¹ Vamuria totsia aro, Eau ino e engeli ita rou oro ata mautu ra maroka ra gotaro. Eia a vagagari ra kerira, ge a tabu ei ga pou matagaga ira oio a to koromo ra teta. ² Ea tora kerira tomia vagagarira veivei maei, "A mautu kerira e Babiloni ea bunu etsi! Ea gari tsi mae a mautu te gitou a karu ru ari bunu, a maru nau ari bunu, me a tavavuro nau ari bunu o to oio vora. ³ Te vararua kakara igo a tavovuro ra toraveri ra, niu a waeni ari mamasi tomie eia. Te gitou e vararua ra tabu ei gari kokora vau, abi emi a watsi ira vagagari ra tavovuro bunuteta ra." ⁴ Mago te Eau no-o goru re eita oroio a mautu ra marokara veivei maei, "Vararua teaku, Gogara eretaro a mautu a rere. Souka e mutou tai ga abia mapa ari bunu vamuri oio a tavovuro teta ra ari bunu e re. ⁵ Tavovuro bunu teta ra o kusi kerira vau goata oio a mautu ra maroka ra. Te e Pago oio gabutara emi vau a tavovuro ari bunu tetara o. ⁶ Mutou ga gabutare a tavovuro are a tasema o igo a, emutou kori rivua a tavovuro ari tetara o mae are eia igoa o soio teta ra. A tavovuro bunu are eia igo a o e mutou ga kori rivua ari bunu soio tetara mae moria re eia igoa o. ⁷ Eia aiabia aisa kerira oio a tavovuro ra toroverira me a tavovuro nau ari gamma kokorae vararua ioigoa o. Tsi mae mutou ga abia a reia mausaka ra ari kerira vau ira tavovuro bunu eiaioigo a o. Mutou ga igo tari ugogo matomo e eia. Ire eia vei totomu oiroa tsia ra vere, "Eau pou mae kuini; Eau gamma mae a tasema are eura ra peo to, ge Eau-gamma ga ugogo ra tsirari." ⁸ Tsi mae oiroa rogo ra ita ga tavovuro teta ra ari bunue re ga vai garia vavua ra: a pire o, a mausakara kerira vau, me a pau ra ra kerira, tomia airobe paipai ga garitavue eia vararua ga pou airoa augogo ra me a tsirari kerira. ⁹ Gitou e kingi ra tabu ari ioigoa tavovuro ra toroveri tomie eia tsitsiria masaga ra teta ra ioigoa tavovuro nau ari bunu o ga ino a turuvura avi ari turugogo e eia o, e gitou ga tari ugogo ga e gitou ga temasi. ¹⁰ Gitou ga ino a tsivura ra mausaka ra are eia abia o, e gitou ga mauau, ga magiri abua, ga veivei vera, "Gogo, gogo vau ire eme a mautu kerira, e 'Babiloni, a mautu ari a vagagari ra oio tetara! Oio moria au a ra matara aro ita a mapa ra tavovuro bunu taume garitavu te eme." ¹¹ Te gitou bisinis mani ra ba kakara te ra tabu ei ga gabutara matomo e Babiloni, ge titou ga tari ugogo re iea ga pou tomia temasi ra. Ire a taro ita, gamma ga roto roua kukako te gitou o-- ¹² a kukako te gitou ta goulu siriva, weiwatsi ari neneki vau ma a gapo ari a pama ra oata vau, airarava ari neneki pakake a o tomia airarava ari magegese me a airarava ari siriga, aowobu nau ari manisini, ma totsibo nau are gitou igoa ioia Togore elefenti tomia aowovu ari a mapa ra oata matomo me a watsi ari e gitou ago emi a o. ¹³ Tai e gitou a kukako sari rou oio, mae a kimagi ra airari me a paura tera ri vaigaria maria ta atsibo koko ra, a waeni, a airisi ari manisini emi. Tai e gitou a kukako sari oio mae, e osi a karisi tomi tauaro ra aigogoru ari bunu. ¹⁴ Ta airari are e mutou masasaga tomia vagagari kakara oio taume re karuvu to oio taume. A totsibo kakara ari a mapa ra oata matome tomia tokoromo ra ari kokorao karuvu etsi, eme gamma ga abi rou a. ¹⁵ E gitou e bisnis mani ra a totsibo nau are re ari gari emi ire eia ga eretaroe eia ga pou abua oio tetara ire gitou ga mataua mausaka ra ari bunu gari tavue eia o, gitou ga tari ugogo matomo. ¹⁶ Gitou ga vera, "Go, go ira mautu kerira ari tokotomo ei emi ira tovorobo ra ari neneki tatoa, me a airarava ari magegese, tai eia tovorobo tatao a vovora ira goulu me a watsi are e gitou ago emia o tomia a gapo ari a mapa ra oata vau o. ¹⁷ Tsi oio moria matara aro oito a aua ita mori ta tokoromo ra nnekio, a watsi me a totsibo-koko ra o tsi vaore bura to." E kepteni re sipi kaka ra , e vararua kakara ari pagaga oiroe sipio, e gitou e boskukuru kaka ra me vararua kaka ra ari igo gou go ru a aigo goru ra bisnisi te gitou oata ata ra mago oiro e sipio ga pou abua oio e Babiloni. ¹⁸ Gitou ga ino a turuvu ra avi turu gogo a mautu kerira o te gitou kukaku tsi tatora veivei vere, "A mautu ari mavei tou ga pou mae a mautu ari kerira e avi turu go go ta o?" ¹⁹ Gitou kukavua nounagu gitou ra boburo, te gitou tatora, tsi tari ugogo to. "Gogo, gogo baini ra mauru ari kerirae e sipi ari bore eiemi e vararua oata ata ra mago goio goimai e gitou gari emi o." Tsi oio moria aua ita gogo o to. ²⁰ Mutou e vararue te Pago, e tauaro ra vano para e mutou ga momoge ira atsibo ari garitara oio a mautu kerira o. Ire Pago tsi vaigari ta te masi ra vamatata ra tetarao oio a mautu o. ²¹ Te engeli ari a vagagari ra tatomo vau o abia a watsi ita mae are gitou gitou mililimu ira witio kumua soio a mago tsi veivei vera, Oiro a garu ari maei, ge Babiloni ari a mautu kerirao, ga e gitou veri rokea ga ruru gogo a ge tatou gamma ga ino rou a. ²² Arowa tsirari ra a gita, a mabu, a bei, a pisusu me a biugeli, a vararua gamma ga no o rou a oroio taume e. Tauaro ari ioigoa a totsibo ari maere, gae mitou gamma ino rou a oio taume-e. A tsirari ra miusiki ari tari kokora emitou nono a oroio taume-o ge mitou gamma ga no-o rou a. ²³ A miragara ra a ramo gamma ga kakarirou oiro taume. Tai a pepere ra taurai ra te a tasema ra raragi ra taurai ra gamma ga garitara rou, gitou e vararua arigaritara emi ire eme o ga gari tsi mae a tau aro bunu o. ²⁴ Ira oiro taume e vararua biri peo e tauaro ra vano parara arame vararua te Pago ari poupou titomie eme o e gitou biri tai e gitou oio a tabuei, Tsi mae e PAgo ino a te eia turu gogo a o.