¹ Mate Eau ino e Rature Sipsipi sautora ta tava ra kirikesi are gitou kisitoreao te eia kope a kirisi are gitou kistora soko ao, te Eau no e eia oio te a totsibo ari mauri maea taro iva o veivera, "Gomai!" ² Eau vera ino maei mago Eau ino e e osi ita pakakea. Taro ari pou oata vora o sautorea gara, eia tovo a kraoni tera vaikue ra oata autora. Eia gomai mae a taro ari mamuge a vaikuera terari muga oio a vaikue ra ga vagotaro a vagagari ra o. ³ Oio are Rature Sipsipirube a veivaka rua ra kisitora o, Eau ino a atsibo ari mauri mae a taro veivei maei, "Gomai!" ⁴ Mago ie eosi ita gogara--eia magegese vau. Ea ri ga va-asie eosi o, e gitou abia arei a avagagari ra tera ri ga vaigomai a temasi ra oio o tabuei, ge vararu a ga vaibiri ruvu ga biri peo e taro ita ita. ⁵ Oio are Rature Sipsipi ga pue rou a veivaka itoru ra tavara kirikesi are gitou kisitore a o, Eau no a tsibo ari mauri mae a taro aitoru ra o vei maei, "Gomai!" Te Eau ino te eosi parakuru, te taro ari ga va asie eosi o sautore a sikeri oio a rima ra. ⁶ Te Eau no a mae a taro ita pepere vanono a pepere ra kabiri to gitou a totsibo ari mauri mae a taro iva o, veivei maei, "Eme goio igo a aigogoru taume ga e vararua ga pou oio a rogo re kueberi. Ira mapa ra aigogoru are gitou igo a oio a rogo ita, ea ga koramurie gitou ga roto irea kabara keketu te ra witi, o kabara bai ari gagana tera bati mori. Aramori gamma igo bubunua a oeli me a waeni. ⁷ Oio are Rature Sipsipi pue ta veivaka iva-a ra tava ra kirikesi are gitou kisitore a o, Eau noa tsibo are mauri mae a taro vei maei, "Gomai!" ⁸ Eau ino maei Eau ino te eosi keke o. Taro ari ga vasie eosi aro aisa rae Pireo, te taro ari bomumuria mautu ra pireo tsirimurie eio. Gitou abia gira vagagarira tera ri muge vararua ra gare ra mautu ra tabu ei gegera itaoiro iva, ga vaiga ria airobe kerira tera ri ga biri peo nau e vararua, e gira ga bae vova nau o ga goio ara peo e vararua. ⁹ Are Rature Sipsipi kope a kisitora are gitou vivia oio a ai nimata (5) ra tutava ra kirikesi o, Eau ino sopo otaroa auruva ra alta o a vure re tauaro are gitou birie gitou ira vanono ia pepere ia te PAgo are gitou sautore a vano parara ea o. ¹⁰ A vure gitou tari kerira vau veivei maei, "Taro Kerira tera atotsibo kakara, eme maroka, te eme a sesere ra, Gaisa vau, ga e me veinatata e vararua ra tabu ei, tera ri koria kasoso mitou ire gitou?" ¹¹ Mago te gitou abia gitou ita ita a tovorobo ra ari pakakea marau rau vau o, te gitou veia gitou vere, mutou so maira bai pakisi mori goio kara ao a rogo are tau aro bunu ga biri peo e teitami mutou ro aigogoru tomi-teitari mutou, mae atou birie mutou ere, ire PAgo ge vurobo te gitou. ¹² Oio are Rature Sipsipi rube garei a kisitora are gitou sakitora ire a tavara kiri kesi ari saga poro ita (6) o, Eau ino rou soio te Eau ino a mau-utu. A rogo gari parakuru mae a mamuga ra paro ruria a, ge a taio ari viruruo gari mae a kasoso. ¹³ A tsimugo nau oata nagi paru sotaro a tabu, mae a aipu gomai ipua aobu ra figi ta sesera nau ari gamma momogo paru ira aipu. ¹⁴ A nagi tau ga karuvu mae are gitou vivi emia matsi o. Amapai tsi kakara tomia aelani nau o ga iritaroa ba are gitou oio vora o ga suku soio. ¹⁵ Mago e gitou e Kingi ra tabuei me vararua ari kokotae tauare are mamugae vararua ra vaikura me vararua o, e tauaro ari taokea totsiba komuko, me gitou e tauaro ari a vagagari ra tamie vararua kakara ari nau o, mae e gitari pou oiro a kapi robo ra o gitari pou bunau i, ga tauka vu oio a pupa o tomi oio a pepera babara oio a mapaitsi. ¹⁶ Egitou ga tora soio te a mapaitsi nau o me a weiwatsi o vera, "Mutou taukovue mitou! Oio a nagure taro ari poupou oio a purou rou ra marokara tamie Rature Sipsipi mea temasi ra tetara re. ¹⁷ Ira arago kerira tera temasira te gira oio aomai etsi. Erei ga magiri vavaga?"