¹ Ira mae eme, eme ge peo oiroa aigo bunaura taume tomia tavovuro mu. ² Oioro are eme ita tatugao, oiroa turugara magasai. Eme tsi pou pou oioa taro ari mamugaa turagara rorovi, a karuru ari ioigoa aigogoru oiro te ratura aino vaura. ³ Mae tatou pou kabiri te vararua arei, vai seserea tsibo bunu ra gabumurira airigo gatou, ari igo sukua gabutara vagaria a vovo tania gabutarara. Tatou ta paga ra magasa vauninira mae a re gitou e vararua kakara. ⁴ Aramori Pago atotsibo komuko oioa neinekira irarova oioa kerirara airigo tawara are eia igoa somai lega touo. ⁵ Oioa are tatou peo ira goio bunaura aba, eia igoe tatou mauri tomi oiro te Iesu- oioa girogora eme pou neki-irai. ⁶ Pago vapuritsie tatou soata tomie Iesu, mate Pago igoe tatou pou tomi oata mautu ra marokara tomie Iesu Karaesi, ⁷ ira mae oioa tauia goima eia ga vanoe tatou ira atsibo tawara kerira ra atsibo komuko ira tsirogo ra tawara aroa tavorurora somai te gatou oiro te Iesu Karaesi. ⁸ Ira oioa tsirogora eme pou emira tautau rairo, arei gama oroio taume-e irata airabi te Ago, ⁹ gama oroio a aigogoru, ira ga ita vagoata ire me-e. ¹⁰ Ire tatou ta taro ra aigogoru te Pago, vaigaria oiro te Iesu Karaesi terari igoa neinekira airigo are Pago taura gatou rawairao, iraga tatou tuga ira oio vora. ¹¹ Ira vura gabutarea are eme oio e Gentael oiroa airigorao. Eme tsi teia "gama raiburaso" ira tari teia "vaiburaso" ira toio a vovo igoira rimava taro. ¹² Oioa rogo arere eme tsi sararua oroio te Iesu, ataro ra ba-a oroio goniai pou oioe Israel, tovo ra abo oroio gomai taupara ira seserera, mae atsibo ga gari mae Pago gama oioa maga sao. ¹³ Ara mori oio te Iesu Karaesi eme ari abua oio te Pago ga abie me somai agavi ira kasosore Iesu. ¹⁴ Ire eia mori ta mauvora tegatouo, ravura eia igoe tatou ita. Oio a airigora eia vari ropea avovora sararuara tavovuaro. ¹⁵ Eia tau vaia vaimatatara tomia sugu tarora peperera te gitoiu ataro ra aigogoru iraga eia go igo eia mori ataro araba goio ra irua, ivaga oigoa mauvora oiroa tsiara ta-aro. ¹⁶ Iesu iri mamisitomie vararua soio avovo ita soio te Pago oroio a tavarautu, taua soio a pireo ra tavovuro. ¹⁷ Iesu gomai vei pava apeperera neineki ra mauvora tsiara soio taume ari goio abua mauvora tsiara soio taume ari agavi. ¹⁸ Ire Iesu mori tsi tatou tomi inoira kavuru tabu ita soio te tama gatou. ¹⁹ Ira mae, igoei eme Gentael gama rou oroio aba-a o rogara. Mae eme gea taro pou vuvua tsi tomia tauwaro ra vurui te Pago tomia vararua ra ruma te Pago. ²⁰ Eme ge vaimagiri ta vare vaunini te Iesu tomia taro ari igoa aigogoru, ire Iesu Karaesi asebera ta vura totsibo. ²¹ Oiro tetara ta tsibo kakara magiri tomi tsi ugi maea rumara kiraka soio te Iesu. ²² Atsi mori eia te me-e lai magiri tomi maeira mautara purou te Pago oiroa karuru tabu.