¹ Vaunini, togo e tsira mutou tomie tama mutou oroio te Iesu, irari mae i tsi kokora. ² "Vaisare tamamu tomie tsiramu" (ira ta sirokora murarugara airigora), ³ "iraga neineki tomi re eme ga eme pou marau ira otaroa magasai." ⁴ Tamagu, eme gama igo temaisasi soio te rauratu mutou ira vagagarira. Ira, vai pou e gitou vaterie gitou ira tsi rimuria garu te Iesu. ⁵ Ta-arora aigogoru te vararua, eme nomuri soio te masata tsiri muria airigora tomia tsirogo tawara mea mataura, oiro a seserera ra tsiamu. Ga nomurie gitou mae eme tai ga nomurie Iesu. ⁶ Ga nomuri gama mae are masta ga pou noino, iraga igo emie gitou. Ara mori eme nomuri maea taro ra aigogoru te Iesu, mae eari igoa masagara te Pago oiroa tsiarao. ⁷ Igoa aigogoru tomia tsiamu, ira mae eme tsi ioigoa aigogoru te Iesu gama te vararua, ⁸ Ira rova tatou rovia vera atsibo ari neineki ataro ita ita ioigoa, eia ga abia vavuara oroio te Iesu, ire eia oiogoa aigogoru te ita o eia goio bunau. ⁹ Masta, igoa tavovuro neineki soio ta taro ra aigogoru teita oioa garu-u ita mori. Umara igo kaka-a eigitou. Eme rovia vfere eari masta tegira tomie eme toata mautu ra marokara, ira oio arere ta vaikuera vaikaruvura tomie eia ouka. ¹⁰ Aritai, ga vavaga oiro te Iesu tomia vagagarira tova ga gari. ¹¹ Taua tsibo kakara ra gariau te PAgo, ire me - ega neineki ira, magiri vavaga irari gabutara igoa tsibo ra tsiraurau tera taro bunu. ¹² Ira oioa rutu raura gama oioa airigora kasosora, aramori oioa taro ari mamuga atsibo, oio taia avagarira tsirimuria, oio tai a vagagarira abia masori, oio tai a karurura ari vaivagaria tsibo bunu oioa mautu ra marokara kakara. ¹³ Ira vura taua gariau kakara te Pago, iraga eme magiri vavaga ira oioa rogora vunura, vamuri vora eme ga igora tsibo kakara tai magiri igo robo ira garu-u. ¹⁴ Magri igo robo ira garu-u, tomia Kistoraira seserera igo torea poro gaoria avaimu, veirou taua susu ra tava ra matatara, ¹⁵ veirou, oioa va-amu tove tomia raragira ari gomai oroio a peperera te IEsu ra mauvora. ¹⁶ Oiro ioa vaiburasora abia gariau ra tautau rairora, iraga eme raragi irari tau garei ira rorovira remusu ra taro bunu. ¹⁷ Veiro abia a-atsi ra su-uriva tomia mata-ara bomurira karuru tabu, ata peperera te Pago. ¹⁸ Tomia kiraka kakara mea tagiara, kaka arogo kakara soio ta karuru tabu. Soioa karuvura rei, rogo kakara noino ira masaukara ari mae eme taua kiraka soio te vararua te Pago. ¹⁹ Tai kaka ire au, ira peperera ga abira somai tegaku ira rogo are eau kopea aregu. Kaka ire eau ga rovi tomira magiri vavaga ira tau kovura seserera ira pepererao. ²⁰ Ira ta pepereva ari eau a murarugara ari pou oiroa aserio, ire eau ga vei para irea magiri vavaga, oio are eau ga pepereo. ²¹ Tiki kus, tuagu aseserera tomia tautau rairora taro ra aigogoru oiro te IEsu, ga igoa tsibo kakara rovia soio taume, iraga eme rovi ira arova te eau ioigoai. ²² Eau sovea soio taume ira mori arei, ire eme ga rovi ire mitou mavei, ire eiga ga vateri ira tsiamu. ²³ Mauvora soio te tatuagu, a masagara tomia tautau rairora oroio te Pago Tamara tomei Iesu Karaesi. ²⁴ Atsirogo soio te gitari masage Iesu Karaesi tegatou tomie gitari abi seserea masagarao.