¹ Ge, e Pago tai eia promisimu e tatou tai ge tatou ga goio taia mautu ra maira ra, tsi ma e tatou ga matau, souka eita oio tamutou gamma ga goiro a mautua aro o. ² Ire tatau ge no-o ta pepere ra te Pago are gitou nono a rawairao. Aramori a pepere ra aro gamma ga su-urie tauaro ari gamma tautaurairo oio vora. ³ Ge tatou ari tautau rairo oio vora ga goiro a mautu ra mairara, mae are eia vei vere, "Eau vei sesere oiro a temasi ra te gaku mae, "Gitou gamma ga goiro a mautu ra maira ra." Mae ari ga aigogoru tetara ga karuvu oio a magasai. ⁴ Ira oio a ba ra pepere ra te Pago eia pepere ira Seven De o: Eia vei mai, "Pago tsi maira oio a rogo ari inimata sagaporo irua (Seven de) oio a aigogoru teta ra." ⁵ Ge oio ro rou a pepera ra mori a rere eia vei vere, "Gitou gamma ga kora muria ri goiro a mautu ra maira ra te gaku." ⁶ A mautu a to ge oio o, a mautu o ge te gitou e vararu a sari ga goio vora. Ge tau aro ari pepere a pepere ra te PAgo, gamma tsirimuria e gitou gamma ga goiro a mautu ra mairara. ⁷ Ge vamuria maratatsira are re, e Pago vurobo a rogo ita, e tatou veivei a, "Igo ei," mae rawaira eia pepere oio te Devitsi o, a pepere ra o e gitou kikesia tsia: "Igo ei arige eme no-o eia pepere, gamma kapi rorobo a tsia mu." ⁸ Ari ge Josua ga abia gitou a maira ra, e Pago gamma ga pepere ira rogo ari ita o. ⁹ Tsi mae a Sabati, ta a rogo ra mairara te vararua ra aigogoru te Pago. ¹⁰ Ire eari goiro a mairara te Pago, eia maira to oio a tavovuro bunu ari te ta ra o, Mae mori are e Pago igo a oio te e ratura e Iesu. ¹¹ Tsi ma e tatou ga tuavi tera ri goiro a mautu ra mairara, souka taro ita ga tsitsi ri a tavovuro ra no-are ra mae ari rawaira e gitou e vararua re Israeli igo a o, ge eia gamma ga goiro ra oio a mautu ra maira ra. ¹² Ira pepere ra te Pago eia mauri te eia igo a aigo goru tai mata-a vau mae a baenatsi ari a mata-ara oio a gare irua tomi o. Eia ga susue tatou oio a vovo gatou ga goiro kara vau oio a saru ra tua gatou o, mae a vovo me a karuru gatou gomai vaikapopo o. ¹³ Atotsibo are Pago taua ita gamma ga taukovu oio a Pago, aramori a totsibo kakara maea tavovuro nau ari mae tatou ioigoa o, ge pou para ra oio a mata re Pago. ¹⁴ Tsi mae, tatou ga tautaurairo ga sautora vavage a aisare eari mae pristi te gatou, e Iesu e Kraisti ari goiro a mausaka ra mago goiro ta mautura marokara are tatou no-oa pepere ira o. ¹⁵ Ire tatou e pristi ita terari ga abi garei a tavovuro a ri bunu te gatou ouka. Tsi kokora, e tatou ga abi e taro ari goiro a tovomuimuri ra me a mausaka ra ma e tatou ei, ge ara mori eia gamma igo a tavovuro bunu. ¹⁶ Te tatou ga umara matau ra ri ga goio te taro ra giro go, tatou ga goio ire tatou ga abi ira kokora ra teta ra tai e tatou ga abi girogo te ra ri ga su-uri re tatou.