¹ Oiro a vaimatata ra ta kanu ra o a verera arowa a totsibo ari ga garita ra vamuri o, aramori a vaimatata rao gamma vaino sesere tatou ra totsibo are re. Vararua ari goio rotu tutavue Pago gamma ga gari araba matata oio a aopa ari mae pristi goio ioigoa arogo ita ita oio a revara kaka ra. ² Ira mavei, apoa arei igo e vararu a gari emi sesere? Ariga mae ie e vararua ari goio a rotu, e gitou gamma ga igo rou a aopa ita tera tavovurobunu. ³ Aramori aopa arere igo e gitou gabu tatare a tavovuro bunu te gitou oio a revara kakara. ⁴ Ire ea gamma koramuri vau ra kasoso rebulmakau me goutu ga abi garei a tavovuro bunu. ⁵ Oio are Kraisti gomai oio a tabu ei, Eia vera, Biriri ra abasi ita tera aopa eme gamma masage a, Aramori eme raragi ta a vovo ita te ra ri abia gaku, ⁶ tomia aopa are gitou turu gogo a oio avi me a aopa ra tavovuro bunu are eme gamma masage a o. ⁷ Mate Eau vera, "Ino, Eau tei - mae are gitou kikesia rawaira o oio a pepere ra- te ra ri tsitsiri a masaga ra tame, e Pago." ⁸ Eia vei soko mai, a opa ari gugutua oio a avi, ouoru a a basi, aopa ra tavovuro bunu, eme -gamma masage a. "Ira aopa arei a-vaimatata ra veia ga e tatou tsitsiria. ⁹ Mago te eia vera, Ino Eau tei tera ri tsitsiria masaga ra tame." Eia abi garei a tavovuro ari rawaira o te eia vaigari a tavovuro ari araba te ra ri muri robo a tavovuro ari soko-o. ¹⁰ Oio moria a masaga ra, te tatou gari maroka ira aopa ari mae e Iesu e Kraisti sugu taro a vovo ra vaka ta mori ire vararua kakara. ¹¹ A rorogo a rorogo, e gitou e pristi magiri vano parara, gugutu moria abasi a rogo kaka ra - a gugurutu ra a opa ari gamma ga abi garei a tavovuro bunu. ¹² Aramori e Kraisti sugutaro e eia vaka ta mori tera ri abi garei a tavovuro bunu te vararua kakara, te eia goio pou to oio e pirigata oio a rima re Pago. ¹³ Eia oio u-utua rogo ari mae e Pago ga tau e vararua ari bubunu eia o otaro a auruva ra. ¹⁴ Ira oio a aopa mori ari ita mae e Kraisti sugutaro a vovo ra tsi igo a vararua gari maroka ira oio a rogo kaka ra. ¹⁵ Karuru Tabu tai veia gatou. Soso eia vei maei, ¹⁶ "Arei a kontraki Eau ga igo a tomie gitou vamuria rogo nau arere, Taro Kerira vei a. Eau ga taua vaimatata ra teaku oiro a tsia gitou, ge Eau ga kikesia oio a gabutara gitou." ¹⁷ Mago te eia vei rou maei, "A tavovuro bunu te gitou mea vaimatata ra ari bunu o Eau gamma ga gabuta ra rou a." ¹⁸ Tsimae ariga fogifnesi ra arei ga oio o, a garutu ra aopa ra tavovuro bunu ga ouka. ¹⁹ Ire, teitamigu, etatou gamma ga matau ra ri ga goiro a mautu ra maroka ra ira kasoso re Iesu abi garei la tavovuro bunu te gatou. ²⁰ Arere a garu me a purourou ari araba eia vaigaria ga e tatou goiro vora mae a airarava ari patsitsiri oiroa tuma ra rotu o, masire kabiri, arere tsi mae, a vovora o. ²¹ Ire e pristi ita kerira vau, bomuimurie vararua kaka ra te Pago, ²² te tatou ga goiro tomia tsia sesere ra oiro a