¹ Eita oio te gitou e engeli ari sagaporo irua (7) sautatore a boulu nau o gomai vei a gaku maei, "Gomai Eau ga vainoe eme ira tasema ari ioigoa tavovura ari bunu poupou oio a nanu kerira o, eia ga abia mausaka ra oio vora, ² tomi kingi ra tabu ari ioigoa tavovuro ari bunu tomie a tasema o. Me vararua kakara tera tabu ari ioigoa tavovuro bunu tomia tasema o, e gitou ga pawawa, mae gitoue vararua ari niuniu a biao." ³ Mago te engeli bore Eau oiro a karuru soio toio a ba bunau are aowobu oio vora auka o, te Eau ino a auru a tesema poupou oata te e taro e vova ari magegese bore a aisa ari komuko vau o. A taroe vovao autora ini--mata-sagaporo irua (7) ge a komura savuru (10). ⁴ A tasema o tokoromo ira tokoromo ra ari pepoli tomia tokoromo ra ari bisau e gitou igou igoa oio a goulu mea a watsi ari neneki vau tomia a gapo ari e gitou igoa bisau vau o. Eia sautorea kapu ra goulu voru ira tavovuro ari gamma kokora te a tasema o oio a rima ra. ⁵ Oata autora tasema o, e gitou kikesia aisara. Aisa aro pe-e pere ira tsirovora, ge aisa o e "Babiloni, e tsisrare tasasema kaka ra tera toroveri ra me a tavovuro nau bunu tera magasai. ⁶ Mate Eau ino tsi mae atasemao biri peo vau te vararua te Pago ari tautau rairo ire Iesu me tauaro ari vano parara ea aisara o. Te Eau ino a Tasema o niu a kasoso re tau aro are eia biri peo nau e gitou o te eia gari pawawa mae eia niu o. Eau ino a maeo, Eau saki te-Eau gabutara pai. ⁷ Aramori engeli veia gaku maei, "Mavei te eme saki?" Eau ga rube matagaga emia aumea geremuimuri re a tasema o me atsibo ari mae ataro autora sagaporo irua ma komu ta savuru ari boborea tasema o. ⁸ Atsibo bunu mae a taro eme ino a o, ea ga garitara, ea gamma ga garitara igo ei, eaga garitara vamurio. Ge ea ga vaigaria mausaka ra ari kerira vau oio te vararua ra tabuei tomie tauaro ari aisa gitou gamma oio a tava ra kirikesi ra maurira oio a rogo ari mae e Pago so gamma tau a tabuei, e gitou tsiga inoa tsibo ari mae vova o ga e gitou saki. Ira rawaira o to eia oio o, ge igoei, eia gamma oiei, gevamuri ea ga garitara. ⁹ Taro ari a gabutara ra kokora ea ga malagagga ira atsibo ari autora sagaporo iura vaigari rou a mapaitsi ari sagaporo irua o. Tomia tasema ari poupou oata mapaitsio. ¹⁰ Ge auto ari sagaporo irua o vurobo e kingi sagaporo irua. Inimata bunu etsi, ge ita mori to oio o, ge ari ita o so gama gari kingi sosoku. Arige ea ga gari, ea ga pou bakisi mori. ¹¹ Atsibo ari mae a taro e wowa ari pou rawairao to, ge igoei eia gamma oiei, ea te kingi ari sagaporo itoru o rao. Aramori eia aeri te kingi ari sagaporo irua o. Ea gamma ga muga tai. ¹² A komu ari savuru eme ino a o te gitou e kingi ari savuru so gamma abia aisa te ra ri gari mae kingi ge aramori oio a mata ra aro ita goio irua e gitou ga abia vagagari ra mae kingi oroio te a tsibo mae a taro e wowa o_ga igo gougoru tomie eia. ¹³ E gitou ga a gabutara gitou ga ita mori, ga e gitou taua vagagari ra me a gabutara ra tegitou kakara soio te atsibo mae a taro e wowa o. ¹⁴ Gitou ga vaikue tomie Rature Sipsipi ge Rature Sipsipi ga vagotaro e gitou. Ire eia a Taro kerira oio te eururu kakara, Tai eia e kingi te kingi kakara me vararua ari oio tomi eia o, te vararua tetara taie gitou tsitsiri a masaga ra te PAgo. ¹⁵ Te engeli vei totomu a gaku vera, "A nanu are eme ino e tasema nau ra tavovuro ra toroverira pou oata vora o, ea makimue vararua ra ba kaka ra ari a vovo gitou me a pepere ra nau ari bisau bisau nau o ga gomai vaikapopo. ¹⁶ Ge a komu ari savuru eme ino a --- e gitou me atsibo ari mae a taro e wowao ga igo bunue tasema ra toroveri ra. E gitou ga turu gogo e eia oio a avi ge gitou ga aria mairira vovo ra o. ¹⁷ Ite Pago mori ge taua vagagarira aro oiro a tsia re kingi nau o te eia abia gitou a vagagarira tera ri vaigari para ea arowa e Pago pepere ira rawaira o._ga gari para. ¹⁸ Ge a tasema are eme ino a o tsi makimu a mautu kerira ari abia vagagari ra te ra ri ga bomuri e kingi kakara tera tabu ei."