¹ Mate Eau no a goru re eita tora kerira oroio a ruma ra kiraka o veivei soio te engeli ini-mata sagaporo irua (7) o vera, "Goio sigitaro a boulu ta remasi ra te Pago re soraro a magasa." ² Engeli ari soko goio tsi sigitaroa boulu teta ra sotaro a magasa; ta kakari nau ari paipai bunu vau nau a tsivura ra matomo garitara oio a vov re vararua ari abia mapa re kanina o, e gitou ari tai rotu tutavua kanu ra o. ³ Engeli are vaivaka rua aao sigitaro boulu tetara oata a-mago. A mago gari kasoso mae a kasoso re taro ari peo to. ⁴ Mago te engeli ari vaka-toru a sigitaroa boulu teta ra soiro a nounu mea pupuru baini a ri gagana nau o te gitou gari mae a kasoso. ⁵ Te Eau no-o engeli ra nanu vei vere, "Eme Makaro a -eme mori me eme vau, tsi Ita mori ari Maroka o- ire eme vaimatata ea a totsibo arei. ⁶ Ire gitou sigitaro a kasoso re vararua te Pago ari makoka me tau aro ra vano para ra, eme tsi abia gitou a kasoso te ra ti niu a; arere ta arowa e gitou ga igo a." ⁷ Eau no-o ta alta koria pepere ra maei, "I-ino Taro Kerira e Pago ari a vagagari ra, a vaimatata ra taume eia sesere makaro a." ⁸ Mago engeli ari vaka iva rao sigitaro a boulu tetara oata a-aro, tsi abia re aro o a vagagarira avi tecasi ga pago vere vararua mae a airagi ra avi o. ⁹ Airagi ra avira aro aro ea matomo tsi mae aro vera paga o, eia turugogo e vararua. Te gitou gogiro ta re Pago ari avu ra mausaka ra arei. Tai e gitou gamma vera ga rimamisi ga poke taro a tavovuro ari nau bunuo o. ¹⁰ Mago te engeli ari vei vaka nimara o (5) sigi taro a boulu teta ra oata purou rou ra te e vova o, ta masori garitara oio te vararua kakara ari tetara o. Te gitou kara tsirsiria tabere gitou ira tsivuraa ra mausaka ra ariabie gitou o. ¹¹ Gitou giro bunu vau ar Pago ra mautu ra marokara ira maukaka ra ari mae gitou abia oio a vovo gitou, tai e gitou gamma rimamisi ga poke taro a tavovuro bunu. ¹² Te vainimata re sagaporo ita (6) re engeli sigitaro a boulu teta ra soiro a nanu kerira, e Iufretis. Ta nanu o masaga vau, tera ri raragia garu te e Kingi nau ari go oroi o gomai oio a ba ra aro gi gari o. ¹³ Mate Eau ino ta karuru bunu itoru mae a rokoroko itoru gogara to oio a arere dregoni, oio a arere vovao mea arere tauaro ra vano-gogono ra. ¹⁴ Gitou a karuru bunu ari vaigeigaria mirikeli. Te gitou goio te Kingi kaka ra tera tabu ei tera ri ga igoe kingi kakara ga vaikapopo e vararua ra vaikue ra, te ra ri veigaria vaikue ra oio a rogo ra vaimatata ra te Pago ari Abia Vagagari ra Kakara o. ¹⁵ ("Ino! Eau ga gomai mae a taro ra pakari ra! Maurira mea vaibarava ra ga te eari pou noino o. Pou tovororobo e eia ira tovorobo ra tetara tuga raurau gamma maera ira tovorobo ra o.") ¹⁶ Mago ta karuru bunu nau o vaikapopo te Kingi kakara oio a a ba aro, are gitou e Iburu teia re Amagedon. ¹⁷ Mago re en geli ari inimata sagaporo-irua o sigi taro a boulu teta ra soio a ba bunau ao a nagi Mata a goru re eia pepere kerira vau oroio a ruma ra kiraka mea purourou ra o, veivei maei, "Ea garita ra atsi!" ¹⁸ A mautu vera rugu, meimasi vera karamea, a ma autu kerira vau-mau-utu aro eakerira vau oio a mau-utu ari rugu sosoko oio a rogo are vararu a poupou oio a tabu o. ¹⁹ A ma-utu kerirao suru pepe a soio a a ba itoru, te vararua ra maututu kakara o pe o. Mago te Pago gabutara ta tavovuro ari bunu te vararua re Babiloni, te eia vainiue gitou ra kapu ra waeni ra temasi ra kerira te Pago. ²⁰ Ta aoru kaka ra karuvu bunau, ta mapaitsi nau gamma garitara rou. ²¹ Ta aiwa kerira vau, a mausaka ra mae a watsio, oro ata oio a nagi paru tarue vararua. e gitou gogiro ta re Pago ire Eia ba e a aiwa ri mae a watsio gotaro igo bunue gitou.