¹ Tsimae, teitarigu ra marokara, e Pago tora tai e mutou oiro a mautu neneki. Mutou ga gabu tara e Iesu ea ri e aposeli me muraruga te tauaro ra aigogoru te Pago are tatou tautaurairo ire eia tomie eari e tatou vano parara ea aisara o. ² Eia tautau rairo oio te Pago, a taro ari vurobo e eia, mae moria are Mosesi tsirimuri emi a tavovuro te PAgo rawaira eia igo a soio te vararua o. ³ Ire Iesu eia a toro kerira oata te Mosesi, Ire a taro ra ruma ea kerira vau oio ruma ra. ⁴ Ira a ruma kakara magiri mori ira taro ita, e Pago mori tsi tsigia ruma o. ⁵ Ire Mosesi eia tautaurairo sesere mae a taro ra aigogoru te Pago bomuimuria ruma te ra ri vano parara are vararua ira totsibo nau ari ga garita ra vamurio. ⁶ Aramori e Kraisti te e rature Pago ari ga bomuria ruma te Pago o. Arige tatou ga tautaurairo oiro oiro, veisare a aisara oio a rogo teitomi-ira kokora ra tetara somai te ga tou e tatou ta ruma te Pago. ⁷ "Mae igei, Karuru Tabu ga pepere a ga tou vera: "Arige mutou no a pepere ra teta ra, ⁸ Mutou umara kapi robo vavage a tsia mutou mae ari rawaira oiio a ba bunau e tutubu mutou no ai are, oio ari mae a tovomuimurigaritavue gitou o. ⁹ E gitou ino a aigogoru kerira ari neneki Eau igoa oiro a revara varara irua (40 yrs), Aramori vamuri vora e gitou gamma nomuri. ¹⁰ Te Eau temasi vau ire gitou a maratatsira aro. Te Eau vei vere, "E gitou a tsia gitou oio pou a bua vau. E gitou gamma rovie Eau." ¹¹ Tsi mae Eau temasi ire gitou: Mate Eau vei a gitou vere mutou gamma ga goiro a mautu ra maira ra tegaku." ¹² Bomurie mutou, e teitarigu, souka eita oio kabiri tamutou a gabutara ra me a tsia ra oio baugu ge eia ga igo e mutou gae mutou gamma ga tautaurairo ire Pago ari a Taro ra maurira o. ¹³ Aramori oio a rogo kaka ra vaterie tau aro ita ita ra pepere ra ari neneki e gitou veivei a "igo ei," souka eita kabiri tamutou ga tavovuro ra maga sai ga kogono e eia gea tsia ra ga vavaga vau. ¹⁴ Ire tatou ga gari tsi mae teitamire Kraisti oio a ri ge tatou vavaga rari sautora totomua vagagarira oira teta ra oio a siroko ra goio a karuru vu ra. ¹⁵ Ira oio arei eia vei tsi vera, "Igoei, arige mutou no a goru ra, mutou umara kapi robo vavage a tsi mutou, mae ari rawaira oio rogo ra no are ra oio a ba bunau o." ¹⁶ Erei tsi nono a pepere ra te Pago rawaira o gamma tsitsiria o? Tsimore gitou e vararua are Mosesi abie gitou gogara oio e Ijupi o? ¹⁷ Erei te Pago temasi re eia oiro a revara vararairua o? (40 yrs) Egita gamma ioiogoa tavovuro bunu, o e vararu a ari peo a vovo gitou taburi bunau oio a ba bunau ari airari oio vora ouka o? ¹⁸ Ge vararua ari mavei te eia vei totomua ge gitou gamma ga goiro a mautu ra maira ra, te gitou evararua ari gamma nomurie eia o? ¹⁹ Tatou ga ino a mae e gitou gamma ga goiro a mautu ra maira ra ire gitou gamma tautau rairo.