¹ Ira vura aigomurira re Pago, maea masagara te vaunini. ² Maea turuga oiroa masagara, mae tai Iesu masage tatou meari abie eia soata ire tatou, a manisinira airabi tomia airova soio te Pago. ³ Aramori aurutsi tomia totsibo ari gama ma-aga o tavovuro ari gama neineki tomia borokaira gama vei veia kabiri taume, ira totsibo arei tsi gama neineki oioa matare vararua te Pago. ⁴ Oioa rere mareregera ga ouka, peperera ri bunu ga ouka, ameraigera ga ouka-totsibo ari gama neineki. Aramori ioi arere ga vei neineki ra airabi. ⁵ Ire me rovia vera tavo vuro ra aurutsi ga ouka, tautomira totsibo bunu ga ouka, taro anagu bubura ga ouka-tsi maea aobu puia gitou vaisaisare ira oio vora - mugea tsibo ita oioa mautu kerira te Iesu me Pago. ⁶ Gama igoe ita kogonoe eme ira peperera, ira vura totsibo arei ta vavagare Pago ariga gomai oio te ratura aino murira ouka. ⁷ Ira vura, gama goiro toi tomie gitou. ⁸ Ire me-e toi roa masori, ara mori igoei eme toioa mata gagara te Iesu. Tuga mae vaunini ra mata gagara. ⁹ (ira sesera mata gagara toi roa neinekira, amatatara, tomia seserera), ¹⁰ eme igoa tomiari vapuritsia arova tsi igo emia soio te Iesuo. ¹¹ Gama tau tomia gabutarara mea airigo ra aigo goru ra masori, ara mori igo parae gitou. ¹² Ea gama neineki irari vei para atsibo ari gitou igo koukovuao. ¹³ Aramori atsibo kakara gagari para ira matagagara, eia ga gari tatou ga rovi irea. ¹⁴ Ira totsibo ari gari tatou inoa o rovia ta mata gagara. Ira rova eia tsi vei maei, "Agoro, eme ari nau nautai, apuritsi oroio a pireo ire Iesu ga abia mata gagara oio taume." ¹⁵ Ino emi oioa turuga taume - gama goio ari bunu eme goio ari neneki. ¹⁶ Raragi ira matara aro ira rova arogo eia bunu. ¹⁷ Ira rova, umara momoge, ara mori gaburara arova ta masagara te Iesu oio vorao. ¹⁸ Gama niuniu a waeni ouka, ira arere tsi ga goiro oioa bomuri ra tavovuro, Iraga voru tomira karuru tabu. ¹⁹ Pepere soio tei ta ita oto e sam tomia birau mea birau ra karuru, baubau oigoa goru soio te Iesu tomia tsiamu, ²⁰ Arogo toitomi vei neineki ira tsibo kakara, oio aisare IEsu Karaesi soio te Pago tomie Tamara, ²¹ Ga vaivei soio tei ta ita ira tsirogo atawara ire Iesu. ²² Ritu mutou, vago taroe mutou oio te ura mutou, mae soio te Iesu. ²³ Ire ura mutou tsi oata tamutou eritu gitou mae Karaesi tai tsi oata te gitou evararua, eia mori te Seivia ra vovo. ²⁴ Ara rumara vaisarera vai putu murira peperera soio te Iesu, soio tai te ta-asema goio te eura gitou ira tsibo kakara. ²⁵ Taimare, masaga irtu mutou, mae Karaesi masaga rumara vaisarera abie eia soata tetarao ²⁶ ira mae eia ga maroka ira soio tetava, ire eia ga magarura irari pupurua nanu tomia peperera, ²⁷ ire eia ga vaituria ruma ra vaisareia soio tetara maea tsirogo, a baga ga ouka o ari pigi ga ouka tomia atsibo ari nauo, ara mori maroka ra gama igoa masaukara. ²⁸ Oioa garu-u ita mori eura mutou ga igoa aigogoru ira masage ritu mutou ira mae avovo mutou tsi ita-atsi. Eari masaga matomo irtura tsi masaga matomo tai eia. ²⁹ Ira ita gama masaga airigora mori, ara mori vaigaria tomia ari bomuria mea matamuria, mae mori are Iesu vaigaria tomia ri bomuria ruma ra vaisarera mea mata murira, ³⁰ ire tatou tsi ameba ita mori ra vovora. ³¹ "Ire vura arei a tamare ga ritaroe tamara tomie tsirara ga goio tomi te ritura, ga egira ga gomai avovo gira ita atsi," ³² Airigora seserera rei ge tawara - ara mori eau ge pepere ire Iesu tomia rumara vaisarera. ³³ Eau maera, oio tamutou ga masage ritu mutou mae eia, mae ritura ga togo eurara.