¹ Ire gitoiu e pristi, are vararua vurarobo e gitou kabiri ie gitou o, e gitou tsi ga abia muri re vararua tera ri ga igo a aigogoru te Pago, ma e a ri aiabia re Pagoa vurutsi gugutu a a o pa soio te Pego ge Pego ga abi garei ira tavovuro bunu te vararua. ² Eia koramuria ri igo e gitou e vararua ari gamma no muimurio tomie gitari a tavovuro gitou gamma kokora o, ire eia mori ga igogougoru. ³ Ira oio moria arei, eia mori te gitou vu robo e eiatera ri gutua aopa ra favovuro bunu teta ra, ma e moria re eia igo a oio a tavovuro bunu te vararua o. ⁴ Eita gamma ga abia ougogoru ari teta rai. Re, eia ge Iesu vurobo e eia, mae a Aronio. ⁵ Oiro a garu moria ri mae re, te Kraisti ga veisare a aisara gari mae ai pristi o. Tsimore, eari pepere a cireia o vere, "Eme e Ratugu; igoei Eau gari mae Tamamu." ⁶ Ea mae are eia veivei tai a oio a ba ari nau o, "Vere eme e pristi a karu vu ra auka, vamuria tavovuro re Melkesedek." ⁷ Oio a rogo ra vovora, Kraisti vaigoio ta kiraka me a masagara tomia tsirari me a mata sisari ra soio te Pago, eari ga koramuria ri surie eia oio a pireo, te eia no-o tsia ira mauri ra te ta ra tera magasai. ⁸ Mae eia e Ratura, eia rovia tavovuro ra nomuri ra oio ari ma e a totsibo ouka o. ⁹ Eia maroka, te vararu a kakara ari tsitsirie eia, ga abia maurira ari a karuvura ouka. ¹⁰ Eia ge Pago vurobo e eia abia reia aisa mae pristi vamuri moria tavovuro re Melkesedek. ¹¹ Mitou a totsibo komuko te ra ri ga pepere ire Iesu, aramori e mutou gamma no-omuimuri te ea gamma koramuri vau ire mitou ga rube mataga ga emi a soio tamutou. ¹² Ira igoei e mutou e tauaro ra veimarira mutou ga abie taro ita ga veimarie mutou ira avuura veimatata ra pepere ra te Pago. ¹³ Ire taro ari niniu a susu, eia tsi oio so tovomuimuria ari aiabia pepere ra ari kokora, ire eia oio so abibi. ¹⁴ Aramori airari ari vavaga ge te gitari kerira to. Arei te gitou e tauaro ari matua oiro a aigogoru, ire e gitou rovi a ari vaigaria tavovuro kokora kabiri a ri bunu.