savuru gotaro irua ga oroio a maratatsira te Josepu, me ataoseni ita-savuru gotaro-irua orio a maratatsira ari te Bensameni o ge gitai vurobo tsi a. ⁹ Vamuria totsibo are re Eau vera ino maei, Eau ino e vararu a komuko vau gamma koramuria ri ge eita ga-ia--oroio a ba kakara, a marata tsira ita ita, avovo ari bisau bisau, mea pepere ra ari bisau bisau nau o --- magari oio a purou rou ra marokara muga oio te Rature Sipsipio. Gitou tova tovorobo ra ari pakakea marau rau ge gitou sautora nau a gaga ra ra ao bu ra bai bai. ¹⁰ te gitou titari tatora titomi tsi veivei maei: "Kokora ra te Pago te gatou, ari poupou oata purou rou ra maroka ra tomie rature Sipsipi!" E gira mori tsi abi ririvue tatou tera ri ga vaipou emi e tatou o. ¹¹ Gitou engeli kakara magiri poro gania purou rou ra marokara me muraruga nauo tomi a a totsibo ari mauri mae a taro, te gitou toturu muga oio a purou rou ra maro kara o. Gitou tsi rotu rorobo e Pago. ¹² veivei ver, "Sesere! Tatou ga momage, veisarea-aisara, eari a gabutara ra koko ra te tatou ga veineneki soio tetara, vaisare ra me a vagagari ra kerira vau ga goio te Pago arogo titomi oio a rogo kakara! "Sesere!" ¹³ Mago te eita oio te gitou e muraruga o tagie eau, "Erei tei, ari au tovo a tokoromo ra ari paka kea maraurau ei, te eme oroio a ba ari vei?" ¹⁴ Eau vei a areia, "Taro kerira, eme ge rovia," te eia veia gaku maei, "Gitarei te gitari oroio a mausaka ra ari kerira. Gitari vuia tokoromo ra tegitou gari maga ira kasoso re Rature Sipsipi o. ¹⁵ Tsimae, gitou magigiri ina muga oio a matare Pago, te gitou rotu tutavue eia oio a aro me a rogo kakara oio a ruma ra rubu robo ra. Ea ri pou oata purou ra maroka ra eia mori ga pou tomie gitou ga bomuimurie gitou. ¹⁶ Gitou gamma ga paura rou, ge gitou gamma ga marou rou. Ge a aro gamma ga paga e gitou, ga e gitou gamma ga gogo. ¹⁷ Ire Rature Sipsip ari pou kabiri oata purou ra maroka ra ga bomurie gitou, ge eia ga vaigoio e gitou soio a nanu ari te ra mauri, tai e Pago ga i i gareia mata sisari ra mata gitou."