¹ Eau, Ira vura, ira taro ra Kapirobora te Iesu, vaterie eme ga tuga matata oioa tsirora ari eia tora ire meo. ² Eau vaterie eme ga pou kerira vagotaro eme tomia airigo tomia pou makavura, tavovuromu tomi ita ita ga ioia airi go tawara. ³ Igoa airigo neineki ira saulorea tavovuro ita ira karuru tabu oiroa gabumurira mauvora tsiara ta-aro. ⁴ Oioa rere ta vovo ita tomia karuru tabu, tsi mori mae areme tora oiroa gabutarora irare me tatorao. ⁵ Iesu tsi ita mori, tautau rairo ra ita, avurui ita. ⁶ Pago ita ori tomie tamara kakara, ari oata tegatou kakara oroio a sirokora goio a karuvura oroio tegitou kakara. ⁷ Somai tegatou ita ita a tsirogora ge abia tsirimuria apepere ra soioa pirara mea airabi te Iesu. ⁸ Ira oio a peperera tsi vera: "Arogo are eia apuritsi soata, eia mugea tauwaro ari pou oiroa rumara kapirobora ari gama ritaroa ruma ra kapirobora are gitou pou vorao, matsi eia abia airabi soio te varavua." ⁹ Ira vura peperera arei tsi mavei "eia goata," rovia vera eia tai muga gotaro, otaroa ba keriva ra magasai? ¹⁰ Eari muga gotaro ta ta ro mori ari goata abua oata mautu ra maro kara, tsi mae eia ga vaivorua tsibo kakara. ¹¹ Iesu ga abie gitou sari-i ga vaunini te Iesu, sari-i ga igoa aigogoru soio te varavua, sari-i ga voroa peperera oiroa maurira, sari-i ga pasta sara-i ga tisa. ¹² Ari rovea re vararua te Pago ira aigogoru are gitou ioigoai, irari vapuritsia a vovo re Iesu, ¹³ Irea tatou ga garitavua tavovurora tautau rairora tomia matagagara te rature Pago, ire tatou ga ugi sautora tsibo tomia ri vapogea vura totsibo komuko te Iesu. ¹⁴ Iesu vai magirie tatou soata ire tatou gama ga goio evaunini rou ari mae goio gomai soio iragasi, bore gareia ira roravira tautau rairora kogonova te vararua oiroa tavovurora kogonora ari igo tsibo. ¹⁵ Gama, pepere ira seserera oiroa airigo tawara, tatou tsi gagi apuritsi soata oioa garu kakara soio tetara eari muge tatou, ate Karaesi. ¹⁶ Karaesi vaimagiria tsibo kakara, matsi eia vaisau vaitagu tomi ta tsibo kakara ra suriva mareregera, maea vovora kakara igoa aigogoru tomi, tsi mae igoa vovora kakara magiri soata veirou ira eia vaimagirita sebera ira airigo tawara. ¹⁷ Ira vura, Eau veia tomia ri tagia ira rei oio te Iesu, ira mae eme pamaga tuga rou mae gitoue Gentael tatugao, oiroa gabutara gitou gama abie mia tsibo. ¹⁸ Gabu tara gitou gama oio roviemia tsibo ira, mauri gitou gama oio matata soio a maurira te Pago ira rova gabutarara gama neineki oiro tegitou, ira rova tsia gitou masauka. ¹⁹ Gitou abia maerara tawara oio are gitou igoa airuru oio a momogora tegitouo, mate gitou tovo muimuria tavovuro ari gama neineki tomia boro kaira. ²⁰ Ara mori arere eme gama rovi re Iesu. ²¹ Eau masaga vere eme ga no eia, mae me ga abira gabutarava oio tetava, ira seserera toio te Iesu. ²² Eme tsi abia airigo irari tau gareia arova taume ari atsibo gagari oioa maurirau, ga taugareia taro auru. Ira ta taro auru ari ioigoa airigo bunu ira rova tavovurova kogonora vagari matomo. ²³ Ewe tsi abia airigo irari vuroa maurimu oiroa karuru tabu ra ibutaramu, ²⁴ raga taua taro ari araba ga vaigaria oioa mararani re Pago oioa seserera mea matatara ma karokara. ²⁵ Ira vura, abi gareia kogonora, ira maraoa ita ita oio tamutou peperea seserera tomie gitari pou gavi taume, ira vura tatoui tsi agavi oio teita ita. ²⁶ Eme temasi aramori eme umara igoa airigo bunu. Eme umara ritaroa aro go taro oioa gabumuriva vagagarira taume-e. ²⁷ Eme umara abia amasagara rogo ari ioigoa tsibo soio tea taro bunu. ²⁸ Eari oigoa pakarirao umara paikari rou. Aramori, eia ga igoa aigogoru tomie tei tamira, ioigoa aigogoru neineki tomia rimamu, iraga eme abia tsibo rovea tomie gitari atsibo oukao. ²⁹ Gama veia peperera ari bunu gogara oioa aremu. Pepere moria peperera ari neineki ga igo tawara gabu tarara o tavovuro ire gitari masageao, ira peperera taume ga abia tsirogo soio te gitari nonoao. ³⁰ Gama pagi sivo ira airig bunu soio ta karuru tabu te Pago, ire eia mori te me-e abira mauriva oioa rogora vai karuvu ra peperera seserera ira tsibo ga gari. ³¹ Tau gareia tavovuro bunu, avaikuera, gabumurira vagagarira, ate mama sira, vaika-ara, tomia tsibo kakara ari bunuo. ³² Igo neineki soio teita, masaga matomoe tamimu, vuroa tamusimu, mae moria are Pago oioo te Iesu vuroa tamusira tomie meo.