¹ Vamuria a totsibo bau ari garitarai Eau no ta tsirarira a totsibo sari tari mae vararu a kukaku oio a mautu ra maroka ra o veivei vera, "Aleluia! Kokorara, miraga ra, mea vagagari ra ga te Pago. ² A vaimatata ra teta ra ea sesere matata vau mori, ire ea ge veimatata ta toroveri ra ari kerira vau vaigaria bunu ra oio a tabu tomia tavovuro ra toroveri ra teta rao. Eia biri peo e vararua ra aigogoru tetara oio a rimara." ³ Gitou vaivakarue a pepere ra te gitou maei: "Aleluia! Avi ga turu gogo a o a tapasi ra mea karuvu ra auka. ⁴ Ge muraruga ari savuru gotaro irua o me tau aro ari iva a maea maru o toturu sotaro ga rotu tavue Pago, ari poupou aota purourou ari neneki. Te gitou veivei vera, "Sesere. Aleluia!" ⁵ Mago ta pepere ra ita oroio a purourou ari neneki o gogara veivei maei, "Vaisare Pago te gatou, tomie mutou e vararu a ta aigogoru teta ra, me mutou ari matau e eia o, eari gamma kokora e gitou tauaro ari kokora taokea vagagari ra o." ⁶ Maga te Eau no-o vararua pepere, a pepere ra te gitou o, a tsirari ra mae a nanu, mea meimasi tari papaga, veivei maei, "Aleluia! Ire eia Taro Kerira ari a karuvura me a tapasi ra oika, e Pago te gatou ari voru ra vagagari ra. ⁷ Tatou ga magiri soatoto tomi momoge ga vaisare a aisara! Ire e Rature sipsipi te Pago e tsirara oio raragie eia mae a taro raragi ra taurai ra ga vaigomai e eia. Eia oio raragi etsi. ⁸ Eia e gitou vei a areia ga vai tokoromo e eia ra tovorobo ra ari siriga pakakea vau o" (ira tovorobora ari siriga tatoa tsi mae vararua ari makaro a te Pago). ⁹ Te engeli veia gaku maei, "lelesia arei: Vaibarava ra ga te gitou e vararua ari ga goio gari tara oio a airari ra taurai ra te Sipsipio." Eia vei tai a gaku maei, "Arei a pepere ra ari sesere te Pago." ¹⁰ Te Eau toturu muga oio a va-ara te ra ri rotu tavu e eia, aramori eia vei a gaku vera, "Gamma ioigo mae re! Eau a taro ra aigogoru mae more eme ere tomie teitamimu ari sautora vavagea vanono re Iesu ta karuru ra vano para ra to." ¹¹ Mago te Eau ino a mautu neneki o kope, te Eau vera ga ino maei mago te Eau ino e e osi ita oio oo, pakakea. Taro ari pou oata vora ga vasia o, eia Taro ra tautau rairo me a sesere ra. Ea ga gomai tomia vaikue ra kokora te ra ri veimatata e vararua ga tsitsiria tavovuro ari neneki. ¹² A mata ra magegese maea avi kakari o, ge oata autora arova atsi te kingi komuko vau. Ge aisa are gitou kikesia oata tetara o eita gamma rovia, eia mori tsi rovia o. ¹³ A tovorobo ra are e gitou tovorobo ire eia o voru vau ra kasoso, te gitou teia aisara vera pepere ra te Pago. ¹⁴ Gitou e vararua ra vaikue ra oroio a mautu ra neneki ra ga tsirimurie eia oio e osi pakake a, gitou ga tokoromo ra tovorobo ra ari siriga pakake a o. ¹⁵ A baenatsi mata a vau oio a arera ga gogara sosoko terari biri e vararua ra ba ra tabu ei, ge eia ga muga e vararua ra remusu ari maea aenio. Eia ga toataru e ruratura waeni ra watsi ari tauara vau ira a watsi o ta temasi ra te Pago. ¹⁶ Oio a tovorobo ra tetara maraurau o me a sorira e gitou kikesia aisara e: "Kingi re kingi kakara me Taro Kerira te murarugakaka ra." ¹⁷ Mate Eau ino e engeli ita magigiri oiro a aro. Eia tatora te a amaru nau ari veve oata aba-ai vera, "Gomai, vaikapopo tomi ira airari kerira te Pago. ¹⁸ Gomai aria vovore kingi nau ei, a vovore muraruga ra vaikue ra, a vovore tau aro ra taukara me a vovore e osi tomei vavara ari va-ai a sia o me vararua kaka ra ari igo gougoru tomia ari pou bunau nau o, me tauaro ari gamma kokora me gitari abia vagagari ra o." ¹⁹ Mago te Eau ino e taro mae vova o me kingi tomie tauaro ra vaikue ra te gitou. Gitou oio veikapopo te rari ga goio vaikue tomie ta-aro ari vasie e osi teta ra o tomie tau aro ra vaikue ra teta ra. ²⁰ E gitou kisitorea a taro mae vova o oio a ruma ra kapirobo tomie gitou e tauaro ra vano para ra a kogonora pepere ra ari veigeigaria atotosibo garitata ra oiro rivua vagagari ra. Tomia vagagarira aro eia biri peo e gitou e vararua ari abia mapare taro e wowa o me vararua ari rubu rorobo a kanura are gitou puia oio a aobu o. Te gitou pigie gira irua mauyuri sotaro a pupoa ra awatsi ra salfa ari kakari mae a awatsi ra a ari o. ²¹ Gitou kakarao peo ira baenatsi mori ari mata a gogara oio a arere taro ari vasie e osio. Ta amaru nau ga aria vovo gitou.