tautaurairo ra ari vui ma-age a tsia gatou ra tavovuro bunu tai vuivui a vovo gatou oio a nanu mori. ²³ Tatou tai ga biritora vavage a masagara tautaurairo are tatou veivei a o ire eari veia arowa ga gario ea ga garita ra. ²⁴ Tatou ga gabutara emi gauru ari mavei gae tatou vairitsia oio te vararua te ra ri masagae taro ita ita tai ga vaigari a tavovuro ari kokora. ²⁵ Tatou ga umara vautautaro a tavovuro ra vaikapopo ra tami, mae gitou sari ioigoa o. Te ra ri, vaterie taro ita ita, tomie vararua kakara ga vei totomua gitou oio ari ge eme ino a Arogo te Taro Kerira ga oio agivi to, te tatou ga veivavaga te vararua. ²⁶ Arige tatou ga oio so ioigo a tavovuro ari bunu vamuria matagaga ra te Pago, aopa ra tavovuro bunu gamma ga e tatou igo rou a, Ouka. ²⁷ Te tatou ga matau sesere te rari pou taria a rogo ra vaimatata ra kerira ma avi ari airagi ra matomo vau tera ri ga turu gogo e vararua ari igo bubunu e Pago. ²⁸ Taro ari gamma tsitsiria vamatata ra te Mosesei ge arige taro ita o irua o itora ga ino e eia ga vaipepe re ra tavovuro ra eia ga peo. ²⁹ A mausaka ra ari mavei kerira vau te eme gabutarea ge a taro ari poke taro e Rature Pago ga abia, eari igo bunu tai a kasoso ra kontraki mae ea gamma maroka - a sasoso ari surie eia gari emi ira o-tai igo a tavovuro bunu soio te Karuru ra girogo? ³⁰ Ire tatou rovie taro ari vera, "A kirori ra bunu ra re, te gaku; Eau ga koria." Ge oio rou vora, "Taro Kerira ga vaimatata e vararua teta ra." ³¹ Arei a tsibo ra matau ra oio arige tatou goio a rima re Pago tera vaimatata ra! ³² Aramori e tatou ga gabutarea a rogo ari soko o, bamuria re tatou abia mamaga ra, e mutou abia mausaka ra kerira aramori e mutou ge abita vagaga ri ra tera ri vatogaro a mausaka ra me a tuavi ra ri oiro a mauri ra. ³³ Arogo sari e gitou e vararua igo bubunue mutou oio a mata re vararua, tai oio a rogo sari e mutou ga pau tomie vararua ari ma e gitou bubunue gitou te ra ri borea mausaka ra tomie gitou. ³⁴ Irea eme gogo re tauaro ari oio a ruma ra kapi robo ra te eme igo emie gitou, ge oio a rige tau aro sari ga vera vaerea a gougoru tamutou, -e mutou ga momage mori ira. Ire mutou mori rovia mae atsibo a sesere ra ari koko ra te gatou oio. ³⁵ Te mutou umara vautautaro a tautau rairo ra ari tamutou, me a tavovura ari neneki tamutou e mutou ioigo a rawariao, ira mapa ra gae mutou abia vamuri. ³⁶ Ire mutou ga gabutarea tavovura ari kokora tamutou e mutou ioigo a oio masagara te Pago, mae are Pago vei a ga abia mutou, e mutou ga abia. ³⁷ Ira gamma taba a bakisi mori, taro ari ga goimai o ga gomai subui vau mori. ³⁸ Vararua teaku ari tsitsiria masaga ra tegaku ga pou oio a tautaurairo ra. Arige eia ga pirivu tavua tavovuro bunu, Eau gamma ga momoge ire eia." ³⁹ Aramori e tatou gamma e tauaro te ra ri ga pirivu tavua tavovu te ra bunu ra, aramori e tatou e vararua ra tautau rairo ra te ra ri abia mauri ra.