¹ Kaiei e yaco i na Siga Tabu ka lako jiko kina ko Jisu e na loma ni loga sila, ka bejia ko ira a ona tisaipeli a vusonisila, ka ra qilia e ligadra, ka ra kania a vuana. ² E so a Farisi e ra kaya, “a cava ka kemudou valata kina e dua a meca ka tabu ni vala ina Siga Tabu?” ³ E sauma ko Jisu ka kaya, “Dou sa bera beka ni wilika a meca ka valata ko Tevita ni sa via kana, ko koya kei ira a tagane ka ra a jiko vata kei ko i koya? ⁴ E a lako kina vale ni Kalou ka laki taura a madrai dau raici ka kania eso, ka solia talega vei ira a tagane ka ra jiko vata me ra kania, e djina ga ni vakatarai ga vei ira a bete me ra kania.” ⁵ Sa qai kaya vei ira, “A luve ni tamata a Turaga ni Siga Tabu.” ⁶ Sa baci dua tale a Siga Tabu e lako kina na valenilotu ka vakavulici ira a tamata. E a jiko kina e dua a tagane ka malai tu e dua ligana. ⁷ Ra sa vatadjigovi ko i koya sara vakamatua ko ira a vunivola kei ira a Farisi se na vakabula e dua ina Siga Tabu, me rawa ni ra na boka e dua a meca me ra na beitakini ko i koya kina. ⁸ Ia e kila a meca ka ra vakasamata kina jiko sa qai kaya kina tagane ka malai tu a ligana “Tucake mai tu ina odra lanadonu. “Sa qai tucake a tagane ka lai tu kina. ⁹ Sa qai kaya vei ira ko Jisu, “Au na tarogi kemunu, e tara i na Siga Tabu me keta valata a meca vinaka se ca, me vakabulai e dua sa me rusa?” ¹⁰ “ Sa qai vakaraia ira wavoki ka kaya kina tagane, “dodoka a ligamu.” Sa qai valata, sa qai vinaka tale a ligana. ¹¹ Ia e ra sa qai tawa vakasamatakina rawa e dua a meca, ka ra sa veivosoki ga vaka ira se cava me valata vei Jisu. ¹² E dau yaco iei ina veigauna me dau lako kina ulunivanua me masu. E tawa cegu a ona masu jiko kina Kalou ina bogi taucoko. ¹³ Ni sa siga sa kacivi iratou taucoko a ona tisaipeli vei ko koya, ka djigitakina e lewe jini ka rua, ka sa vakatokai ivatou me i apositolo. ¹⁴ A yacadratou a i apositolo ko Saimoni (koya ka yacana talega ko Pita) kei na tacina ko Adriu, Jamesa, Joni, Paedomiu, ¹⁵ Maciu, Tomasi, Jemesa na luvei Alefio, Saimoni ko koya sa vakatokai na Ulumatua, ¹⁶ Jutasa na luvei Jemesa, kei Jutasa Isikarioti ko koya ka qai liumuri. ¹⁷ Sa qai siro sobu vata mai kei iratou ko Jisu mai ulunivanua ka mai kei tucake ru e na dua a vanua tautauvata kei ira e dua a i lawalawa tisaipeli levu kei ira a i wiliwili ni tamata levu mai Jutia kei Jeruisalemi kei na vei baravi kei Taya kei Saitoni. ¹⁸ E ra lako mai me ra vakarorogo vei koya ka ra vakabulai ina odra baca. Ko ira talega ka ra vakatotogani tu ina yalo velavela e ra vakabulai. ¹⁹ Ko ira taucoko a tamata e ra saga me ra tarai ko i koya baleta a kaukauwa ni veivakabulai e lako mai vei ko i koya ka vakabulai ira taucoko. ²⁰ E vakaraici iratou a tisaipeli ka kaya, “Sa kalougata ko ira sa dravudravua ni na odra a matanitu ni Kalou. ²¹ Sa kalougata ko ira sa via kana ni ra na vakani. Sa kalougata ko ira sa tagi iei ni ra na dredre. ²² Sa kalougata ko ira sa caji ka biliraki ka vosavakataki ka vakuwai iko ka dusi iko ka tawa vosoji iko ina vuku ni yaca ni luve ni tamata. ²³ Mo ko reki ka marau e na siga maiei, balela ni ko na saumi vakaidjina mai lomagai, ni ko ira a odra qase era a qaravi ira vakamaiei a parofita. ²⁴ E na ca ko koya sa vutuniyau, ni ko sa taura oji a omu logaloga vinaka. ²⁵ E ca vei iko sa kana sivia ni ko na via kana mai muri. ²⁶ E na ca vei iko ka dau kaukauji iko cake ko ira a tamata maiei a meca e ra dau valata ko ira