¹ Ea neneki ire fatou ga umara pepere ira pepere ra te Kraisti mae ari rawaira o oio mori a murira ita a e tatou ga suku tsi soata ga matua fo ioa aigogoru ra pepere ra te Kraisti. Arige tatou oio so tsirsiria tavovuro ari ravai rao e tatou oio so oio a siroko ra pireo me a tataurairo te Pago, ² gamma a siroko ra vaimarira vurui, oio a tavovuro ari tautau a rim a oata te tau aro, mea apuritsi ra te vararu a ari peo to. ³ Tatou ga igo tavovuro ari mae re arige Pago vei a. ⁴ Ire ea gamma ga koramuri vau ire-vararua ari pou to oio a mamaga ra te Pago, e Pago abia areia airova oroio a mautu ra maroka ra te eia igogougoru ioi a vagagari ra Karuru Tabu, eia rovia aigogoru ra Karuru Tabu, ⁵ eari vano para ra ea pepere ra te Pago voru ira vagagari ra Karuru Tabu. ⁶ Aramori pirivu tavua tavovuro bunu-ea gamma koramuri vau ire tatou ga abi rivue gitou soio a garu ra rimamisi ra. Arere e gitou birie Rature Pago ira tavovuro gitou, te e gitou igo mae ra e eia mata re vararua. ⁷ Vaka usu aiwa pupu-u a tabu niniua aiwa o terari vaikusi emi a airari te vararuaari igoa vauma oio a tabu a ro - a tabu a ro e Pago vaibarawe a. ⁸ Aramori arige a tabu ga vaikusia mamota me a vau-uta nau, a tabu gamma kokora. Gamma taba e Pago ga turu gogo a. ⁹ Aramori e mirou ga vei totomua mutou mae e mutou gamma ga abia mausaka ra air mae re. Ouka, e Pago ga su-urie mutou. ¹⁰ Ire Pago gamma taro bunu. Eia gamma ga vautaro a aigogotu me a gitogo are mutou ioigo a tera ri su-uri e vararua te ta ra, mae are mutou oiei ioigo re. ¹¹ Mitou a masagara keirira vau vere mutou ita ita igo gougoru tera ri sautora vavage a tautau rairo ra tamutou, tera ri pautari a a rogo ari mae e Iesu ga vaipou emi e tatou. ¹² Te mutou umara sinau ra aigogoru, aramori e mutou ga tsirimuria tavovuro te tau aro ari tautau rairo te gitou gamma siunau suibui, te gitou abi ira arowa e PAgo veivei a rawaira o te ra ri abia re ruratu ra o . ¹³ Ira mae oio a rogo are PAgo veia peperera tomi a Abramu mae a taro ita gamma kerira oio te PAgo, e Pago mori ta aisa ra kerira o. ¹⁴ Eia vere, "Eau ga vaibarava e me ga vaikusi e tutubumu." ¹⁵ Oiro a garu ari maei, Abramu ino a arova e Pago vei ira areia vamuna aigogoru ra tautau rairo ra teta ra. Ea gamma sinau ra aigogoru te Pago. ¹⁶ Ira ri ge taro ita ga vei sesere oio te aisare taro ita, a taro aro auru matomo ea kerira oata te gitou kakara. Ge ari ge a taro ita bunau pepere veivei vera sesere, eia va rorobo a tavovuro ra ge vararu a gamma ga pepere ire eia. ¹⁷ Oio a rogo are Pago vera ga vei sesere are Abramu vere Eau ga vaubarava e tutubu, te Eau gamma ga vuro a gabuta ragu, te Pago vei sesere matomo oiro a aisara. ¹⁸ Eia vei seserea pepere ra iru a te eia gamma ga vura a gabuta ra ra - te e Pago gamma ga kogono - e tatou, e tauaro ari ere oio a tavovuro bunu goio taukovu ataroa auruvare PAgo, tatou ga sautora toutomu a tautaurairo ra masaga ra te gatou tera arova e Pago vei sesere a ge tatou ga abia vamuri o. ¹⁹ A masaga ra ari omai te gatou ei ga mae a engka ra mauri gatou, a masagara ari ga goiro a ba ra mautu ra marokara, ²⁰ ari mae e Iesu, goiro soko oio vora, eia abia muri gatou tsi goiro a ba ra mautu aro. Eia pou mae e pristi ita kerira vamuria vaibomuti ta te Melkisedek.