¹ Ira vura rei eau, Pol, tarora kapi robora ire Iesu Karaesi tamu toue Gentael. ² Eau abia vere eme ge no ira tarora bomurira totsibo ra tsi rogo te Pago ari abia somai tegaku ira tamutou. ³ A totsibo ari eau rovia ira ainoinorao, mae ari eau kekesia mauturao. ⁴ A rogo are eme ga giarei, eme ga rovia irari gabutara, ira seserera oiroa atsibo ari gama vei paraea ire Iesu. ⁵ Oiro te vararua ra atsibo ari gama veiao gama vei paraea soio te ratura ta-aro. Ara mori igoei ge veipara-a tsia ira karuru tabu soio ta tarora vurui te vaunini te Iesu tomie gitou a tarora aigogoru. ⁶ A taukovura sesererai tsi atamare re Gentael ita muga tsi-ira, egitou kakara tomi, gitou vaisaravua ira tsibo a seserera oiro te Iesu Karaesi oroio a peperera tetara. ⁷ Ire eau gari ataro ra igogougoru ira peperera te IEsu ira airabi te Pago ra tsirogora abia gaku oroio a turugara vagagarira tetara. ⁸ Somai tegaku-ire eau ta keketura ita are gitou vui eau ira taro te Pago- a tsirogo ra rei tso abia, iraga peperea soio tegitou e Gentael ari gama papaea totsibo komuko te Iesuo ⁹ Iraga vaigaria soio a matagagara ire varavua kakava ga tsi rimuri irea-atsibo ari taburi taukovu rawaira te PAgo, eari vaigaria atotsiboi. ¹⁰ A tsiraurau arei ge rovi tsia oroio a rumara vaisarera ira mae ataro ari mamugea totsibo tomia avagarira ari oroio a moutu ra mavokara ga gomai rovira tsibo roiei roiei oioio a maragaga ra te Pago. ¹¹ Arei gari oroio a tsiraurau ari eia go ioigoa oiro te Iesu Karaesi tegatou. ¹² Ira oiro te IEsu tatou ga magiri vavaga iro emia tsibo ira tautau rairora tegatou soio tetara. ¹³ Ira vura eau tagie eme gama igo bunau nau ira purou bunu teaku soio taume, tsi mae atsirogora ti taume. ¹⁴ Ira vura rei eau toturu ira turugu soio te tamagu. ¹⁵ Oioio te ari taume rauratu oroio a marokara otaroa magasai tei reiao. ¹⁶ Eau kaka mae eia ga vei sesere aume, tsirimuria apeprera ra tsibo komuko ra tsitogo, iraga vavaga tomia vagagariva oroio a kaururu tetara, eari oiroa tsi muere. ¹⁷ Eau kaka mae Iesu ga pou oiro a tsimu oroio a Sirokora goio a karuvura tautau rairo mae eme ga magiri vavaga oiroa masagara tetara. ¹⁸ Oiro vera eme ga igo irari rovia, ira tomia vurui ire vararua te Pago, ira rova taavai avai, akaruvura, oroata gotaro, tomia ari oiroa airora, ¹⁹ iraga rovi ira masagara te Iesu, ari goio muga mata gaga ra, ire me-e ga vuru ira rogo te Pago. ²⁰ Igoei soio tetara eari masaga igo buea soio ari tatou tagia o gabu tarea, tsirimuria vagagarira ari igoa aigogoru oiro tegatou. ²¹ Soio tetara tsirogora oiro arumara vaisarera tomie Iesu Karaesi goio tegatou kakara akaruvura tapa siva ouka. Amen.