¹ Tavovuro ra tautaurouro tsi mae atsibo are tatou masage a ge gamma ino a e tatou ga abia. ² Ira tavovuro arei vavaga vau oio te tutubu gatou rawaira o e gitou tautau rairo toutomu oio te Pago mea arova e gitou gamma ino a. ³ Oio a tautau rairo mori te tatou mata ga ga ira mae atotsibo kakara oio a tabuei gari ira pepe re ra te Pago, tsi mae arova e tatou ino a ea gamma gari oio a tsibo ari mae tatou ino a, Ouka. Ea gari tara oio a tsibo ari mae tatou gamma ino a. ⁴ Oio a tautaurairo te a Abeli gutu irea aopa ari neneki tata o vau oio te Keini, ire a Abeli a taro kokora, e Abeli eia tautaurairo, te Pago vei neneki ira airabite e Abeli. Abeli peo tsi ge a tautau rairo teta ra e tatou ga vanono a. ⁵ Oio a tautaurairo te Enoki gamma peo e gitou abi tomia vovora soata. "Eia e gitou gamma vapoge a vovora, ire Pago abi garei e eia." Ira soko oio are gitou ga abi e eia soata, e gitou ge vano para e a vere eia a tavovuro ra neneki vau oio a mata re Pago. ⁶ Ariga tautaurairo ga ouka e vararua gamma ga tsitsiria masaga ra te Pago. Ire taro ari vera ga goio a gavi te Pago eia ga tautaurairo mae e Pago oio pou mauri, ga su-urie vararua ari papae eia o. ⁷ Oio a tautaurairo te Noa te Pago veia areia ira -atsibo ari ga garitara o, atsibo are oa sogamma ino a. Eia tsitsiria pepere ra te Pago te eia tsigia a sipi ita te rari surie ritura me ruratura mea totsibo kakara teta ra. Oio are eia ioigo maei, a tautau rouro tetara vaigari para ea tavovuro nau te vararu a ta tautaurairo tetara te PAgo momage ire eia. ⁸ Abramu tautau rairo oio te Pago, te eia nomuria pepere ra te Pago oio are Pago tore eia tera ri go ga ra oio a tabu a ri mae Pago vera ga abia reia. Eia gamma rovia ba ari ga goio vora o eia goio mori. ⁹ Eia tautau rairo te eia goio pou ira oio tabu a ri mae e Pago vera ga abia a reia rawairao. Eia pou oio a ba ra tabua ro mae a taro a porora. Eia pou bai oio tobae tomie Aisaki me Jekobu, e tauaro are e Pago vera ga abia gitou a tabu a ro. ¹⁰ ire eia pou noino u-utut a mautu kerira e Pago mori gabutarea rari igoa eia tau a o. ¹¹ Oio a tautaurairo ra mori te sara te eia gamma ga koramuria ri savurou o, e Pago abia rei a bagagarira te eia savu rou o. Eia tautaurairo oio a masaga ra te Pago vei sesere a o. ¹² Are, e Abramu- goio kamuku to -agavi ga peo - eia e ruratu ra komuko vau. E ruratura gari ausu vau mae a tsimugo me a magasa ra mago e vararua gamma ga koramuria ri ga giia. ¹³ Tau aro arei tautaurairo mori goio kara oio are gitou peo ge gitou gamma ino a arova e Pago vera ga abia gitou oio are gitou pou maurio. E gitou magiri abua tsi ino soio vora o, e gitou pou momoge mori rari ino e gitou mae e gitou tera mautua poro ra o te gitou gamma mae ra muria ri veivei vere e gitou a poro ra oio a tabu ei. ¹⁴ Ira rige tatou no e vararua ari veivei a pepere ra ari mae re, tatou rovi vere e gitou papa e a mautu ra avu-u a sesere ra te gitou. ¹⁵ Arige gitou ga pou gabutata re a mautu kerira ari ma e gitou iritaro a o, ea neneki ire e gitou ga pirivu soio vora. ¹⁶ Arige gitou ga gabutatare a mautu ari neneki vau oioa mautu ari soko te gitou o, a mautu ra maroka ra, Egitou veivei are Pago mai, Pago te mitou." Ge e Pago ga momoge ire gitou te eia raragi ta mautu ita neneki te gitou oio o. ¹⁷ E Pago vei sesere are e Abramu vere, "Aisaki mori te e ruratu re ruru bu mutou gari tar ira. Oio a tautaurairo te e Abramu te e Pago tovomurie eia, te eia vera oparimu e Aisaki o ratura tamare ari ita morio. ¹⁸ Ire e Abramu mori te eia veia reia vera, "Oio mori te e Aisaki e rurature tutubu mutou ga garita ra." ¹⁹ Abramu gabu vere e Pago ga vairitsie- Aisaki oio a rige eia ga peo, tsi mae tatou ga vei a pepe re ra mararanira mae, eia abi rivue eia. ²⁰ Aisaki tautau rairo te eia vaibarava e Jekobu me Easau. Oio are eia vaibarava e gira o, eia veia gira ira arova ga garita ra vamuri oio te gira. ²¹ Jekopu tautaurairo oio te Pago, tsi mae aga vie eia ga