¹ Tsi mae e tatou ga tsiri muri emi ta pepere ra are tatou no o ta o, tatou ga sautora vava ge a tau a oio a gabuta ra gatou tsitsiria. ² Rawaira o e Pago pepere are tutubu gatou oio te gitou e engeli oio a are, ta pepere ra arei pou vavaga vau, ge vararu a ari gamma nomuimuria pepere ra o ga abia mapa ra tavovuro bunu are gitou ioigo a o. ³ E tatou ga ere mavei oio arige tatou gamma no o muria kokora ra te Pago? Arei a kokorara ari soko vau are Taro Kerira vei parara ea te gitou e tau aro ari no o a gomai veivei rou ira mitou o. ⁴ Oio a togo aro o e Pago pepere tai oio a saeni eia veigari para e a mirikeli paipai ma aigogo ru kerira ma e eia abia re vararua ita ita a vagagari ra karuru Tabu tsirimuria masaga ra, oio a tavovuro arei, eia vaino e tatou mae a pepere ra ea sesere matomo. ⁵ E Pago gamma vei vere e engeli ga muge a o bomuria magasa ari araba ga garita ra o, are tatou pepere ai. ⁶ Aramori a taro ita oio a ba ra pepere ra vanono, veivei maei, "Tauario ta arova sesere, te eme gabutara matotomo ire gitou? O erature taro a tama re, are eme bomuimurie eia? ⁷ Eme tau e tauaro otaro rou oio te gitou e engeli: Eme vaisare eia tomia miraga ra te Pago. ⁸ Eme ga tau atotosibo kaka ra ea ga muge a ga bomuimuria." Ira oio mori tetara tsi mae e Pago taua a totsibo kakara otaro a auruva ra. Ge e Pago gamma taua a tsibo ita ge a taro ga muge a o bomuria. ⁹ Aramori igo ei tatou ga abi ta mauri ra, gamma ga mae ari rawaira e Iesu, sogamma gari e gitou e engeli mori o. Igo ei e Iesu abi ta aisa kerira ira mausakara ari mae eia goiro vora tomi a pireo ra, Eia peo vakaita mori re vararu ta girogo tetara veimaurie vararua kakara o. ¹⁰ Ire ea neneki vau to oio te Pago, ira atotsibo kaka ra ga abi a mauri ra oio mori tetara, tera ri abi rivue vararu soio a miraga ra tetara. ¹¹ Te tau aro ari gari mae rurature Pago me eari abia maurira oiro tetara o e gitou ga ira mori. Tsi mae eia ga kaka e gitou ire teitarira. ¹² Te eia veivere, Eau ga vanono a aisamu soio te teitarigu, Eai ga bubau ga vaisare a aisamu oio are gitou ga gomai vaikapopo oio ruma ra kiraka." ¹³ Eia vei rou vere, "Eau ga tau a irogu oiro teta ra." Eia veirou vera, "Ino, e rurature Pago are e Pago abia somai tegaku ei to omai tomie Eau ei." ¹⁴ E vaunini abibi ei, te vararua mori, te Iesu pepe re ire gitou o, eia tai tsi ma e a taro ire eia ga peo robo e vararua ga igo bunu e satani, ari a vagagari ra pireo oio tetara o. ¹⁵ Arei ga veivavaga e vararua ari matutau a pire o poupou oio a tabu ei, ga e gitou pou bunau ira ira oiro a vagagarira pireo. ¹⁶ Sesere vau, arei gamma ga tera ri surie gitou e engeli, aramori e gitou a maratatsira re tutubure Abaramu. ¹⁷ Tsi mae arova e eia vera ga igoa o, eia ga igoa mae teitarira o, ire eia ga igo gougoru a aigogoru oiro a kokora ra me a tautaurairo mae a taro ra aigogoru neneki te Pago, tera ri sabubu garei a airuru te vararua. ¹⁸ Ire e Iesu mori goiro a mausaka ra tomia tavomuimurira, te eia mori rovia ari ga su-urie vararu a ari oiro a mausaka ta me a tovomuimuri ra o.