a odra qase vei ira a parofita doudou. ²⁷ “Ia kau sa kaya vei iko ko sa vakarorogo lomana a kemu meca ka valavala vinaka vei ira era caji iko. ²⁸ Vakalougatatakini ira era vosamuritakini iko, ka masulakini ira era valaji iko vakaca. ²⁹ Ko koya e rogaca e dua a balumu solia tale kina a ona ka dua. Ke dua e luvata a omu kote, kua ni bureitakina a omu sote. ³⁰ Solia vei ira era kerei iko. Ke dua e derea vei iko e dua a meca, kua ni kaya kina me kauta lesu tale mai vei iko. ³¹ A meca ko vinakata me ra valata vei iko a tamata valata talega vei ira. ³² Kevaka ko na lomani ira ga e ra lomani iko, a cava a ona i sau vei iko? Ko ira madaga a i valavala ca e ra veilomari vaka ira. ³³ Kevaka ko valata ga a meca vinaka vei ira era valata a meca vinaka vei iko, a cava a ona i sau vei iko? Ni ko ira mada ga a i valavala ca e valata talega. ³⁴ Kevaka ko dau solisoli ga vei ira ka ko kila ni ra na sauma lesu vei iko, a cava a ona i sau vei iko? Ko ira a i valavala ca e ra solia ga vei ira a i valavala ca me ra taura tale a ona i levu vata ga maiei. ³⁵ Ia mo ko lomana a kemu meca ka i valavala vinaka vei ira. Solia ka kakua ni nawaya a ona i sau. E na qai vakaitame ra a ona i sau vei iko, ka ko na qai luvei koya sa cecere sara, ni ko koya mada ga e lomani ira era tawa dau vakavinavinaka ka ra tamata i valavala ca. ³⁶ Mo ko dau loloma ni sa dau loloma ko Tamada. ³⁷ Kakua ni dauvakapupule ni ko na vakapulei. Kakua ni dauveiwetei ni ko na wetei. Vosoji ira a tani, ko na qai vosoji. ³⁸ Solia e na qai solia vei iko. A i vakarau vinaka – tabaki sobu, Kureitaki vala ka sinai vutuvutu- ka na drodrova yani a sagamu. A i valavala ga ko valata e na vala tale vei iko. ³⁹ E kaya talega vei ira iratou a vosa vakatautauvata. “E rawa ni tubera a matakui e dua tale a matakui? Kevaka e rau na valata e rau na lutu ruarua kina qara, se sega beka? ⁴⁰ A tisaipeli e tawa ni levu mai na ona qasenivuli, ia ko ira taucoko e ra vakaculici vakavinaka era na tautauvata kei na odra qasenivuli. ⁴¹ A cava ko laki vakaraica kina a jikini malamala ina mata i tacimu, ka ko tawa boka a kacu i matamu? ⁴² Ko na kaya vakaivei kina tacimu “Taciqu, mai meu taura laivi a jikijiki ni malamala ina matamu, ni ko iko mada ga vaka iko ko tawa boka a kacu i matamu? Ko iko a dauveidabui! Kauta laivi mada i mada a kacu i matamu ka ko na qai raica vakavinaka a jiki ni malamala i na mata i tacimu. ⁴³ E sega bau a kacu vinaka me na vuatakina a vua ca, e sega bau a kacu me na vuatakina a vua vinaka. ⁴⁴ E Kilou ga a kacu i na vuava. E ra tawa kauta mai a tamata a vua ni lolo mai na soni ni lekutu, se ra kauta mai a vua ni vaini mai saukana. ⁴⁵ A tamata vinaka e na kauta a meca ca mai na lolo ca ni lomana. A meca ga e sinai i lomada e na kaya mai a gusuda. ⁴⁶ “A cava ko kacivi au kina, Turaga, Turaga, ka ko tawa muria a meca dau kaya? ⁴⁷ Ko ira taucoko era lako mai vei au ka rogoca a qou vosa ka muria, au na kaya vei iko e tautauvata kei na cava. ⁴⁸ E tautauvata kei na tamata e tara a ona vale, ka kelia vakanubu a qele ka tara a ona yavu ni vale e na dela ni vatu. E na gauna ni waluvu, a coka yani a dobui kina vale la e tawa yavalata rawa, baleta ni tara tu vaka vinaka. ⁴⁹ Ia e rogoca a qou vosa ka tawa muria e tautauvata kei na tamata e tara a ona vale ina dela ni qele ka sega bau a ona yavu. Ni coka mai a dobui kina vale maiei, e bale vakasauri, ka sa kabasu vakadua a vale maiei.