pipe o to, eia veibarava e rurature Josepu irua e tameimare o, te eia toturu sotaroa girisura to tetara are eia tatuga ira o, te eia rotu tavue Pago. ²² josepu tautau rairo ire Pago mori tsi oio are eia ga agavi pipeo to, eia veia re vararua re Israeli vera, vamurie mutou ga iritaro e Ijipiei, te eia veigaumuria gitou ira arova e gitou ga igo a oio a tu ara nau. ²³ Tamare Mosesi tautaurairo te gira takovue Mosesei oiro a taio itoru, ire gitou ino e eia abibi neneki tatao vau. E gitou gamma matau a vaimatata ra te kingi. ²⁴ Mosesi tautau rairo ire Pago, ta re eia kusi goio a bibi a samura, eia gamma masagae gitou ga teie eia vere, eia e rature, eratu re king Fero a tasema o, Oika, ²⁵ Ire eia masage eia ga borea mausaka ra tomie vararua te Pago, eia gamma masaga ri tsitsiria tavovuro bunu ga momoge ira totsibo ra magasa ari gamma ga abia goitou a maurirai. ²⁶ Eia gabutare a mae arige vararua ga igo bunue eia ira aisare Kraisti arei ea neneki vau oio a watsi me a tokoromo ra tomia totsibo ari koko ra vau oio e Ijipi o, ire eia noino ira mapa ari vamuri o. ²⁷ Mosesi tautau rairo te eia eretaro e Ijipio. Eia gamma matau a temasi ra te Kingi, eia gamma ino e Pago ge eia tautaurairo mae are eia ino e Pago. ²⁸ Mosesi tautaurairo te eia igoa Airari ra Rogo ari mae e Pago vaipou emie Israeli. Te eia vei a re vararua re Israeli ga savure a kasoso oio a mamata ra ruma te gitou, ge engeli ra pireo ari bibirie rurature Israeli nau a posaraguo gamma ga biri rou e gitou. ²⁹ Gitou Israeli tautau rairo te gitou turu a Mago Mago magegese, mae are gitou tatuga oio a paga masaga o. Ge oio are gitou e Ijipi vera ga tsirimurie gitoiu, e gitou tsiro,u. ³⁰ Tautaurairo ta bigomu ra mautu kerira e Jeriko vari roke oio are gitou e Israeli poro gania vaka nima goio sagaporo irua.o. ³¹ Tautau rairo te Tebu a tasema ra toroveri ra o gamma peo tomie gitou e tau aro ari gamma nomuimuria pepere ra te Pago, ire eia taukovu emie gira ri irua gomai spai o. ³² Arowa ge Eau vei rou a? Arogo oio gamma koramuria ri ge Eau ga vera mutou ra tavovuro re Gidioni, Baraki, Samsoni, Jepta, Devitsi, Samueli tomi gitou e tauaro ra vano para na ara. ³³ Oio a tautaurairo te gitou muga ira oio a vaikue ra, ire gitou gitou vaigaria tavovuro neneki te gitou abi ina arowa e Pago vera ga abi ira gitou o. Gitou kapi robo a arere laioni nau o, ³⁴ gitou biri mate a karamea ra avi, e gitou ere ta baenatsi gamma birie gitou, e gitou a vagaga ri ra ouka, aramori e gitou oio vavaga, gitou gari mae tauaro ra vaikue ra sesere, te gitou vagotaro ire tauaro ra vaikue ra mautu a ro. ³⁵ Tatsirare tau aro ari peo to abi rivue gitou oio are gitou mauri rivau. Gitoiu sari e tauaro ra vaikue ra biri mamuro e gitoiu, rugu murie gitou, igo bunua vovore tasema, kue nau e gitou, tau e gitou soiro a ruma ka kapiro bo ra, ire gitou e tauaro bunu vera, arige mutou ga poke taro e PAgo, te gitou ga ino taro e gitou o. Aramori e gitou gabu vera, arige gitou ga peo, e gitou ga apuristi rivu. ³⁶ E gitou sari e tauaro bunu a biri mamuro e gitou, vivie gitou ra seni, tau e gitou soiroa ruma ra kapirobo ra. ³⁷ Gitou e tauaro bunuo ubie gitou ra watsi. Gitou boroutu a vovo gitou ira so-o oio mautu ra irua. Gitoui birie gitou ra baenatsi. Gitou sari oio te gitou tautaurairo, te gitou vaitokoromo e gitou ra kurire sipsipi ma meme te gitou tuga raurau oio a ba bunau, sari goata mapaitsi, sari goiro a kaova ra watsi. Te tau aro bunu ino e gitou , te gitou gamma igo bunue gitou. ³⁸ Vararua ra ba aro gamma igo emie gitou. Gitou pou pagaga bunaunau oioaba re tauaro oio vara ouka, tomi oio a mapaitsi, me a kaova ra a watsi, tomia pupao ra tabu. ³⁹ E gitou e vararua arei, e Pago igo eme e gitou ira tautaurairo te gitou, ge oio are gitou pou oio a tabuei, e gitou gamma abia arowa e Pago vera ga abia gitou o. ⁴⁰ Ire e Pago raragia tsibo kokora soko oio te gatou oio, ira arige tatou ouka, e gitou gamma ga gari matata emi.