¹ Mutou ga masaga e tami mutou ita ita. ² Mutou ga ino e vararua a poro ra o ga gomai a ba tamutou, emutou ga igo emi e gitou. Oio a tavovuro arei, mutou gamma ga rovi vere engeli sari te mutou abi e gitou somai a rumao mae rawaira e tauaro sari abie engeli soio a ruma te gitoiu ge gitou gamma rovi vere engeli to. ³ Mutou so gabutare gitari oio a ruma ra kapi robo ra ma e arige eme tai oio tomie gitou. Ge mutou ga gabutata re gitari igo bubunue mutou o ma e are mutou oio a tabu e gitou igo bubunu e mutou e. ⁴ Taurai ra ea tsibo koko ra te mutou ga bomuri mi a taurai ra, a papaga ra taurai ra ga maga ru ra, ire Pago ga koria bunu ra soio te a tamare me a tasema ari ioigo a tavovuro ra toroveri. ⁵ Oio a turaruga tamutou gamma masaga matotomo a watsi. Mutou ga sautora totomu ta arova koko ra e mutou abi tao, ire Pago mori vei a vere, "Eau gamma ga iritaro e mutou tai gamma ga igo bunu e mutou." ⁶ Te tatou ga pou vavaga oio a tsia gatou ga vei vere, "Taro kerira eia a vaisuri ra teaku; Eau gamma ga matau. A taro ita ga igo a arova somai te gaku?" ⁷ Gabuta re muraruga tamutou, e gitari pepere a pepere ra te Pago soio tamutou ere, mutou ga gabutare a tavovuro gitou, ga tsitsiria tautau rairo ra te gitou. ⁸ Iesu e Kraisti eia ge pou mori mae o inavi, igo ei, gea karuvu ra ouka. ⁹ Tsi mae mutou umara nono a pepere ra ari bunu ga igo bunu ira tsi a mutou. Ea kokora ira tsi a mutou ga voru ira girogo tera ri veivavagae mutou, gamma oio a airari. Airari gamma ga surie gitari tatuga oio a vamatata ra airari o. ¹⁰ Tatou a alta oio te gitou e pristi ari igo gou goru oio a ruma ra rotu gamma ga ari oata vora. ¹¹ Ira kasoso re bulmakau me a meme are gitou biria ira tavovuro bunu o e gitou e pristi ga abia soiro a rumu ari taukovu tera ri gutua, ge a mairira nau o ga e gitou orua o gara kemu. ¹² Mae e Iesu tai bore a mausaka ra oga ra mata ra bigomu ra mautu kerira ge a kasoso ra ga vui maga ire vararua ge gitou ga gari araba ira oio a mata re Pago. ¹³ Tsimae tatou ga gogara teta ra oio a kemu, ga bore a mae ra ra mae are eia bore a o. ¹⁴ Ira mautu kerira ra abu-u te gatou gamma omai ei ouka, e tatou ga pou tari mori a mautu ra mauri ra ari a karuvura a tapasi ra ouka ari ga garita ra vamurio. ¹⁵ Eia mori, te, tatou ga vaisare Pago ira aisa ra. Oio a rogo kaka ra are vevere gatou ga veisare eia vei neneki toutomu soio teta ra oio a aisa ra. ¹⁶ Tatou ga umara poke taro a tavovuro ra masaga ra mea airova, ira airabi ari maei te Pago momoge ira o. ¹⁷ Vagotaro e me-e nomurie muraruga tamutou, ire gitoiu bumuimurie mutou, arige mutou ga nomuri e gitou, e gitoiu ga igo emi a aigogoru te gitou. E gitou ga igo tomia momo ge ra, gamma tomia pepere gano ra. ¹⁸ Kaka tavue mitou, ire mitou gabu muria mae a tsia mitou oio tomi e Pago te mitou vera ga tuga matata oio o koko ra ra te Pavo. ¹⁹ Eau vaterie mutou ga e mutou pou kaka tavue Eau, re Eau ga pirivu favu e mutou. ²⁰ Marao e Pago ra tsia magogo ra, ari vairitsi rivue taro ra bomuimurie Sipsipi, Taro Kerira te gatou e Kraisti, ari vuia kontraki araba tera mauri ari, a karuvu ra tapasi ra oiuka oio a kasoso ra, ²¹ te ra ri vairitsie mutou tomia totsibo kaka ra oio a masaga ra, ari igo gou goru, e Pago momoge ira oiro te ga ra. Oiro mori te Iesu e Kraisti, ari a Vaibara va ra ga te ta ra a rogo kaka ra, a karuvu ra ouka. Sesere. ²² Eau ga vei a mutou, e teitamigu, mutou ga sautora toutomu a bobotora vateri ra pepere ra are Eau kikesia mutou ere. ²³ Mutou ga rovia mae tami gatou e Timoti e gitoui vagoga ra te eia oio a ruma ra kapi robo ra tomie eia. Eau ga ino e mutou oio ari ge eia ga pirivu. ²⁴ Vei a momoge ra te mitou soio te muraruga ta mutou me tau aro ra maroka ra te Pago. Gitari oio e Itali tsi raro e mutou ere. ²⁵ Marao a girogo te Pago pou tomie mutou.