¹ Mago Eau ino soio te taro ari pou oio a purourou ra maro ka ra oio a gare a re pirigata o, a tava ra kirikesi a kikesi ra oio vora muga vamuri, e gitou vaiviria a tavara kirikesi marau rau o saga poro irua, te gitou kisitora vavaga vau a oio a girisi ra kendeni. ² Eau ino e engeli ita a tatora pepere tomia vagagari ra veivei maei, "Taro erei tsi kokora terari ga koramuri vau ari ga rube garei a girisi ra kendeli ari e gitou kisitora vavaga ire a tava ra kiri kesi ere mago kope ire a. ³ Taro ita oio a mautu ra Marokara, o taro a tabuei, o oiro a auruva ra tabu gamma ga koramuri ari ruba a tavara kirikesi ari marau rau o ga koro garei a girisi ra kendeli o ga gi i a. ⁴ Eau tari ugogo matomo ire eita oio gamma kokora tera ri ga kope a tavara kirikesi ere ga gi ia. ⁵ Aramori eita oio te gitou e muraruga o veia gaku maei, "Eme umara titari. Me so No! E lai oni ra maratatsira re Juda, eia Avu-u ra maratatsira ari te tutubure Devitsi, goio a vaikue ra, eia muga oio a vaikue ra tsi mae eia a vagagari ra tera ri rube garei a Tava ra kirikesa ra are gitou saki tore a saga poro irua oio a girisira kendeli e re." ⁶ Te Eau inoe rature sipsipi ita magiri kabiri oio a purou rou ra maroka ra o tomi e gitou e atotsibo ari iva-a mauri mae a taro me gitou e muraruga o. Ea ino mae gitou biri te eia. Eia a komu ra oio a-autora sagaporo-iru (7), me a mata ra tai sagaporo-irua, are a karuru te Pago go gara ira oio a ba kakara oio a tabu ei. ⁷ Te eia goio tsi abi garei a tavara kirikesi oio te taro ari popau kabiri oio a purourou ra maro ka ra oio a rima ra e pirigata are gitou kisitora vavaga vau a o. ⁸ Oio are eia abi garei a tavara kirikesi maraurau o, e gitou a totsibo ari mauri mae a taro iva o, me muraruga ari varara ita gotaro iva o (24) toturu muga oio te rature Sipsipio. Gitou kaka ra a disi vinu karu, ea tsi mae a kiraka te vararu a te Page. ⁹ Gitou bau a birau ari araba maei: "Eme a vagagari ra kerira vau maka roa tera ri abia tava ra kirikesi are gitou saki tora vavage a re ga ruba a. Ire gitou birie eme e, ta kasoso mu mori abi rivue vararua kakara te Pago oio a maratatsira ari tera mautu kerira ari mae a vovo gitou bisau nau, a pepere ra bisau nau, vararua tomi a mautu ra ba kaka ra. ¹⁰ Eme igo e gitou gari keriria mae pristi te Pago, ga e gitou ga gari mae kingi tera ri bomurie vararua kaka ra te ra tabue i. ¹¹ Mago Eau ino rou, te Eau no a tsirari re engeli komuko vau poro gigania purou rou ra maroka ra me atotsibo ari mauri mae a taro tomie muraruga o. Gitou matomo vau, a potura, a potura, a poture engeli, taoseni vau. ¹² Gitou tatora kerira veivei maei, "Rature Sipsipi ari makaro a, rawaira e gitou biri peo eia tera ri abia vagagari ra, abia aisa, a babutara ra koko ra. Me a vagagari ra ari kerira, Ea re vararua kaka ra ga togoe eia terari veisare a aisa ra, tomia miraga ra kokora ra, te ra ri vei neneki soio teta ra." ¹³ Eau noa atotsibo kakara air mauri oiroa mautura maroka ra ari oio a tabu ei me ari nau otaro a auruva ra tabu ei, oio a mago -- kakara vau -- veivei maei, "Aisa kerira, a momoge ra me a vagagari ra ga te eari poupou oio a matu ra maroka ra tomi Rature Siosipi a rogo kakara a tapasi ra a karuvura ouka." ¹⁴ Te gitou a totsibo ari mauri mae a taro iva o vera, "Sesere!" ge gitou e muraruga o a toturu sotaro ga rurubu robo tutavu te eari ga pou mauri a tapasi ra, a karuvu ra ouka.