¹ Ea reie Melkisedek, e kini re Salem, eia e pristi te Pago, oio are e Abramu tatuga piririvu ioi a vaiku e ra teta ra eia bibiri e gitou e kingio, e Melkisedeki vapoge eia te eia vaibarava e eia o. ² Te e Abramu abia a tsibo ita ita oio a totsibo kaka ra ari. mae eia abia oio vora o. Eia so, vuro soko a masova ra asia ta mae, "Kingi ra tavovuro nenevi." tai eia e "Kingi re Salem," ea ma, "Kingi ra tsia magogora." ³ Eia e tamara ouka, e tsirara ouka, e tutubu ra ouka, tomia siroko ra rogo a re tsira ra pigo re me a karuvu ra rogo ari ge eia ga peo ouka. Eia ga poumae e Rature Pago, eia ga pou mae prisiti a rogo kaka ra. ⁴ Ina a taro ari kerira ma ei eari e tubu gatou avu e Abramu vapoge eia mago rove a arei atsibo ita ita aia a tatsibo are eia abia oio a ba savuru are eia goio vaikokue oio vora o. ⁵ Gitou e rurature tutubu re Livai ari igo gougoru a- aigogoru re pristi me tau aro ra vaimatata ra vei ma ei, gitou ga abia atsibo ita oio ari savuru oio te vararua, mae ari, oroio te tatu ara me teita ri ra o, mae regitou, tai are tutubu re e Abramu. ⁶ Aramori e Melkisedek, ari abia taitsi ita, oro io te Abramu are e Pago tau a mata oroio teta ra, o gamma garita ra oroio a maraatatsira te Livai. ⁷ Tatou ga rovi mae a taro ari vaibarava e taro ita eia kerira oio te eari abia vaibarava rao, ge taro ari abia vaiba rava rao ga pou otaro oio te eari abia rei a o. ⁸ Oiro a ba ra arei, rawaira o a tenti e gitou e pristiga aiabia oio te gitou e tauaro ari peo to, ge igo ei, oio a rogo te Melkisedek, eia ga abia tenti oio te vararua ari mauri ei mae a pepere ra veiao. ⁹ Tsimae, tatou ga vere, arige e Abramu ga pigia tenti o, e Livai ari abia tenti o, ga pigi taia mae Abramu o, ¹⁰ Ire Livai ge oio ouka oio a rogo are Melkisedeki- vapoge, Abramu aramori iea ge oio a vovore tubura e Abramu. ¹¹ Rawaira a vaimatata ra vei maei, e gitou e Livai ga igo a aigogoru mae prisiti, ge arige a aigogoru re re pristi e gitou e Livai igo a gari emi, mavei te Pago ga vei rou e pristi ita ga igogo ru rou, ea tomi mori mai Melkisedek, ge ea gamma mai Aroni? ¹² Ira oio a rogo ariga aeri te pristi aigogoru te gitou ga vuro, a maimatata ra tai ga vuro. ¹³ Ire eari pou mai pristi a rogo kakara o eia tera maratatsira ari bisau vau, ge oio a maratatsira ari tetarai, eita gamma igo a aigogoru mae pristio ouka. ¹⁴ Te tatou ga rovia mae a taro kerira te gatou e tsirara pigo e eia, eia tera maratatsira re Juda, te Mosesei gamma tau ire taro ita ga gari mae pristi. ¹⁵ Arowa e mitou veia ea ge mataga mori ire pristi ari so gigari ei re eia igo gou goru mae Melkisedek. ¹⁶ Taro ari gari mai pristi, gamma oio a vaimatata ra vovo, aramori oio a vagagarira mauri te Iesu e pristi. ¹⁷ Ire Pago veia gatou ire eia vere: "Eme pristi ari pou arogo kakaramae Melkisedek io." ¹⁸ A pepere ra arei vei a gatou ra vaimatata ra ari rawaira o ge karuvu etsi e pago abi garei tsia ira vaimatata ra aro a vagagarira ouka tai ea gamma ga su-uri e tatou- ¹⁹ ira vaimatata ra aro gamma kokora te ra ri ga vaigaria sesere ra tsi mae e Pago abia gatou a vaimatata ra ari oio te Iesu te rari vaigoio e tatou soio agavi te Pago. ²⁰ Are re e Pago gamma vurobo bunau e Iesu! Eia vei sesere oata te Iesu gari mae pristi o. Ge vararu a ari nauo ge gari bunau mae pristi, ²¹ aramori eia gari mai pristi ire Pago vei sesereoata ge e Iesu ga pou mae pristi arogo kakara, "Are Taro Kerira vei a o eia gamma ga vuroa gabuta ra ra mae: Eme e pristi ari ga pou mori mai o." ^{22 23} Ira rawaira e vararua e vararu a komuko vau gari mae pristi, ge e gitou gamma poumauri e gitou peo tsi. ²⁴ Aramori ma e are Iesu oio pou mori ma e o, eita gamma ga korie eia, eia te pristi to. ²⁵ Te ra ri ga su-urie ga abi rivue gitou soio te Pago oio a aisara, ire eia tsi kaka tutavue tatou ge Pago ga suri - ire tatou. ²⁶ Ire e pristi are re eia maroka, gamma ioigoa tavovuro bunu, eia tsitsiri a masagara te PAgo, te Pago taue eia oata mautu ra maroka ra abua oio te vararu a ra tavovuro bunu. ²⁷ Eia gamma mai, pristi ari rawairao ga goio ioigoa aopa oio a rogo kaka ra, tera ri ga igo soko a aopa teta ra maga te vararua atsi. Ge eia ga igo a aopa vaka ita mori mae ara eia sugutaro a maurira ire tatou e vararua kaka ra. ²⁸ A vaimatata ra pepere ra vuroboe vararua ari a vagagari ouka, gari mai pristi. Aramori a sesere ra pepere ra ari garita ra vamuri a vaimatata ra, tsi vurobo e Rature Pago, e pristi arei eia taro kerira oata sesere terari ga su-urie tafou.