¹ Tsimae, vararua ari rawaira o magiri poro gani e tatou mae a karu kerira noino e tatou, tatou ga tautau rairo ga tau garei nau a mausaka ra mea tavovuro bunu ari sautatore tautou o. Ge tatou ga asi matata ira oio a gauru tomia gabuta ra ra oioa garu ari mae tatou ga aia si oio vo ra o. ² Tatou ga ino matata soio te Iesu, taro ra maurira mea sesere ra tautau rairo. Ira momoge ra ari pou soko oio tetara, eia e gitoui vire eia oata tauva rautu, eia mae ra, te eia peo. Arei eia oio pou to oio a purourou te Pago oio a rima ra e pirigata. ³ Mutou so gabutare vara rua ra tavovuro bunu rawairao, e gitou igo bunu vau e eia, ge e mutou ga magiri vavaga gamma mautau, ge mutou gamma makiki oio a tsia mutou, mutou ga magiri vavaga. ⁴ Mutou vaikokue tera ri ga vaikarua tavovuro bunu, aramori a vovo mutou gamma kasoso; ⁵ ire mutou vautaro a vaterira re eia veia mutou mai ruratu ra o: Eia vere, "Ratugu, Arige Taro Kerira ga igo a tsibo ita soio tamutou tera ri vaimatata e mutou, eme umara vera atsibo bunau, tai eme umara temasi. ⁶ Ire Taro Kerira veimatata e tauaro are eia masasa ge gitou, ge eia tataba taie tau a ro are eia vere ruratura o." ⁷ Abia tsivurara mae a vaimatata ra, PAgo vaimatatae mutou mae a taro ita veimatata e ruratu ra o. Ire ratura ari mavei to oio pou e tama ra veimatata e eia o? ⁸ Aramori arige mutou gamma abia vaimatata ra, e mutou gamma e rurature Pago. ⁹ Tatou ga rovi mae, tatou e tama gatou ra vovo oio, e gitou vateterie tatou te tatou togo vau e gitou. Mavei, ea neneki tai ire tatou ga vagotaro e tatou oio te Tama ra Karuru ge tatou ga togo e eia a taro ra mauri ra. ¹⁰ Tatama gatau te ra vovo ga veimatatea tavovuro gatou tera mauri ra ari igo e mori ei tsitsiria masaga gitoiu. Aramori e Pago veimatate tatou ire tatou ga abi ra maurira. ¹¹ Tatou ga umara temasi ira mausaka ra ari mae Pago abia gatou, tera ri vaimatata e tatou, Tatou ga gogo mori. Ira vamuri ea ga vaigaria gatou a vavua ra mautita oio a koko ra ra te Pago soio te tauaro ari nomuimurie eia o. ¹² Tsimae a rima mutou ari tabego o me a turu mutou ari turu so o e mutou ga voumatate a ga vavaga. ¹³ Vaimatatea garu ra turuga mutou, mutou ga igo a mae re ira va mutou gamma ga virua. ¹⁴ Pou emi oio a tsirogo tomie vararua, me a tavovu ro ra maroka ra, ira arige a tsirogo me a maroka ra ga ouka, eita gamma ga ino e Taro kerira. ¹⁵ Bomuri emi e mutou, souka eita oio tamutou ga paru oio a girogo te Pago, ge a aobu ari a vavuara mamasio, ga abia mutou a mausaka ra te ra ri vaigari a bunu ra oio a mata re Pago, ¹⁶ tsi mae eita gamma oio igoa tavovuro ra tovoveri ra ga poke taro e Pago mae, rawaira e Esau, ataro ari ita mori sasove a totsibo kaka ra e tama ra abia reia ire eia a posaragu o. ¹⁷ Vamuria tavovuro are eia igo o, eia gabutara ire eia ga abi rivua totsibo are eia barava ira soko o, eia sova tao, aramorie Pago gamma masaga. Ira rimamisi ra ouka, Eia tari vau ire eia ga abi rivua, arimori ouka vau. ¹⁸ Ire mutou so gamma gomai oio a mapaitsi mae are vararua re Israeli gamai oio a mapatsi e Sinai are mutou ga ino a ga saua, a mapaitsi ari avi oio vora, masori, aiwa me a a-ave-oio vora o. ¹⁹ A tsirari ra biugeli, a tsirari ra pepere ra. Oio are vararua no apepere ra aro, gitou vera ga no o rou a pepere ra ita, ²⁰ ire gitou gamma tsitsiria pepere ra ari mae gitou no a o, tai arige animali ita ga goio a mapaitsio, gitou ubi peo e eia. ²¹ Gitou matou ra tsibo are gitou ino a o, ire Mosesi tai vere, Eau matau te Eau panini." ²² Re, mutou ge gari to oio a mapaitsi e Sinai oio a mautu kerira te Pago ra mauri ra, tere Jerusalemu ra maroka ra, tai tera taoseni mea taoseni re engeli ari vaikapopo oio a mautu ra maroka ra o. ²³ Mutou gomai to oio a vaikapopora te gitou a posaragu ra te Pago, ari taua aisa gitou oiro a mautu ra maroka ra. Mutou gomai tsi te Pago, eari ga vaimatata e gitou kaka ra, me a karuru re tau aro ari gari emi, tsitsiri matate a koko ra ra te Pago. ²⁴ Tai e mutou ga gomaite Iesu, a taro ari magiri kabiri tera re vaivavage a kontraki ari araba oio a kasoso re Iesu ari neneki tatao vau oio a kaso so re Abeli. ²⁵ Mutou ga ino emi souka e mutou gamma ga nomuria pepere ra te eari pepere a mutou ei. Ire mutou gamma ga taukovu oio are mutou gamma numuimurie ea ri pepere a mutou oio a tabu ei, tatou gamma ga taukovu oio ari ge tatou poke taro e eari pepere a gatou ra mautu ra maroka ra. ²⁶ Rawai rao e Pago pepere, a tabu mautu. Aramori igo ei eia vei sesere mae, "Eau gamma ga rugu rou a tabu ei, me a totsibo ari oio a nagi ei." ²⁷ A pepere ra ari, "Argo ita rou," masovara vere eia ga abi garei a totsibo are eia rurugua, mae a, totsibo are eia tau a o, ge a totsibo are eia gamma rugu a o, ga pou rivu. ²⁸ Tsi mae, a kingdomu are tatou abia i gamma ga rugu e tatou, tatou ga momoge vaisare ga rotu tavu e Pago oio a tavovuro ari ma e tetara eia veivei a gatou o. ²⁹ Ire Pago tegatou eia a-avi ari agio.